VAKATEKIVU 21

Na Sucu i Aisake

1A sa vakalougatataki Sera ko Jiova, me vaka na nona yalayala, 2a mani yaco me bukete o Sera, ka vakasucuma vei Epara-ama e dua na luvena tagane ni sa qase sara. E a sucu ena gauna sa nakita na Kalou me sucu kina.#Ipe 11.11 3A sa vakatoka o Epara-ama me yacana o Aisake. 4Ena gauna sa bogi walu kina o Aisake, sa qai cilivi koya o Epara-ama me vaka sa vakaroti koya kina na Kalou.#Vteki 17.12; Caka 7.8 5A sa yabaki 100 o Epara-ama ena gauna e sucu kina o Aisake. 6A sa qai kaya vakaoqo o Sera, “Sa kauta mai na Kalou vei au na reki, ka sa vakavuna na noqu dredre.#21.6 dredre: Na yaca Aisake ena vosa vakaiperiu e kena i balebale, “e sa dredre o koya” (raica talega na 17.17-19). O ira kece sa rogoca era na dredre vata kei au.” 7Sa kaya tale, “O cei e bau kaya vei Epara-ama ni na susu gone o Sera? Ia au sa qai vakasucuma na luvena tagane ni sa qase sara o koya.”

8A tubu cake o Aisake, ia ena gauna sa kali kina, sa qai vakarautaka o Epara-ama e dua na magiti levu.

Rau Vakatalai o Eka kei Isimeli

9O Isimeli, o koya na luve i Epara-ama sa sucu mai vei Eka na yalewa bobula ni Ijipita, a sa qito voli kei#21.9 qito voli kei; se vakatikatitaka tiko. na luve i Sera o Aisake#21.9 Eso na vakavakadewa makawa (Gk Vg) kei na luve i Sera o Aisake; E sega oqo ena kena vakaiperiu (Heb). ena dua na siga. 10A sa raica oqo o Sera ka mani kaya vei Epara-ama, “Vakatala tani na yalewa bobula o ya vata kei na luvena tagane. E rau na sega sara ni taukena vata kei Aisake na nomu i yau.”#Kala 4.29-30 11Sa rarawa sara vakalevu na loma i Epara-ama ena ka oqo, ka ni luvena talega o Isimeli. 12Ia sa mani kaya na Kalou vei Epara-ama, “Mo kakua soti ni rarawa ena vuku ni gonetagane kei na nomu yalewa bobula. Mo vakayacora na ka sa kaya o Sera, baleta ni ra na tubu mai vei Aisake na nomu kawa au sa yalataka.#Roma 9.7; Ipe 11.18 13Me baleta na luvena tagane na yalewa bobula, au na vakayacori koya talega me dua na matanitu, baleta ni sa luvemu talega o koya.”

14Ena kida ni mataka lailai ka tarava, a sa solia o Epara-ama vei Eka eso na kakana kei na bola kuli-ni-manumanu sa sinai ena wai. A sa vakotora na gone lailai ki dakuna ka laivi koya me lako yani. A sa gole yani o Eka ka lako sese voli ena vanua lala mai Perisepa. 15Ni sa maca na wai ena kena bola, a sa la'ki vakotora na gone lailai ena dua na ruku ni vunikau 16ka la'ki dabe tiko ena dua na vanua ka rauta ni 100 na mita na kena yawa. Sa qai kaya ki lomana, “Sa sega ni rawa vei au me'u raica na mate i luvequ.” Ia ni sa dabe toka, a sa qai vakatekivu me tagi cake mai o koya.#21.16 o koya; Vakavakadewa makawa (LXX; Hb) na gone lailai.

17A sa rogoca na Kalou na tagi ni gone; sa qai tarogi koya e dua na agilosi ni Kalou mai lomalagi, ka kaya, “A cava o leqa kina Eka? Kakua ni rere; sa rogoca na Kalou na tagi ni gone mai na vanua e tiko kina. 18Tucake, ka keveti koya mai, ka vakayalovinakataki koya. Au na cakava me dua na matanitu levu na nona kawa mai muri.” 19Sa qai dolava na matana na Kalou, ka raica e dua na i keliwai sa sinai tu ena wai. A sa lako yani ka vakatawana na bola kuli-ni-manumanu ena wai ka vagunuva na gone. 20A tiko kei na gone na Kalou ena gauna a tubu cake tiko kina, sa tiko ena vanua lala mai Perana, a qai yaco me daunivavana ni dakaititi. 21Ia sa qai la'ki kauta mai e dua na watina o tinana mai Ijipita.

Na Veiyalayalati i Epara-ama kei Apimeleki

22Ena gauna o ya, erau sa lako o Apimeleki vata kei Fikoli, na komada ni nona mataivalu, ka mai kaya vei Epara-ama, “Sa tiko kei iko na Kalou ena ka kecega o sa cakava.#Vteki 26.26 23Mo bubului mada eke vei au ena mata ni Kalou ni o na sega ni vakaisini au, se o ira na luvequ, se o ira na noqu kawa. Au a yalodina vei iko, ia mo yalataka talega ni o na yalodina vei au kei na vanua oqo o sa tiko kina.”

24Sa qai kaya o Epara-ama, “Au sa bubului.”

25Sa qai tarogi Apimeleki o Epara-ama ena vuku ni dua na i keliwai era sa kovea na tamata nei Apimeleki. 26A sa kaya o Apimeleki, “Au sega sara ni kila, se o cei sa cakava na ka oqori: o sega mada ga ni bau kaya vei au, ka'u sega talega ni rogoca me yacova na siga edaidai.” 27A sa solia o Epara-ama vei Apimeleki eso na sipi kei na so na bulumakau, ka rau mai veiyalayalati yani na lewe rua oqo. 28Sa qai kauta mai o Epara-ama e vitu na luve ni sipi mai na nona qele ni sipi. 29A sa tarogi koya o Apimeleki se cava e cakava kina na ka o ya.

30A sauma o Epara-ama ka kaya, “Mo taura na vitu na luve ni sipi oqo mo vakadinadinataka kina ni'u sa kelia na i keliwai oqo.” 31A sa vakatokai me yaca ni vanua o ya o Perisepa,#21.31 Perisepa: Na yaca oqo e kena i balebale vakaiperiu na “Keliwai ni Bubului” se “Keliwai ni Vitu” (raica talega na 26.33). baleta ni rau a bubului ruarua mai kea.

32Ia ni rau veiyalayalati oti mai Perisepa, e rau sa lesu tale yani o Apimeleki kei Fikoli ki na nodra vanua na kai Filisitia. 33Sa qai tea o Epara-ama e dua na kau mai Perisepa ka masuta kina na yaca i Jiova, na Kalou sa tawa mudu. 34A sa tiko vakavulagi ga mai Filisitia o Epara-ama ka vuqa na yabaki.

Currently Selected:

VAKATEKIVU 21: FNV

Highlight

Copy