Apocalípsis 6

Röllucho cërakuna laqaraykaqta Jesucristo jorqushqan

1Saychömi rikarqä röllucho punta kaq laqaraykaq cërata Carnish jorquqta. Jorquriptinmi nawpancho kaq chusku kawaykaqkunapita juknin maqakuynöraq qayakamur nimurqan: <<¡Shamuy!>> 2Sayno nimuptin rikärishqächömi yuraq cawalluta rikarqä. Loqaraqninmi#6.2 Wakin runakunaqa muntaraqninmi niyan. flëchan aptash kaykarqan.#Zac. 1.8; 6.3, 6. Paymi corönata chaskirkur Tayta Diospa contran kaqkunata majaypa majar ushakäsinanpaq aywarqan.

3Röllucho ishkay kaq laqaraykaq cërata Carnish jorquriptinmi nawpancho kaq chusku kawaykaqkunapita juknin qayakamur nimurqan: <<¡Shamuy!>> 4Sayno nimuptinmi puka cawallu#Zac. 1.8; 6.2. yarqamurqan. Loqaraqninmi jatun espädata chaskiskir runakuna chikinakur kikinpura wanusinakuyänanpaq aywarqan.

5Röllucho kimsa kaq laqaraykaq cërata Carnish jorquriptinmi nawpancho kaq chusku kawaykaqkunapita juknin qayakamur nimurqan: <<¡Shamuy!>>

Sayno nimuptin rikärishqächömi yana cawallu shamuykaqta rikarqä. Loqaraqninmi balanzan aptash kaykarqan.#Zac. 6.2, 6. 6Saymi say chusku kawaykaqkunapa chawpinpita kayno nimuqta wiyarqä: <<¡Muchuymi kanqa! Saymi juk junaq arur gänayashqan aypanqa juk kïlu trïguta o kimsa kïlu cebädata rantiyänalanpaq. Muchuy kaptinpis aceititawan vïnutaqa ama ushakäsiysu>>.

7Röllucho chusku kaq laqaraykaq cërata Carnish jorquriptinmi nawpancho kaq chusku kawaykaqkunapita jukninna qayakamur nimurqan: <<¡Shamuy!>>

8Sayno nimuptin rikärishqächömi bäyu cawalluta rikarqä. Loqaraqninpa jutinmi karqan Wanuy.

Paypa qepantanami Hades shamurqan. Ishkanmi yarqayämurqan runakunata espädawan, muchuywan, qeshyawan y munti uywakunawan wanusiyänanpaq. Saymi munayyuq kayarqan pulanpa pulannin runakunata wanusiyänanpaq.#Eze. 14.21.

9Röllucho pisqa kaq laqaraykaq cërata Carnish jorquriptinmi almakuna altar chakincho kaykäyaqta rikarqä. Say almakuna kayarqan Diospa wilakuyninta wiyakuyashqanpita y Jesucristuman yärakuyashqanpita wanusiyash runakunapa almankunami. 10Paykunami sinchipa niyarqan: <<Nishqaykikunata cumpliq santu Tayta Dios, ¿imaynataq wanusiyämaq runakunata juzganki?>>

11Sayno niyaptinmi Tayta Dios nirqan: <<Shuyaykuyayraq. Qamkuna wanuyashqaykinölami wakin yärakamuqkunapis wanuyanqa>>. Sayno nirmi say almakunata yuraq mödanata jatiparqan.

12Röllucho soqta kaq laqaraykaq cërata Carnish jorquriptinmi pasa fiyupa suksukyarqan.#Apoc. 11.13; 16.18. Say hörami rikarqä inti yanayar lütu tëla niraq rikakuqta#Isa. 13.10; Joel 2.10, 31; 3.15; Mat. 24.29; Mar. 13.24-25; Luc. 21.25. y killapis yawar niraq rikakuqta. 13Fiyupa wayraptin hïgus shikwamuqnöraqmi qoyllarkunapis jana pasapita shikwayämurqan. 14Jana pasapis rölluno luylukarkur luylukarkurmi elaqakäkurqan.#Isa. 34.4. Jirkakuna y lamarcho islakunapis juklämanmi witikuyarqan.#Apoc. 16.20.

15Kay pasacho reykuna, rïcukuna, mandaq soldädukuna, ashmaykuna y wakin runakunapis qaqakunaman y machaykunamanmi pakakuyarqan.#Isa. 2.19, 21. 16Saychömi jirka puntakunata y qaqakunatapis niyarqan: <<¡Janäkunaman juchumuy!#Ose. 10.8; Luc. 23.30. ¡Trönucho jamaraykaqpis y Carnishpis fiyupa rabyashqami kaykäyan! ¡Paykunapita pakaykayälämay! 17¡Lapan runakunata castigananpaq kaq tiempu chämushnami! ¡Tayta Diospa castïgunta manami pipis awantanqasu!>>#Isa. 13.6; Eze. 30.2-3; Joel 1.15; 2.11; Amós 5.18-20; 8.9-14; Sof. 1.14-18; Mal. 3.2.

Currently Selected:

Apocalípsis 6: qvhB

Highlight

Copy