Salmos 141
141
1Hneˉ DSAˉJØ̱Ø̱Hˈ kya̱a̱nꜙ, kya̱a̱hˊ hneˉ baˊ chu̱u̱nꜘ,
yaˉjë̱ë̱ˋ jnäꜘ naꜗko̱hꜘ.
Nʉʉˉ kinꜙ maˊ chu̱u̱nꜘ kya̱a̱hˊ hneˉ.
2Waˊ sooˉ taꜙ kyahꜗ läꜙjëꜙ heˉ chu̱u̱nꜘ kya̱a̱hˊ hneˉ
läꜙko̱o̱ˉ ñeˊ kihˈ waˊchu̱ˉ.
Heˉ choonꜙ maˉgoonꜙ taꜙ kyahꜗ, waˊ leꜘ läꜙko̱o̱ˉ heˉ dsaˉka̱ꜙ dsaˉ nëˊ naˊhyooꜘ taꜙ gaꜙhlooꜘ.
3Kwaˊ beꜘ kinꜙ DSAˉJØ̱Ø̱Hˈ kya̱a̱nꜙ mahꜗ høønˋ hoonꜙ.
Taꜙ kwaˉ jwëˈ heˉ hwëëˉ juuˈ hlɨɨhˈ hoonꜙ.
4Waˊ läꜙø̱ø̱ꜘ kinꜙ läꜙjëꜙ hʉʉˊdsëˉ hlɨɨhˈ
mahꜗ saꜙ jmeenꜙ ko̱ˉjø̱hꜘ kya̱a̱hˊ läꜙjë̱ë̱ꜙ hi̱ˉ jmeeꜙ heˉ hlɨɨhˈ.
Taꜙ kwaˉ jwëˈ dsaˉhenꜘ jeeˊ tä̱ä̱yhˊ jmeeyꜙ läꜙ hyohˉ dsëyꜗ.
5Heˉ lluꜗ kinꜙ baˊ cherˊmahꜗ ja̱a̱ˉ hi̱ˉ llu̱u̱ꜗ gaꜙjʉʉhꜗ kinꜙ.
Cherˊmahꜗ gaꜙjʉʉhꜗ kinꜙ, leꜘ më˜ kinꜙ.
Saꜙ läꜙlle̱e̱nꜘ kya̱a̱yhˊ cherˊmahꜗ läꜙja̱ˉ gaꜙjmeeyꜘ kinꜙ.
Pero ngooꜗ baˊ jnäꜘ ngɨɨnˊ kihꜗ Dio
mahꜗ jnëꜗ jwëˈ kihꜗ hi̱ˉ jmeeꜙ heˉ hlɨɨhˈ.
6Dsaˉka̱a̱hˊ kya̱a̱ˈ hi̱ˉ hñaaˉ dsëꜗ heꜘ jwä̱ä̱yꜗ chaˊsɨɨˉ ñiihˊ.
Ja̱ˉgaˊ läꜙngëëyꜘ heˉ gaꜙhlë̱ë̱hˋ jnihꜘ kya̱a̱hˊ juꜗdsooꜘ jmahꜗ.
7Jeeˊ tä̱ä̱yhˊ ja̱ˉ jäyhꜙ: “Maˉchiꜘ maˉjøøꜘ jmɨˉngoꜗ jnänˋ,
maˉtøøhnˊ hooˊ toˉhø̱ø̱ˉ baˊ laˉ.
Maˉlaꜗ kihꜗ jmɨˉngoꜗ jnänˋ läꜙko̱hꜘ heˉ maˉkyahˉ dsaˉ hwaꜗ.”
8Hneˉ DSAˉJØ̱Ø̱Hˈ kya̱a̱nꜙ, ko̱o̱ˉ kyahꜗ baˊ hneˉ jëën˜.
Chaˉ baˊ oˉjø̱hꜙ dsëˉ kinꜙ kya̱a̱hˊ hneˉ, taꜙ be̱e̱ꜘ jnäꜘ.
9Lä̱ä̱ˋ jnäꜘ kihꜗ cheꜘ heˉ maˉhɨɨyꜘ kinꜙ.
Lä̱ä̱ˋ jnäꜘ kihꜗ läꜘ heˉ hɨɨˉ läꜙjë̱ë̱ꜙ hi̱ˉ jmeeꜙ heˉ hlɨɨhˈ.
10Jmeeˊ waˊ tä̱yhˉ ja̱ˉbaˊ nehꜙ läꜘ heˉ hɨɨyˉ hñiiyꜘ,
taˊko̱ˉji̱i̱hˈ ja̱ˉ, ngooꜗ baˊ jnäꜘ taꜙ chaˊnëˊ.
Currently Selected:
Salmos 141: chz
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
