Popular Bible Verses from Salmos 53

Share

Nehꜙ tuhˉdsëꜗ hi̱ˉ tooˉ jäyhꜘ: “Saꜙ cha̱a̱ˉ Dio cha̱a̱ˉ.” Läꜙjë̱ë̱ꜙ baˊ hi̱ˉ tooˉ maˉhe̱e̱ꜙ dsëꜗ, hiꜙ jmeeyꜙ heˉ hlɨɨhˈ jmahꜗ baˊ. Saꜙ cha̱a̱ˉ niꜙ ja̱a̱ˉ hi̱ˉ jmeeꜙ heˉ lluꜗ.

Läꜙ gaꜙtëꜘ gyʉʉhˈ jëë˜ Dio kihꜗ hi̱ˉ tä̱ä̱hˊ hwaˈ. Mahꜗ jëëyꜗ cheˊ cha̱a̱ˉ ja̱a̱ˉ hi̱ˉ jmeeꜙ hʉʉˊdsëˉ hnaahˉ Dio.

Läꜙjë̱ë̱ꜙ baˊ maˉka̱h˜ jwëꜘ, läꜙjë̱ë̱ꜙ kweeˉ baˊ maˉhe̱e̱ꜙ dsëꜗ. Saꜙ cha̱a̱ˉ hi̱ˉ jmeeꜙ heˉ lluꜗ, niꜙ waˊraˉ ja̱a̱ˉ gaˊ cha̱a̱ˉ.