LAKO YANI 20

Na i Vunau e Tini

(Vrua 5.1-21)

1A sa cavuta ko Jiova na veivosa kece oqo: 2“Sai au ko Jiova na nomuni Kalou, ka'u a kauti kemuni tani mai na vanua o Ijipita, mai na vanua ni veivakabobulataki.

3Mo ni kakua ni sokalou vua e dua tale na kalou, ia vei au duadua ga.

4Mo ni kakua ni bulia me nomuni kalou na i vakatakarakara eso ni dua na ka mai lomalagi e cake, se dela i vuravura e ra, se mai na loma ni wai e rukui vuravura.#Lako 34.17; Tiko 19.4; 26.1; Vrua 4.15-18; 27.15 5Mo ni kakua ni cuva sobu ki na dua na matakau se mo ni qarava, baleta ni'u sa Kalou vuvu oi au ko Jiova na nomuni Kalou. Au sa cudruvi ira era sa cati au, ka'u na sauma na nodra caka ca vei ira na luvedra ka yacova na i katolu kei na i kava ni tabatamata.#Lako 34.6-7; Tiko 14.18; Vrua 7.9-10 6Ia au sa vakatakila na noqu loloma ki na udolu na i tabatamata#20.6 udolu na i tabatamata; se udolu. era sa lomani au ka muria na noqu lewa.

7Mo ni kakua ni vakayagataka na yacaqu ena i naki cala, ni na cudruva ko Jiova na nomuni Kalou na tamata yadua sa vakayagataka vakatawadodonu na yacana.#Vsoro 19.12

8Mo ni nanuma na Siga ni Vakacecegu ka vakatabuya.#Lako 16.23-30; 31.12-14 9E ono na siga mo ni cakacaka kina,#Lako 23.12; 31.15; 34.21; 35.2; Vsoro 23.3 ka cakava kina na veicakacaka kecega o ni vinakata, 10ia na i kavitu ni siga sa siga ni vakacegu i Jiova na nomuni Kalou. Mo ni kakua ni cakava kina e dua na cakacaka, o iko, se na luvemu tagane, se luvemu yalewa, na nomu tamata cakacaka tagane se yalewa, na nomu manumanu, se nomu vulagi sa tiko ena nomu i tikotiko. 11Ni sa bulia na lomalagi, na vuravura taucoko, na waitui, kei na veika kece sara sa tu kina ena loma ni ono na siga ka qai vakacegu ena i kavitu ni siga; ena vuku ni ka oqo sa vakalougatataka kina ko Jiova na siga ni vakacecegu ka vakatabuya.#Vteki 2.1-3; Lako 31.17

12Mo dokai rau na tamamu kei na tinamu me balavu kina na nomu veisiga sa solia vei iko ko Jiova na nomu Kalou.#Vrua 27.16; Maciu 15.4; 19.9; Mari 7.10; 10.19; Luke 18.20; Efe 6.2,3

13“Mo kakua ni laba.#Vteki 9.6; Vsoro 24.17; Maciu 5.21; 19.18; Mari 10.19; Luke 18.20; Roma 13.9; Jeme 2.11

14“Mo kakua ni veibutakoci.#Vsoro 20.10; Maciu 5.27; 19.18; Mari 10.19; Luke 18.20; Roma 13.9; Jeme 2.11

15“Mo kakua ni butako.#Vsoro 19.11; Maciu 19.18; Mari 10.19; Luke 18.20; Roma 13.9

16“Mo kakua ni beitaki ira vakailasu na kai nomu.#Lako 23.1; Maciu 19.18; Mari 10.19; Luke 18.20

17“Mo kakua ni kocova na vale nei wekamu, se na watina, se na nona tamata cakacaka, se manumanu, se dua na ka e taukena na wekamu.”#Roma 7.7; 13.9

Era sa Rere na Tamata

(Vrua 5.22-33)

18Ia ni ra raica na tamata na livaliva kei na kubou ena ulunivanua, ka vakila na vakuru ni kurukuru kei na rorogo ni davui era a rere vakalevu ka sautaninini ka ra tu vakayawa,#Ipe 12.18-19 19ka kaya vei Mosese, “Mo vosa ga mai vei keimami, keimami na rogoca, ia me kakua ni vosa tale vei keimami na Kalou de keimami na qai mate.”

20A sa kaya vei ira na tamata o Mosese, “Ni kakua ni rere, ni a lako wale ga mai na Kalou me mai vakatovolei kemuni, ka teivaka ki lomamuni na yalo ni rerevaki koya ka mo ni kakua ni valavala ca kina.” 21Era a tu vakayawa na tamata, ni a toso voleka o Mosese ki na vanua butobuto sa tu kina na Kalou.

Lawa me Baleta na i Cabocabonisoro

22A sa vakaroti Mosese ko Jiova me kaya vei ira na Isireli, “O ni sa raica e matamuni ni'u a vosa vei kemuni mai lomalagi. 23Mo ni kakua ni cakava na kalou siliva se kalou koula mo ni cuva kina, me i kuri ni nomuni qaravi au. 24Mo ni cakava vei au na i cabocabonisoro sa caka ena qele, ka vakacabora vei au na nomuni i soro kama kei na i madrali ni veivinakati, na sipi, kei na bulumakau, ena veivanua kecega, ka'u sa laiva na yacaqu me'u nanumi kina, au na lako mai kina me'u vakalougatataki kemuni. 25Ia kevaka o ni cakava vei au na i cabocabonisoro sa caka ena vatu, mo ni kakua ni tara ena vatu sa ta; baleta ena gauna e vakayagataki kina na i yaya ni ta vatu ena vatu oqori, o ni sa vakadukadukalitaka.#Vrua 27.5-7; Josua 8.31 26Kakua ni cakava vei au e dua na i cabocabonisoro e gadrevi kina na i kabakaba, me kakua kina ni vakatakilai na nomuni luvawale ena gauna o ni muria cake kina na i kabakaba.

Currently Selected:

LAKO YANI 20: FNV

Highlight

Copy