LAKO YANI 22
22
Lawa ni Veisausaumi
1“Kevaka e dua na tamata sa butakoca e dua na bulumakau se sipi ka qai vakamatea se volitaka, e dodonu me sauma e lima na bulumakau ena vuku ni dua na bulumakau ka, sauma e va na sipi ena vuku ni dua na sipi. 2Kevaka e dua na daubutako sa tobo ni butako tiko, ka moku ka mani mate kina, ena sega ni tarogi na nona dra vua e dua; 3ia kevaka a yaco na mate oqo ni sa siga na vanua, e dodonu me tarogi na nona dra. Sa dodonu vua na daubutako me sosomitaka na ka sa butakoca, ia kevaka e sega ni sauma rawa me qai volitaki o koya me i sau ni ka sa butakoca.
4“Kevaka sa kunei na manumanu se bulumakau, na asa se sipi, ni se bula tiko vei koya ka butakoca, ia me qai vakaruataka na daubutako na kena i sau.
5“Kevaka e dua na tamata sa vakavuna na lako sese ni nona manumanu, ka ra la'ki kana ka vakacacana na i teitei se loganivaini#22.5 Kevaka… vaini; se Kevaka e dua sa ia na vakamakama e nona veiloganivaini se i teitei, ka sa laiva me toso na kama me la'ki vakama tale na sila. e nona e dua tale na tamata, me qai sauma ena veika vinaka mai na nona i teitei o koya na i taukei ni manumanu oqori na veika kece sara sa vakacacani ena i teitei o ya.
6“Ia kevaka sa yaco na kama ka sa yameca na veisila sa samu tu se na sila sa tu ena i teitei, ka sa vakarusai sara kina, ia me qai sauma na veika kece sa vakacacani o koya ka vakavuna na kama ena kena i sau sa vinaka sara vua na i taukei ni i teitei ka vakacacani.
7“Kevaka e dua sa solia na nona i lavo, se i yau vua na wekana me maroroya, ka qai butakoci na veika oqo mai vua na wekana, ia kevaka e vesu o koya ka butakoca me qai sauma ka vakaruataka na kena i sau. 8Ia kevaka sa sega ni tobo na daubutako, me qai kau mai na wekana sa maroroya na i yau ki na mataveilewai me vakadinadinataka kina ni a sega ni taura na i yau sa butakoci.
9“Ia kevaka sa yaco na veileti ena vuku ni manumanu era taukena me vaka na bulumakau, na asa, na sipi, na i sulu, se na veika sa yali, ka mani kaya kina e dua, ‘Oqo na noqu,’ ia me rau lako ruarua mai na veileti ena mataveilewai. O koya vei rau sa kunea na mataveilewai ni cala me na qai sauma ka me vakaruataki vei koya ka dua.
10“Kevaka e dua sa solia e dua na asa, bulumakau, sipi se dua tale na manumanu vua tale e dua me maroroya tiko ka mani yaco me mate, mavoa, se dua e kauta tani ka sega ni dua e raici koya ka kauta, 11na bubului ga ena mata i Jiova me na qai vakatulewa vei rau na lewe rua, se o cei vei rau a vakayacora na ka o ya, ia sa dodonu vua na kena i taukei me ciqoma na bubului o ya, ka na sega ni dua na ka me saumi kina. 12Ia kevaka me a butakoci, me qai saumi lesu vua na kena i taukei. 13Kevaka me a vakamatei na manumanu o ya mai vua e dua tale na manumanu, me qai kau mai na yagona me i vakadinadina; ka na sega kina ni saumi na i vovo ni yago ni manumanu mate.
14“Kevaka e dua sa kerea na manumanu mai vua e dua, ka qai mai mavoa se mate na manumanu o ya, ka sega ni tiko na kena i taukei ia me qai vakaisosomitaki ga. 15Ia kevaka sa tiko na kena i taukei, sa na sega ni vakaisosomitaki, ia me qai saumi ga na kena vakayagataki.
Lawa Vakalotu kei na Bula Raraba
16“Kevaka e dua na tagane sa vakacacana e dua na yalewa ka se bera ni vosaki me vakawati, ka moceri koya, me qai solia o tagane na i sau ni vakamau ka taura na yalewa o ya me watina.#Vrua 22.28-29 17Kevaka sa sega ni vinakata na tamai yalewa me solia na luvena vei tagane, ia me qai sauma o tagane na i sau ni yalewa, me vaka ni sa goneyalewa savasava o koya ka sega ni sa mocera e dua.
18“Me vakamatei na yalewa vakayadua sa daucaka i sausau se dauqaravi tevoro.#Vrua 18.10,11
19“O koya na tamata sa veiyacovi kei na dua na manumanu me vakamatei.#Vsoro 18.23; 20.15-16; Vrua 27.21
20“Me vakarusai o koya sa vakacaboisoro ki na veikalou tani eso, ka sega ni oi au, ko Jiova.#Vrua 17.2-7
21“Mo kakua ni vakasosataka se vakasaurarataka e dua na vulagi, ni o a tiko vulagi talega ena dua na gauna mai na vanua o Ijipita.#Lako 23.9; Vsoro 19.33-34; Vrua 24.17-18; 27.19 22Ni kakua ni vakasosataka e dua na yada se dua na gone luveniyali. 23Ia kevaka o ni vakasosataki ira ka ra qai tagi mai vei au, au na rogoci ira vakaidina, 24ka'u na cudruvi kemuni kina ka vakamatei kemuni ena i seleiwau. Era na yaco me yada o ira na watimuni, ka ra sega ni vakatamani na luvemuni.
25“Kevaka o ni soli lavo vei ira na noqu tamata era sa dravudravua, mo ni kakua ni cakava me vakataki ira sa dausoli dinau me ra vakatubura vakasivia na kena tubu.#Vsoro 25.35-38; Vrua 15.7-11; 23.19-20 26Kevaka o ni sa taura na nona i sulu na wekamu me i vesu ni nona dinau, mo vakasuka lesu tale oqo vua ni bera ni dromu na matanisiga,#Vrua 24.10-13 27baleta ni nona i sulu oqo e sa bau nona i tutuvi ga e sa vo toka. A cava ena qai vakayagataka me moce kina? Ni sa tagi mai vei au, au na rogoci koya baleta ni'u sa yalololoma oi au.
28“Mo ni kakua ni cavuta na vosa veibeci me baleta na Kalou,#22.28 Se Mo ni kakua ni vosavakacacataki ira na dauveilewai. se vosa vakacacataki ira na nomuni qase.#Caka 23.5 29“Mo ni kakua ni berabera ni vakacabora vei au na i sevu ni nomuni sila, kei na waini, kei na waiwai olive ena kena gauna taudonu.
“Na nomuni ulumatua tagane mo ni solia vei au. 30Mo ni vakayacora vakaoqo ena nomuni qele ni bulumakau kei na sipi. O koya na ulumatua tagane me tiko ga kei tinana me vitu na siga, ia mo qai solia vei au ena i ka walu ni siga.
31“O ni sa noqu tamata, mo ni kakua kina ni kania na lewe ni manumanu sa basuraka na manumanu kila; ia me soli ga vei ira na koli.#Vsoro 17.15
Currently Selected:
LAKO YANI 22: FNV
Highlight
Share
Copy
Want to have your highlights saved across all your devices? Sign up or sign in
Fijian New Version Bible, Revised Edition © Bible Society of the South Pacific, 2017, 2021.
