Salmos 148
148
1Läꜙjë̱ë̱ꜙ hnähꜘ hi̱ˉ tä̱ä̱hˊ gyʉʉhˈ jmɨˉgyʉʉꜙ
häˊ hnähꜘ kihꜗ DSAˉJØ̱Ø̱Hˈ jnänˋ,
läꜙja̱ˉ jmeeˊ hnähꜘ jʉʉhˉ kiyhꜗ.
2Läꜙjë̱ë̱ꜙ hnähꜘ ángele kya̱a̱yꜗ, häˊ hnähꜘ kiyhꜗ.
Hnähꜘ hi̱ˉ la̱a̱ꜗ läꜙko̱o̱ˉ hløøꜘ kya̱a̱yꜗ,
jmeeˊ hnähꜘ jʉʉhˉ kiyhꜗ.
3Hneˉ hyooˉ häˊ kiyhˈ hiꜙ läꜙja̱ˉ hneˉ sɨhˉ kaˉlähꜘ.
Läꜙjë̱ë̱ꜙ hnähꜘ nʉʉꜘ häˊ hnähꜘ kiyhꜗ.
4Läꜙjë̱ë̱ꜙ goˉte˜ hi̱ˉ cha̱a̱ˉ gyʉʉhˈ jmɨˉgyʉʉꜙ, häˊ hnähꜘ kiyhꜗ.
Läꜙja̱ˉ jmɨɨˉ heˉ hlaˉ gyʉʉhˈ häˊ kiyhˈ.
5Läꜙjë̱ë̱ꜙ hi̱ˉ tä̱ä̱hˊ gyʉʉhˈ waˊ häyꜘ kihꜗ DSAˉJØ̱Ø̱Hˈ jnänˋ.
Jëëhꜘ, hñiiyꜘ baˊ gaꜙjmääyꜗ läꜙjë̱ë̱ꜙ kya̱a̱hˊ hihꜙ kiyhꜗ.
6Gaꜙjmeeyꜘ läꜙcha̱a̱ˉ hi̱ˉ heꜘ läꜙjëꜙ johꜘ jmɨɨˊ chaˉ.
Läꜙja̱ˉ laꜗ madaꜚ kiyhꜗ, heˉ saꜙ läꜙsɨɨꜗ ji̱hˊko̱hꜘ.
7Läꜙjë̱ë̱ꜙ hnähꜘ hi̱ˉ tä̱ä̱hˊ hwaˈ,
häˊ hnähꜘ kihꜗ DSAˉJØ̱Ø̱Hˈ jnänˋ.
Läꜙja̱ˉ hnähꜘ jahꜘ ka̱hˊga̱a̱ˉ hi̱ˉ tä̱ä̱hˊ nehꜙ jmɨˉñeehꜚ
jeeˊ juuhˉ goˉte˜, häˊ hnähꜘ kiyhꜗ.
8Läꜙja̱ˉ jeꜚñihꜗ, mɨˈdsëꜗ, hmooˉ, jmɨˉhmooˊ hiꜙ läꜙkye̱ˉ lleꜘ täꜘ
heˉ nʉʉhˊ kiyhˈ, waˊ häꜘ kaˉlähꜘ kiyhꜗ.
9Läꜙjëꜙ mohꜘ ñiiꜘ hiꜙ läꜙka̱a̱ˉ jeeˊ hwa̱a̱ˈ, waˊ häꜘ kiyhꜗ.
Läꜙjëꜙ hmaˉ heˉ kwaꜙ mɨɨˈ
hiꜙ läꜙjëꜙ hmaˉñihˊ, waˊ häꜘ kiyhꜗ.
10Läꜙjë̱ë̱ꜙ jahꜘ hi̱ˉ tä̱ä̱hˊ mohꜘ läꜙkye̱ˉ jahꜘ hi̱ˉ ka̱a̱h˜ dsaˉ,
waˊ häꜘ kiyhꜗ.
Läꜙja̱ˉ jahꜘ hi̱ˉ së̱ë̱hˉ hñiiꜘ hwaꜗ hiꜙ läꜙkye̱ˉ ta̱ˈjahꜘ,
waˊ häꜘ kiyhꜗ.
11Läꜙjë̱ë̱ꜙ dsaˉtaˊ ka̱a̱hˊ hi̱ˉ cha̱a̱ˉ hwaꜗ laˉ
hiꜙ läꜙka̱a̱ˉ jeeˊ jwɨɨˉ, waˊ häꜘ kiyhꜗ.
Läꜙjë̱ë̱ꜙ dsaˉtaˊ mähˈ,
läꜙja̱ˉ hi̱ˉ kye̱ˉ miihˉ taˊ, waˊ häꜘ kiyhꜗ.
12Läꜙjë̱ë̱ꜙ chihˉmëꜘ chihˉñʉʉhˉ, waˊ häꜘ kiyhꜗ.
Läꜙjë̱ë̱ꜙ dsaˉ maˉgyu̱hˉ
hiꜙ läꜙkye̱ˉ chihˉ mähꜗ, waˊ häꜘ kiyhꜗ.
13Läꜙjë̱ë̱ꜙ goˉte˜ waˊ häyꜘ kihꜗ DSAˉJØ̱Ø̱Hˈ jnänˋ,
jëëhꜘ ja̱a̱ˉ hñiiꜘ bihꜗ la̱a̱yꜗ jø̱ø̱hˈ.
Läꜙko̱o̱ˉ jnääyꜘ, hi̱i̱ˉ tä̱ä̱ꜙ jëëꜗ jmëëꜗ kiyhꜗ.
Niꜙ miihˉ saꜙ je̱hꜙ gyʉʉhˈ hwaꜗ läꜙko̱o̱ˉ la̱a̱yꜗ.
14Hñiiyꜘ gaꜙkwëëyhꜗ beꜘ dsaˉ hi̱ˉ la̱a̱ꜗ kya̱a̱yꜗ.
Heˉja̱ˉ cha̱a̱ˉ jneˊ lluˈ,
jneˊ dsaˉ Israel hi̱ˉ naˉjngëëˈ kya̱a̱yꜗ,
ko̱o̱ˉ jwɨɨˉ heˉ cheyhꜗ kya̱a̱hˊ tä̱ä̱ꜘ. ¡Aleluya!
Currently Selected:
Salmos 148: chz
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
