TIKO VOLI MAI NA LEKUTU 6
6
O Ira na Nasiraiti
1A sa kaya vei Mosese ko Jiova. 2“Mo vosa vei ira na Isireli, ka kaya: Kevaka e dua na tagane se dua na yalewa sa bubului ki na nodra bubului na nasiraiti,#6.2 A kena i balebale o koya sa bula tawasei se o koya sa vakacabori ka me sa vakatabui, ka yalataka na nona bula me sa nei Jiova, 3me qai vakatabui koya mai na waini kei na gunu kaukauwa ni mateni. E tabu ni vakayagataka e dua na gunu sa caka mai na qerepi, se kania na qerepi dreu se na kena e sigani.#Luke 1.15 4Ena nona bula kece e dua na nasiraiti,#6.4 A kena i balebale o koya sa bula tawasei se o koya sa vakacabori e tabu me kania e dua na ka sa caka mai na vunivaini, me kakua mada ga ni kania na sore ni qerepi se na kulina.
5Ena nona bula kece na nasiraiti, e tabu me kotiva na drau-ni-uluna se torotoro. Sa vauci koya tu na nona vosa ni bubului ki na bula tawasei sa vakatabui vei Jiova, ka dodonu kina me vakatubura tu ga na drau-ni-uluna. 6“E tabu vua me toro volekata yani e dua na yago sa mate ena veisiga kece sa tawasei koya kina me nei Jiova. 7E tabu me vakadukadukalitaki koya kevaka mada ga e mate na tamana, se na tinana, o tuakana se o tacina se o ganena; baleta ni sa toka e uluna na i vakatakilakila ni bula sa tawasei ka vakatabui me nona na Kalou. 8Na veisiga kece ni nodra bula me vaka e dua na nasiraiti,#6.8 A kena i balebale o koya sa bula tawasei se o koya sa vakacabori era sa vakatabui me nei Jiova.
9Ia kevaka sa vakadukadukalitaki na uluna vakatabui baleta ni a duri volekata tu e dua na wekana ka mate vakasauri, e dodonu me wawa mada me siga vitu ni bera ni qai kotiva laivi na uluna; ka sa vakasavasavataki kina. 10Ena i kawalu ni siga me kauta e rua na soqe, se rua na luve ni ruve ki vua na bete ena katuba ni vale ni veitavaki. 11Me vakacabora na bete e dua na i soro ni valavala ca, na kena i karua me i soro kama, me sorovaki koya kina ni sa cala ena vuku ni yago ni mate. Ia me vakacabora na uluna ena siga vata o ya, 12ka me vakatabui koya me nei Jiova ena gauna taucoko ni bula vaka na nasiraiti.#6.12 A kena i balebale o koya sa bula tawasei se o koya sa vakacabori Me qai kauta e dua na lami tagane sa yabaki dua me nona i soro ni caka cala; ia sa na sega ni okati na veisiga e liu, ni sa vakadukadukalitaka na nona vakatabui.
13“Ia oqo na lawa virikotori me baleti ira na nasiraiti:#6.13 A kena i balebale o koya sa bula tawasei se o koya sa vakacabori Ena gauna sa vakacavari kina na siga ni vakatatabu, me na qai kau yani o koya na nasiraiti ki na katuba ni vale ni veitavaki, 14ka vakacabora na nona i madrali vei Jiova. Me dua na lami tagane yabaki dua ka sa sega ni ca e dua na tikina, me i soro kama. Me dua na lami yalewa sa yabaki dua ka sa sega ni ca e dua na tikina me i soro ni valavala ca, kei na dua na sipi tagane sa sega ni ca e dua na tikina me i soro ni veivinakati. 15Me dua na basikete madrai sa sega ni vakatubu, ka so na keke buli mai na valawa matailalai sa veiwaki vata kei na waiwai. Eso talega na keke mamare sara sa sega ni vakatubu ka boro ena waiwai, kei na i madrali laukana kei na i madrali liviraki.
16Ia me vakacabora na veika oqo na bete ena mata i Jiova, ka vakacabora talega na nona i soro ni valavala ca, kei na i soro kama. 17Me vakacabora o koya na sipi tagane me i soro ni veivinakati vei Jiova, kei na dua na basikete madrai sa sega ni vakatubu. Me cabora talega na bete na i madrali laukana kei na i madrali liviraki. 18Ia me qai kotiva na uluna o koya na nasiraiti#6.18 A kena i balebale o koya sa bula tawasei se o koya sa vakacabori mai na katuba ni Vale ni Veitavaki, ka kauta na drau-ni-uluna ka biuta ki na bukawaqa ena ruku ni soro sa cabori me ka ni veivinakati.
19Me qai kauta na bete na taba ni sipi tagane sa vakasaqari oti, kei na dua na keke sa sega ni vakatubu mai na basikete, ka solia ki na liga i koya na nasiraiti#6.19 A kena i balebale o koya sa bula tawasei se o koya sa vakacabori ni sa kotiva oti na uluna ka qai vakatabui koya. 20Me qai laveta cake na bete me i soro yalovaki ena mata i Jiova; oqo sai madrali tabu me vakayagataka na bete, vata kei na serena sa yalovaki kei na sagana ka sa vakacabori. Ni oti o ya, sa qai tara vua na nasiraiti#6.20 A kena i balebale o koya sa bula tawasei se o koya sa vakacabori me gunu waini tale.
21“Oqo na lawa virikotori e vauca e dua na nasiraiti#6.21 A kena i balebale o koya sa bula tawasei se o koya sa vakacabori ka sa bubului oti me vakatabui koya; kevaka sa bubuluitaka e dua na nasiraiti#6.21 A kena i balebale o koya sa bula tawasei se o koya sa vakacabori me solia se vakacabora e dua na ka mai na taudaku ni veika e gadrevi vua me vaka na nona vosa ni bubului taumada, ia e dodonu me cakava sara ga o koya na ka e vosa ni yalayala kina.”
Vosa ni Veivakalougatataki Vakabete
22A sa vosa vei Mosese ko Jiova, ka kaya: 23“Mo vosa vei Eroni kei rau na luvena me ratou cavuta na veivosa oqo ni ratou sa vosavakalougatataki ira na Isireli:
24Me vakalougatataki kemuni ko Jiova ka maroroi kemuni:
25Me cilavi kemuni na mata i Jiova, ka yalololoma vei kemuni:
26Me vakanamata vei kemuni ko Jiova, ka solia vei kemuni na vakacegu.
27Me ratou qai cavuta na yacaqu o Eroni kei rau na luvena ena kedra maliwa na Isireli, kau na vakalougatataki ira.”
Currently Selected:
TIKO VOLI MAI NA LEKUTU 6: FNV
Highlight
Share
Copy
Want to have your highlights saved across all your devices? Sign up or sign in
Fijian New Version Bible, Revised Edition © Bible Society of the South Pacific, 2017, 2021.
