Salmos 52
52
1¿Heˉlaˈ jmäähꜙ hñaahꜗ jø̱ø̱hˈ,
kya̱a̱hˊ heˉ hlɨɨhˈ heˉ jmeehˉ?
¿Cheˊ saꜙ ñehˊ lloo˜ ko̱o̱ˉ jmɨɨˊ
lla̱a̱ꜙ heˉ läˉñihꜘ dsëꜗ Dio kya̱a̱hˊ hi̱ˉ jmeeꜙ heˉ hlɨɨhˈ?
2Hlëëhˊ heˉ hlɨɨhˈ jmahꜗ baˊ.
Läꜙko̱hꜘ ñeˈtuuhꜚ heˉ naˉjniiˊ lluˈ laꜗ juuˈ heˉ hwëëˉ hoohˊ.
3Tɨh˜ gaˊ hohꜘ heˉ hlɨɨhˈ läꜙko̱hꜘ gaˊ heˉ lluꜗ,
läꜙja̱ˉ tɨh˜ gaˊ hohꜘ juuˈ taˉjuuˈ läꜙko̱hꜘ gaˊ juꜗdsooꜘ.
4Tɨh˜ hohꜘ taˊ hnooˉ juuˈ kihꜗ dsaꜙ, hneˉ hi̱ˉ taˉju̱u̱ˈ.
5Heˉja̱ˉ Dio he̱e̱ꜗ hneˉ goˉte˜.
Lle̱e̱yꜙ hneˉ chaˊnehꜙ kyahꜗ
hiꜙ lle̱e̱yꜙ hneˉ jmɨˉgyʉʉꜙ laˉ.
6Waˊraˉ gaꜙjëëꜗ hi̱ˉ llu̱u̱ꜗ heˉ maˉlaꜗ läꜙja̱ˉ,
jäꜙ läꜙga̱yhꜙ Dio.
Hiꜙ miˉkwa̱yhꜗ hi̱ˉ hñaaˉ dsëꜗ heꜘ, jäyhꜙ:
7“Hi̱hꜗ hi̱ˉ laˉ, saꜙ gaꜙhnaahˉ Dio.
Gaꜙka̱yꜗ oˉjø̱hꜙ dsëˉ
kihꜗ heˉ maˊ chayˉ chaˉmiihˉ kuuˊ,
hiꜙ saꜙ gaꜙtʉyꜗ heˉ maˊ jmeeyꜙ heˉ hlɨɨhˈ.”
8Pero jnäꜘ,
läꜙko̱hꜘ heˉ maˉchehnꜗ nehꜙ gwahꜙ kihꜗ Dio baˊ laˈ kinꜙ,
la̱a̱nꜗ läꜙko̱hꜘ chahˈ olivo eehˉ.
Jëëhꜘ läꜙ maˉkye̱nˊ ja̱ˉbaˊ oˉjø̱hꜙ dsëˉ kiyhꜗ,
kihꜗ heˉ läˉñihꜘ dsëyꜗ gaꜙläꜙjëꜙ johꜘ jmɨɨˊ chaˉ.
9Läꜙjëꜙ jmɨɨˊ baˊ kwanˋ tiˊhmaahˊ kyahꜗ hneˉ Dio kya̱a̱nꜙ kihꜗ läꜙjëꜙ heˉ jmeehˉ.
Hiꜙ jeeˊ kihˈ hi̱ˉ naˉjngëëˈ kya̱a̱hꜗ,
kye̱nˊ oˉjø̱hꜙ dsëˉ kyahꜗ, jëëhꜘ lluꜗ hohꜘ hneˉ.
Currently Selected:
Salmos 52: chz
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
