Salmos 137
137
1Chaˊhooˊ jmɨˉjʉʉhˉ kihꜗ Babilonia,
jeeˊ ja̱ˉ maˊ dsaˉtoohˋ jnäähꜗ kɨˊhoohˊ jnäähꜗ,
heˉ dsooh˜ dsëꜗ jnäähˈ kihꜗ jwɨɨˉ Sión.
2Ja̱ˉbaˊ jeeˊ ja̱ˉ, nëˊ saˊgohꜗ hmaˉjo̱hˋ baˊ
maˊ hiiꜘ jnäähˈ tu̱ˉ kya̱a̱ꜗ jnäähˈ.
3Dsaˉ Babilonia hi̱ˉ gaꜙjä̱ä̱ꜗ jnäähˈ taꜙ ja̱ˉ,
maˊ ngɨɨyꜙ heˉ maˊ häˊ jnäähꜗ.
Hi̱ˉ gaꜙjä̱ä̱ꜗ jnäähꜗ kya̱a̱hˊ heˉ wɨɨꜘ, maˊ jmeeyꜙ läꜙ biiꜗ
maˊ häˊ jnäähꜗ su̱ꜚ heˉ jmeeꜗ jë̱ë̱ˉ dsëꜗ jneˊ.
Maˊ jäyhꜘ:
“Häˊ hnähꜘ ko̱o̱ˉ su̱ꜚ heˉ maˊ hähˉ hnähꜘ taꜙ Sión.”
4¿Haˉ läꜙja̱ˉ heˉ häˊ jnäähꜗ su̱ꜚ kihꜗ DSAˉJØ̱Ø̱Hˈ jnänˋ
jeeˊ jwɨɨˉ kihꜗ dsaˉ cha̱a̱ˉ ʉ̱ʉ̱ꜘ?
5Cherˊmahꜗ gaꜙgaaꜘ dsënꜙ kihꜗ jwɨɨˉ Sión,
läꜙja̱ˉ waˊ gaaꜘ dsëꜗ goonꜙ raˉllu̱u̱ꜗ heˉ hwaˊ chaˊgoonꜙ.
6Cherˊmahꜗ gaꜙgaaꜘ dsënꜙ kihꜗ Jerusalén,
waˊ jnëˈ hoonꜙ goˉte˜.
Läꜙja̱ˉ waˊ leꜘ kinꜙ, cherˊmahꜗ gaꜙgaaꜘ dsënꜙ
ko̱o̱ˉ jeeˊ läꜙjëꜙ jwɨɨˉ heˉ jmeeꜙ cha̱a̱nˉ lluꜗ.
7Hneˉ DSAˉJØ̱Ø̱Hˈ kya̱a̱nꜙ,
miˉdsoohꜚ hohꜘ läꜙko̱o̱ˉ gaꜙjmeeꜘ dsaˉ cha̱a̱ˉ Edom
läꜙ maˊ gaꜙlɨhꜗ dsaˉ gaꜙte̱e̱yꜗ kya̱a̱hˊ dsaˉ Jerusalén.
Maˊ jäyhꜘ:
“He̱e̱ꜘ goˉte˜ läꜙka̱a̱ˉ jeeˊ jwɨɨˉ naˉ.
Waˊ saˈ waˊ hlaˈ läꜙkye̱ˉ tɨɨˊ naˊhyahˉ kiyhꜗ.”
8Hnähꜘ dsaˉ Babilonia, naꜗ baˊ raˉ si˜ he̱e̱ꜘ hnähꜘ.
Dio kwa̱a̱ꜗ hi̱ˉ te̱e̱hˉ jwɨɨ˜ kyahꜗ,
läꜙko̱o̱ˉ gaꜙjmeehˊ hnähꜘ kya̱a̱hˊ jnäähꜗ.
9Dio kwaꜗ beꜘ kihꜗ hi̱ˉ peˊjle̱e̱hˊ gyʉ̱ʉ̱ˉ kya̱a̱hꜗ hnähꜘ nëˊ ku̱u̱ˊ.
Currently Selected:
Salmos 137: chz
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
