Vakatakila 21

Na Lomalagi Vou kei na Vuravura Vou

1 # Aisea 65.17; 66.22; 2Pita 3.13 Au a qai raica na lomalagi vou kei na vuravura vou. A sa takali tani na i matai ni lomalagi kei na i matai ni vuravura, ka sa yali na wasawasa. 2Au a qai raica na Koro Tabu, o Jerusalemi Vou, ni sa lako sobu tiko mai lomalagi mai vua na Kalou, sa vakarau tu ka nanamaki, me vaka na yalewa me vakawati ni sa ukucavu me la'ki sota vata kei koya me watina. 3#Isi 37.27; Vsoro 26.11,12Au a qai rogoca e dua na domo sa rogo levu mai na i tikotiko vakaturaga, ni sa kaya: “Raica, sa tikoga vei ira na tamata na vale ni Kalou! Ena tiko vata kei ira o koya, era na nona tamata. Na Kalou vakaikoya ena tiko vata kei ira, ka na nodra Kalou o koya. 4#Aisea 25.8; Aisea 35.10; 65.19E na tavoya tani na wainimata kecega mai na matadra o koya. Ena sega tale na mate, ena sega na rarawa, se na tagi se na vutugu. Sa takali tani kece sara na veika makawa.”

5Sa qai kaya o koya sa tiko ena i tikotiko vakaturaga, “Raica, au sa vakavouia na veika kecega!” Sa qai kaya tale vei au, “Vola mada oqo, ni ra sa vosa dina na veivosa oqo ka rawa ni ra vakadinati.” 6#Aisea 55.1Sa qai kaya vei au: “Sa vakayacori oti! Oi au na Alifa kei na Omeka, na i vakatekivu kei na i vakataotioti. Kivei ira sa viagunu, au na solia wale vei ira na wai mai na i vurevure ni wai ni bula. 7#2Samu 7.14; Same 89.26,27O ira sa rawata na qaqa era na ciqoma mai vei au na ka oqo: au na yaco me'u nodra Kalou, ka ra na yaco me ra luvequ. 8Ia o ira sa dadatuvu, na tawa vakabauta, o ira sa vakasisila na nodra i vakarau, o ira sa daulaba, na dautagane kei na dauyalewa, na dauvakatevoro, na dauqaravi kalou tani kei ira kece sa daulasulasu — sa nodra i votavota ga na drano buka kei na sulifure. Sa i koya oqo na i karua ni mate.”

O Jerusalemi Vou

9A sa qai lako mai e dua vei iratou na agilosi e vitu ka ratou taura tiko na bilo e vitu sa sinai tu kina na i otioti ni ka ni veivakararawataki e vitu, ka vosa vei au ka kaya: “Lako mai, ka'u na vakatakila vei iko na Yalewa me vakawati, na watina na Lami.” 10A sa qai kauta na yaloqu na Yalo Tabu, ka sa kauti au na agilosi ki na dela ni dua na ulunivanua cecere sara, ka vakaraitaka vei au na Koro Tabu, o Jerusalemi, ni sa lako sobu tiko mai lomalagi mai vua na Kalou 11ka sa sinai ena i serau ni Kalou. A sa cila rarama na koro levu me vaka na vatu talei sa kunekunei dredre sara, me vaka na vatu jasipa, ka sa makare sara me vaka na karisitala. 12#Isi 48.30-35A sa dua na kena bai cecere ka levu, ka tinikarua na kena matamata, ka ratou sa tu ena matamata e tinikarua na agilosi. A sa volai ena matamata na yaca ni nodra yavusa na luve i Isireli e tinikarua. 13Sa tolu na matamata ena tokalau, tolu na matamata ena vualiku, tolu na matamata ena ceva ka tolu na matamata ena ra. 14Sa tinikarua na vatu ka yavu ni bainikoro, ka sa volai kina na yacadra na i apositolo ni Lami e lewe tinikarua. 15#Isi 40.3Ia sa tu vei koya e vosa tiko vei au e dua na gasau koula ni vakarau me vakarautaka na koro kei na kena matamata kei na kena bai. 16Sa va na yasa ni koro sa tautauvata na kena balavu kei na kena raba. Sa qai katuma na koro o koya ena nona gasau ni vakarau. A sa 2,400 na kilomita na kena balavu ka sa tautauvata na kena raba kei na kena cere. 17A katuma talega o koya na kena bai: A sa 60 na mita na kena cere, o ya ni taurivaki na i vakarau raraba sa vakayagataka na agilosi. 18#Aisea 54.11,12Sa caka ena vatu jasipa na kena bai, ia na koro sa caka ena koula dina ka sa makare sese me vaka na iloilo savasava. 19A sa ukutaki tu na yavu ni bainikoro ena veivatu talei kecega. A kena i matai na jasipa, a kena i karua na safaia, ai katolu na aketi, a kena i kava na emeralita, 20ai kalima na onikisi, ai kaono na kaneliani, a kena i kavitu na karisilaite, ai kawalu na perili, ai kaciwa na topasi, ai katini na karisopiraso, ai katinikadua na vatu karakarawa, ai katinikarua na amecisita. 21O iratou na matamata e tinikarua sa caka ena mataniciva e tinikarua; na matamata yadua sa caka mai na dua na mataniciva. Ia na gaunisala ena lomanikoro sa caka ena koula dina, ka sa makare sese me vaka na iloilo.

22Ia au a sega ni raica e dua na valenisoro ena lomanikoro, ka ni sa kena valenisoro ga na Turaga na Kalou Kaukauwa kei na Lami. 23#Aisea 60.19,20Sa sega ni yaga me vakararamataka na koro oqo na matanisiga se na vula, baleta ni sa vakararamataki ga ena i serau ni Kalou, ka sa kena cina na Lami. 24#Aisea 60.3Era na lako voli ena kena rarama o ira na lewe ni veimatanitu, ka ra na kauta yani kina na nodra i yau o ira na tui kei vuravura. 25#Aisea 60.11E na sega ni sogo ena siga na kena matamata, ka sa na sega talega na bogi e kea. 26Era na kauta yani kina na veimatanitu na nodra i yau kei na nodra lagilagi. 27#Aisea 52.1; Isi 44.9Ia ena sega sara ni curu ki na koro levu oqo na veika sa tawa savasava, se na tamata sa kitaka na veika vakasisila se daulasulasu. O ira ga sa volai tu ena nona i Vola ni Bula na Lami era na curu ki na koro.

Currently Selected:

Vakatakila 21: FNVDC12

Highlight

Copy