Dauvunau 11
11
A Veika e Vakayacora na Tamata Yalomatua
1Vakacuruma na nomu i lavo ena veivoli ki na veivanua tani, ia ena dua na siga o sa na rawata kina e dua na kena tubu. 2La'ki biuta na veika o via vakatubura ena vitu na vanua, se me levu sara, baleta ni o sega ni kila na veika ca ena yacovi iko ena vuravura oqo.
3Na yasana ga ena bale kina e dua na vunikau sa na davo talega kina. Ni loaloa vakalevu na vanua sa na tau na uca. 4Kevaka o waraka na liwa ni cagi kei na draki vinaka o na sega ni tea rawa e dua na ka, ka na sega talega ni tamusuka e dua na ka. 5Sa cakava na ka kecega na Kalou, ka na sega ni rawa vei iko mo kila na ka e cakava me vaka na nomu sega ni rawa ni kila na kena tekivu e dua na bula vou ena ketena e dua na yalewa bukete. 6Mo kaburaka na nomu i tei ena mataka ka vaka talega kina ena yakavi. O na sega ni kila se ra na bula vinaka kece beka, se na dua na kakaburaki ena bula vinaka cake, mai na kena ka dua. 7Sa dua na ka talei me da rawa ni marautaka na rarama ni siga. 8Mo marautaka na veiyabaki yadua o bula kina. Veitalia sara ga na balavu ni gauna o bula kina, nanuma tiko ni na balavu cake na gauna ni nomu mate. Na veika kece ena yaco mai e muri sa sega na kena yaga.
Na i Vakasala Vei Ira na i Tabagone
9Kemuni na cauravou ni marautaka na nomuni gauna ni cauravou. Mo reki ni o sa cauravou tiko ka cakava na ka o via cakava, ka vakamuria na gagadre ni lomamu. Ia mo nanuma tikoga ni na lewai iko na Kalou ena ka kecega o cakava. 10Mo kakua ni laiva e dua na ka me vakalomaocaocataki iko se me vakavuna na nomu rarawa. Ena sega ni balavu na gauna o na cauravou tiko kina.
Currently Selected:
Dauvunau 11: FNVDC12
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.