SAME 108
108
A Masu ni Kere Veivuke
A Sere. A Same i Tevita.
(Same 57.7-11; 60.5-12)
1Kemuni na Kalou, sa dei vakavinaka sara na yaloqu!
Au na laga sere ga ka vakacaucautaki kemuni!
Mo yadra cake mada, na yaloqu!
2Drau yadra mai, na api kei na soliteri!
Au sa na vakayadrata na matanisiga!
3Au na vakavinavinaka vei kemuni Jiova, ena kedra maliwa na veimatanitu,
Au na vakacaucautaki kemuni ena kedra maliwa na tamata.
4Ni sa sivia na cere ni lomalagi na nomuni loloma tudei,
Ka sa la'ki tara na o na nomuni yalodina.
5Kemuni na Kalou, ni vakaraitaka na nomuni cecere ena maliwa lala,
Kei na nomuni lagilagi ena vuravura taucoko!
6Ni vakabulai keimami ena ligamuni qaqa;
ni sauma mai na noqu masu,
Me ra vakabulai kina na tamata o ni sa lomani ira.
7A sa kaya na Kalou ena nona vale tabu,
“Au na wasei Sikemi ena qaqa,
Ka'u na vota na buca o Sikemi vei ira na noqu tamata.
8Sa noqu o Kiliati, ka noqu talega o Manasa;
Sa noqu i sala kaukamea o Ifereimi,
Ka noqu i titoko vakatui o Juta.
9Ia, au sa vakayagataki Moapi me noqu beseni ni vuluvulu;
Kei Itomi me noqu kisi ni vava,
Ka'u na kaila ena qaqa vei Filisitia.”
10O cei ena kauti au ki na veikoro vakabai?
O cei ena kauti au ki Itomi?
11Kemuni na Kalou, o ni sa cati keimami dina li?
O ni na sega li ni lako vata yani kei ira na neimami mataivalu?
12Ni vukei keimami ena neimami valuti ira na keimami meca,
Baleta ni a sega ni yaga ga na veivuke vakatamata.
13Ni da sa tovata kei na Kalou, eda na rawata ga na qaqa,
Ena vakadrukai ira na keda meca o koya.
Currently Selected:
SAME 108: FNV
Highlight
Share
Copy
Want to have your highlights saved across all your devices? Sign up or sign in
Fijian New Version Bible, Revised Edition © Bible Society of the South Pacific, 2017, 2021.
