Vakatakila 22
22
Na Uciwai ni Bula
1 #
Isi 47.1; Saka 14.8 A sa qai vakaraitaka vei au na agilosi na uciwai ni bula sa makare sese sara na kena wai me vaka na karisitala, a sa drodro tiko mai na i tikotiko vakaturaga ni Kalou kei na Lami 2ka sa drodrova mai na lomadonu ni sala ena loma ni koro. Sa tu talega ena bati ni uciwai ruarua na kau ni bula, ka sa dauvuataka e tinikarua na vuata duidui eso ena dua na yabaki, e yadua na vuata ena dua na vula; kei na drauna sa medra wai ni bula na veivanua. 3#Saka 14.11; Vteki 3.17Sa sega ni qai kune tale ena loma ni koro e dua na ka sa cudruva na Kalou.
Ena tikoga na i tikotiko vakaturaga ni Kalou kei na Lami ena loma ni koro, ka ra na qaravi koya o ira na nona dauveiqaravi. 4Era na raica na matana, ka na volai ena yadredra na yacana. 5#Aisea 60.19; Tani 7.18E na sega vakadua tale kina na bogi, ni na sega ni yaga vei ira na cina se na rarama ni siga, baleta ni na vakararamataki ira ga na Turaga na Kalou, ka ra na veiliutaki tiko me vakataki ira na tui ka tawamudu.
Na Lesu Tale Mai nei Jisu
6Sa qai kaya vei au na agilosi: “Sa dina na veivosa oqo ka sa dodonu me vakadinati. Ia na Turaga na Kalou, o koya ka sa solia na Yalona vei ira na parofita, sa tala mai o koya na nona agilosi me vakatakila vei ira na nona dauveiqaravi na veika sa voleka ni yaco.”
7A sa kaya o Jisu, “Rogoca, sa voleka sara na noqu lako yani! Sa kalougata o ira sa talairawarawa ki na vosa ni parofisai ena i vola oqo!”
8Oi au, o Joni, au sa rogoca ka raica na veika kece oqo. Ia ni'u sa rogoca ka raica oti, au a qai bale sobu ki na yava i koya na agilosi sa vakatakila vei au na ka oqo, me'u vakarokoroko vua. 9Ia sa qai kaya vei au o koya, “Mo kakua sara ni cakava oqori! Oi au e dua na nomu i tokani dauveiqaravi ga kei ira na wekamu na parofita, vata kei ira era sa muria na vosa ni vola oqo. Mo vakarokorokotaka ga na Kalou!” 10A sa qai kaya vei au, “Kakua ni vunia na vosa ni parofisai ni vola oqo, ni sa voleka mai na gauna me yaco kina na ka oqo. 11#Tani 12.10O koya sa daucaka ca me ia tikoga na caka ca, kei koya sa dukadukali me dukadukali tikoga; o koya sa vinaka me ia tikoga na caka vinaka, kei koya sa yalosavasava me yalosavasava tikoga.”
12 #
Aisea 40.10; 62.11;
Same 28.4; Aisea 40.10; Jere 17.10 Sa qai kaya o Jisu, “Rogoca, sa voleka sara na noqu lako yani! Au na kauta yani na i cocovi me'u solia vua na tamata yadua me vaka na nona i valavala. 13#Vtaki 1.8; Aisea 44.6; 48.12; Vtaki 1.17; 2.8Oi au na Alifa kei na Omeka, na i Vakatekivu kei na i Vakataotioti!”
14 #
Vteki 2.9; 3.22 Sa kalougata o ira era sa savata na nodra i sulu, me nodra kina na dodonu me ra kania na vuanikau mai na kau ni bula ka curuma yani na matamata ki na koro. 15Ia e taudaku ni koro, era sa tu kina o ira era sa dauvakatanitaka na bula, na dauvakatevoro, na dauyalewa kei na dautagane, na daulaba, na dauqaravi kalou matakau, kei ira na daulasu.
16 #
Aisea 11.1,10 “Oi au, o Jisu, au sa tala yani vei iko na noqu agilosi me vakatakila na veika oqo ki na veisoqosoqo lotu. Oi au na kawa ni vuvale i Tevita; sai au na kalokalo serau ni mataka lailai.”
17 #
Aisea 55.1
A rau sa kaya na Yalo Tabu kei na yalewa me vakamau, “Lako mai!”
O ira kecega sa rogoca oqo me kaya talega, “Lako mai!”
Me lako mai o ira vakayadua sa viagunu.
Me ra ciqoma na wai ni bula me vaka ni sai solisoli vei ira vakayadua sa vinakata.
Na Kena i Tinitini
18 #
Vrua 4.2; 12.32 Oi au, o Joni, au sa ia na veivakasalataki vei ira na tamata yadua sa rogoca na vosa ni parofisai ni vola oqo: ni kevaka e dua na tamata ena vakaikuritaka e dua na ka, ena vakaikuritaka vua na Kalou na ka ni veivakararawataki eso sa vakamacalataki ena i vola oqo. 19Ia kevaka e dua na tamata sa kauta tani e dua na ka mai na i vola ni parofisai oqo, ena kauta tani na Kalou na nona i votavota ni vuanikau mai na kau ni bula ka vakakina mai na Koro Tabu, me vaka sa vakamacalataki ena i vola oqo.
20A sa kaya o koya sa tukuna na veika kecega oqo: “Sa dina sara! Sa voleka sara na noqu lesu tale yani!”
Emeni! Ni lako mai, Turaga Jisu!
21Me qai tiko vata ga kei na tamata vakayadudua na loloma-savu ni Turaga o Jisu.
Currently Selected:
Vakatakila 22: FNVDC12
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.
