Malakiya 4
4
Litangwa lya Shukulu Kalunga lilinakwija
1Shukulu Kalunga Muka-nzili yoshe alinakwendeka ngwendi, “Litangwa lilinakwija omo voshe vaka-kulyalesa na vaka-vuvi vakavenyeka ngwe vishati. A litangwa lije voshe vakenya njwa, co nacimo cai cuma cavo cikasalao. 2Oloni kuli yeni munjononoka, nzili yakwamena kwange ikakala ali yeni ngwe litangwa, co ikanena vukangwisi ngwe misha ya litangwa. Co mukapwa vaka-kupatuka nakuvwaelela ngwe vana va vingombe vatuuka mu licakana. 3A litangwa lije omo njikalinga, mukafungulula vaka-vuvi, co vakapwa ngwe likungu mwisi ya myanja yeni.
4“Anukeni vilongesa vya ngamba yange Mosesa, na mashiko aje anjamwanene a Munkinda wa Sinai#4:4 MUNKINDA WA SINAI: Mu ciHevelu ngwavo, Munkinda wa Holeve. kuli vanu voshe va Isalele ngeci vawononoke.
5 #
Mat 11:14; 17:10-13; Mak 9:11-13; Luk 1:17; Yow 1:21 “Kengeni, njikamitumina Elinja muka-kwimanena simbu kanda litangwa lyakama lya Shukulu Kalunga lya vukalu lyete. 6Co akatengulwila vimbunge vya vaishe kuli vana, nakutengulwila vimbunge vya vana kuli vaishavo, nga ngoconi, njikaija nakunyongesa lifuti na cisingo.”
Currently Selected:
Malakiya 4: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
