Hechos 6
6
Siete Pa̱ire A̲o Huahuecohua'ire Nese'e
1Ja̱ mu'seña sehuocohua'ipi jai pa̱i sehuojë jojo saiye sëte, griego pa̱i coca cacohua'ipi sa̱ñope ca huëohuë, hebreo pa̱i coca cacohua'ini griego pa̱i hua'jeohua'ini si'a mu'seña huahueyere de'oye huahuecaima'pë pa'iyë cajë. 2Ja̱je cajëna, asani doce pa'iohua'i Jesús soisicohua'ipi si'aohua'ire sehuosicohua'ire tsi'soni cahuë:
“Co'aji, yëquëpi huahueye ñañere cajë, Maija'quë coca quëayere je̱oto. 3Ja̱je pa'i do'ire sehuosicohua'i mësarupi mësaru acohua'ini siete pa'iohua'ire co'ejë̱'ë, mësaru ai de'o pa̱ire ñacohua'ini, ta̱'ñe asacohua'ini cui'ne de'o joyo ti̱mësicohua'ini. Ti̱'arena, ja̱ohua'ina iye co'amaña yo'o ja̱'ñe i̱siñu'u, yëquë. 4I̱sini yëquë cato Maija'quëre se̱jë cui'ne i̱ coca quëajë pañu'u.”
5Carena, si'aohua'i ja̱je yo'oñu'u cuasani sahuajë ti̱'ahuë, Estebanre, Maija'quëre asaquëre pare, de'o joyore ti̱mësiquëre, Felipere, Prócorore, Nicanorre, Timónre, Parmenasre, Nicolásre, Nicolás cato ja̱'në Israel pa̱i yo'oye sehuo aquë paji'i, Antioquía aquë. 6Ti̱'ani Jesús jëjo saocohua'i quë'rona sahuë, i̱ohua'ire. Sarena, ja̱ohua'ipi i̱ohua'i si̱opë̱ana patojë Maija'quëre se̱cacaë'ë.
7Maija'quë coca jero sa'na jai saco'ë. Jai saiona, sehuojë jai pa̱i paë'ë, sehuocohua'ije̱ Jerusalén pa'icohua'ipi. Ja̱je jai pa̱i sehuojëna, cui'ne Maija'quë huë'e ñacaicohua'i ëjaohua'ije̱ sehuohuë, te'ohua'ise'e.
Estebanre Tse̱añe
8Maija'quë i̱si tutu de'oyere pare paquë'ni Esteban pa̱i yo'o ti̱'a ma'ñere yo'o i̱ñopi, pa̱i daripë pa'icohua'ire. 9Ja̱je yo'oquëna, ñani Jo'yaohua'i pa'isicohua'ipi eta huajësicohua'i hue'yo huë'e pa'icohua'ipi cui'ne Cirene acohua'ipi, Alejandría acohua'ipi, cui'ne Cilicia acohua'ipi, cui'ne Asia yeja acohua'ipi Estebanre sa̱ñope ca huëohuë. 10Ca huëosicohua'ita'a ca ti̱'añe pa̱huë, de'o joyo i̱siyepi ta̱'ñerepa caquëna, si'aye. 11Ja̱ maca yureta'a Moisésre cui'ne Maija'quëre sa̱ñope caquëna, asahuë, caja̱'cohua'ire curipi sa̱ihuë. 12Sa̱irena, ja̱ohua'ipi si'a i̱ti daripë pa̱ire ne huëohuë, jai co'a coca. Ja̱je ne huëorena, aiohua'i cui'ne cua̱ñese'e ye'yacohua'i Estebanre huajo huëohuë. Huajo huëoni tse̱ani ca tëji ëjaohua'i quë'rona sahuë. 13Ja̱je yo'ojë cui'ne coa cosoja̱'cohua'ireje̱ nesicohua'ipi ñeje cahuë:
“Maija'quëre se̱ huë'ere iquë ai sa̱ñope caquë api cui'ne cua̱ñese'eje̱ sa̱ñope caquë api. 14Cui'ne Jesús Nazaret aquëpi Maija'quëre se̱ huë'e nejoja'quë api. Nejoquë cui'ne Moisés maire je̱ocaise'ere ti̱ñe po̱naja'quë api, caquë api, iquë.”
15Si'aohua'i i̱ti maca ñu'icohua'ipi cui'ne ëjaohua'ipi co̱ni Esteban tsiare ñahuë, hui̱ñaë tsiaje̱ pa'iore pare hue'equëna.
Currently Selected:
Hechos 6: sey
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.