1 PITA 5
5
Na Qele ni Sipi ni Kalou
1Au sa vakamamasu vakaoqo vei ira na qase ni lotu ena kemuni maliwa me vaka e dua sa qase ni lotu talega ka sa vakadinadinataka oti na sotavi ni veivakararawataki i Karisito, ka'u na vakaivotavota talega ena veika lagilagi sa vakarau vakatakilai: 2#Joni 21.15-17Mo ni vakania na qele ni sipi ni Kalou era sa tiko ena kemuni maliwa; me kakua ni ka ni veivakasaurarataki, ia me caka ga ena yalo makutu me vaka sa vinakata vei kemuni na Kalou; me kakua ni ka ni vaqaqara i sau ga, ia ena yalo ga e taleitaka me veiqaravi. 3Ni kakua ni valavala vakaboso vei ira o ni sa qarava, ia mo ni dau i vakaraitaki vinaka ga vei ira na qele ni sipi. 4Ia ni sa rairai mai o koya na i Vakatawa Liu, o ni na rawata kina na i sala lagilagi sa sega ni takali rawa na kena i serau.
5 #
Vbale 3.34 (LXX) Oi kemuni na i tabagone, mo ni vakamalumalumutaki kemuni vakakina vei ira era qase cake vei kemuni. Sa dodonu kina vei kemuni vakayadua mo ni vakaisulutaki ena yalomalumalumu ena vuku ni nomuni veiqaravi vakai kemuni, ni sa volai,
“Sa vorati ira sa viavialevu na Kalou,
Ia sa lomani ira ga sa yalomalumalumu.”
6 #
Maciu 23.12; Luke 14.11; 18.14 Ni vakayalomalumalumutaki kemuni kina ena ruku ni liga kaukauwa ni Kalou, ni na vakacerecerei kemuni o koya ena nona gauna taudonu. 7Ni biuta vua na nomuni lomaocaoca kecega, ni sa daunanumi kemuni o koya.
8Ni yalomatua, ni yadra tiko! Sa veilakoyaki voli na nomuni meca na tevoro, me vaka na laione sa tagi ni sa vakasaqara eso me tiloma. 9Mo ni tudei sara ena nomuni vakabauta ka vorati koya, ni o ni sa kila ni sa yaco tale tikoga na veivakararawataki vakaoqo vei ira na wekamuni e vuravura taucoko. 10Ia ni sa oti na nomuni vakararawataki, na Kalou ka sa sinai ena lolomasavu, o koya ka kacivi kemuni mo ni vakaivotavota ena nona lagilagi tawamudu ena vuku i Karisito, ena qai vakayacori kemuni mo ni vinaka sara ka solia na yalodei, kaukauwa, kei na yavu dei. 11Me nona na lewa ena gauna kecega ka tawamudu! Emeni.
A Kena i Tinitini kei na Loloma
12 #
Caka 15.22,40 Au sa vola yani na i vola lekaleka oqo ena veivuke i Silivenusi, o koya ka'u sa okata me noda i tokani Vakarisito sa yalodina. Au gadreva me'u vakayaloqaqataki kemuni ka'u sa vakadinadinataka ni sai koya oqo na lolomasavu dina ni Kalou. Ni tudei tikoga kina.
13 #
Caka 12.12,25; 13.13; 15.37-39; Kolo 4.10; Fmoni 24 Era sa loloma yani vei kemuni na i soqosoqo lotu e Papiloni, o ira sa digitaki talega mai vua na Kalou me vakataki kemuni, ka vaka talega kina na luvequ o Marika. 14Ni veikidavaki vakai kemuni ena i regu ni veilomani Vakarisito.
Me qai tiko yadudua vei kemuni kece sara sa nei Karisito na vakacegu. Emeni.
Currently Selected:
1 PITA 5: FNV
Highlight
Share
Copy
Want to have your highlights saved across all your devices? Sign up or sign in
Fijian New Version Bible, Revised Edition © Bible Society of the South Pacific, 2017, 2021.