2 KORINICA Na i Vakamacala Taumada
Na i Vakamacala Taumada
Na i Karua ni Vola i Paula vei Ira mai Korinica sa volai ena dua na gauna sa donumaka kina o Paula na dredre ni nona bula veimaliwai kei na i soqosoqo lotu mai Korinica. Era a saqati Paula vakaukauwa sara eso na lewenilotu, ia sa vakaraitaka ga o koya na nona gagadre bibi me ra vakaduavatataki tale ka vakaraitaka na levu ni nona marau ni sa kau cake mai na ka oqo.
Ena i matai ni wasewase ni nona i vola, sa vakamacalataka kina o Paula na nona veimaliwai kei na i soqosoqo lotu mai Korinica ka vakamacalataka kina na vuna sa saqata kina vakaukauwa na veivakasewasewani kei na veisaqasaqa ena loma ni lotu. A sa vakaraitaka talega na nona marau ni tovo kaukauwa oqo sa la'ki tini ena veivutuni kei na veisaututaki. Sa qai mai kerekere yani ki na i soqosoqo lotu me bau dua na nodra i solisoli me ra vukei kina na tamata lotu Vakarisito dravudravua mai Jutia. Ena wase ni vola eso ena i tinitini ni nona i vola, sa taqomaka kina o Paula na nona i tutu vakaiapositolo mai vei iratou e vica na tamata mai Korinica, o iratou sa tukuna ni sai apositolo dina ga o iratou ka beitaki Paula ni sai apositolo vakailasu.
Na Lewe ni Vola
Na i vakamacala taumada 1.1-11
O Paula kei na Lotu mai Korinica 1.12—7.16
Na i solisoli me baleti ira na tamata lotu mai Jutia 8.1—9.15
Sa taqomaka o Paula na nona kaukauwa vakaiapositolo 10.1—13.10
Kena i tinitini 13.11-14
Currently Selected:
2 KORINICA Na i Vakamacala Taumada: FNV
Highlight
Share
Copy
Want to have your highlights saved across all your devices? Sign up or sign in
Fijian New Version Bible, Revised Edition © Bible Society of the South Pacific, 2017, 2021.