Dauvunau 10
10
Na Veivakadidike Tale Eso
1Na lago mate sa rawa me vakaboicataka na waiwai boi vinaka sara, ia na sesewa lailai sa rawa me vakacacana sara na vuku levu duadua.
2Na yalona na tamata vuku sa goleva na ka dodonu, ia na yalona na lialia sa goleva na ka e cala. 3Na nona lialia, era na bau raica rawa sara na tamata vulagi; ena vakaraitaka vei ira na tamata kecega ni lialia o koya.
4Kevaka sa cudruvi iko na nomu i liuliu, kakua ni via biuta na nomu cakacaka ena rawa me vosoti na cala bibi sara ena nomu vakayalomalumalumutaki iko.
5Sa i koya oqo e dua na ka ca au raica ena vuravura oqo; na ka ca era cakava na i liuliu. 6Sa soli na i tutu cecere vei ira na lialia ka ra sega ni kauwaitaki na tamata vutuniyau. 7Au raici ira na bobula ena dela ni ose ka lako era na turaga me vaka na bobula.
8 #
Same 7.15; Vbale 26.27; Sr 27.26,27 O koya e kelia na qara ena sikalutu kina; kei koya sa basuka na bai ena kati koya na gata. 9O koya sa keli vatu ena mavoa ena vatu, kei koya sa ta kau ena mavoa kina. 10Ia kevaka sa mucu na nomu matau o qai sega ni vagatara tale, o sa na vakayagataka vakalevu cake na nomu kaukauwa ia sa yaga na vuku ena lewa. 11E sega ni yaga na nomu kila na vakamanoataka na gata kevaka o laiva me veikati mada e liu. 12Na nona vosa na tamata vuku sa vakavuna na nona dokai, ia na nona vosa na tamata lialia sa na vakarusai koya. 13Sa sesewa na i tekivu ni nona vosa, ka sa qai toro sobu sara na ca ni tinitini ni nona vosa. 14Sa dau balavu na nona vosa na lialia. E sega ni dua e kila na ka e yaco tarava na ka oqo, ka na sega ni dua talega e kila na ka e yaco ni da sa mate.
15Sa vakaocai koya sara na tamata lialia na nona cakacaka ka sa sega ni kunea rawa kina na sala ki na koro.
16Sa na leqa e dua na matanitu kevaka e dau rawai vakarawarawa na kena tui, ka ra na kana magiti tiko me yacova na mataka o ira na kena turaga. 17Ia sa kalougata na matanitu sa dau lewa ga ena nona galala na kena tui ka ra dau kana ga na kena turaga ena kena gauna dodonu, ka ra dau lewai ira sara vakavinaka ka sega ni dau mateni.
18Sa na turu na nona vale na tamata vucesa ni sega ni vakavinakataka, ka na yaco me bale sara.
19Na kana magiti sa vuna na reki ka vakavuna na marau na waini ia ena sega ni rawa ruarua oqo ke sega na i lavo.
20Kakua sara mada ga ni vosa vakacacataka na tui e lomamu, ka kakua ni vakalewai ira na tamata vutuniyau ena tikina o dau moce kina. Ena rawa me kauta na kena i tukutuku e dua na manumanu vuka ka la'ki tukuna vei ira na nomu vosa.
Currently Selected:
Dauvunau 10: FNVDC12
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.
