Malakiya 3
3
1 #
Mat 11:10; Mak 1:2; Luk 1:76; 7:27 Shukulu Kalunga Muka-nzili yoshe nendeka ngwendi, “Kengeni njikatuma muluwa wange uje akavwaesa ngila kulutwe lwange. Asinoni Shukulu Kalunga uje imulinakukengelela akaija vwasi-vwasi ku Njuvo yendi. Muluwa uje imukakengelela akaija nakwambulula cikumiiyo cange.”
2 #
Njwe 2:11; Kus 6:17 Oloni iyajo akasa kwimana a litangwa lyakwija kwendi? Iyajo akovoka omo akasholoka? Omwo akapwa ngwe tuhya twa n̄ulungu muka-kufula vikuvo nambe njapau ya muka-kukusha vinanga. 3Akaija nakusompa ngwe n̄ulungu muka-kufula vikuvo nakujelesa siliva. Akajelesa vaLevi ngwe muka-kufula vikuvo mwakajelesa siliva na ngolinde, ngeci vakanene vin̄ombelo vya vushunga kuli Shukulu Kalunga. 4Co Shukulu Kalunga akatambula vin̄ombelo vya vanu va mu Yunda na ava va mu Yelusalema ngwe muvalingile kulaja.
5Shukulu Kalunga Muka-nzili yoshe nendeka ngwendi, “Njikasholoka akati keni nakumisompesa, co vwasi-vwasi njikapwa mukaleo ali vaka-maesi na ali vaka- vupangala, na ali vakaleo va makuli voshe, na ali vaje vaka-kunyanyamena vaka-kuvapangela vifweto vyavo, na a vifwile, na ali visiwa, na ali vaka-kwija, na ali vaje voshe kuvesi nakunjisingimika.
Kwana cavulikumi
6“Yange Kalunga munjapwa-munjapwa kunjesi kutenguluka. Co neni lalo vatekulwila va Yakomba, kumwanyongele. 7Kutunda ku simbu ya vakukulwila veni nakweta ku lelo lino munalimbulula mashiko ange, co kumwavilingile. Ilukeni kuli yange, co yange njikamitambula, co mwihula ngweni, ‘Vatijo twasa kwiluka kuli yove?’ 8Kuma munu asa kwivila Njambi ndi? Oloni mulinakunjivila. Co mwihula ngweni, ‘Tulinakukwivila vatijo?’ Akunjana cavulikumi na vin̄ombelo.#3:8 CAVULIKUMI: Vanu va Isalele vavashikile kwana cavulikumi ca vimbuto vyavo na vimuna vavo kuli Shukulu Kalunga (kenga VaLevi 27:30-33; Kwituluka mu Mashiko 14:22-29) 9Muyati weni woshe unasingiwa omwo mulinakunjivila. 10#VaLe 27:30; Kul 18:21-24; Kwi 12:6; 14:22-29; Neh 13:12 Neneni vyoshe vyavulikumi ku cishete, ngeci mu Njuvo yange mukale vyakulya vyavingi. Kacinjesekeni tayi nga kunjikamishokolwela vinjanena vya mwilu#3:10 NJIKAMISHOKOLWELA VINJANENA VYA MWILU: Eci amo cilumbunuka nyonzi, omwo cimoneka ngeci kwakele lilanga lyakama manene a simbu ije. nakumyana vyuma vyavingi vije mukajeneka kwakuvitulikila. 11Njikavindika vimbimba kulya vimbuto vyeni, co mikolovozi yeni ya vushuka vwa vinyu ikaima vushuka vwavungi. 12Miyati yoshe ya vanu vakamitumbula vaka-kuvezika, omwo lifuti lyeni likapwa lyalivwa kukalamo.”
Cikulaeso ca Njambi ca mema ku mbunge
13Shukulu Kalunga nendeka ngwendi, “Munanjendeka majwi amakalu, oloni yeni munjihula ngweni, ‘Majwi amakalu akajo tunendeka ali yove?’ 14Munendeka ngweni, ‘Cinapu cuma cangoco kupangela Njambi. Seo mukajo iliho yakulinga vije vyanendeka nambe kumwesa Shukulu Kalunga Muka-nzili yoshe ngeci tuli na shwamwa a vije vitunalingi? 15Oloni ololo tumona vaka-kulyalesa ngwe vanavezika. Mwa vushunga, vaje vaka-kulinga vyavivi vakala mwamuvwa, nameme vakevo veseka Njambi oloni vovoka.’ ”
16Asinoni vanu vaje vakomokele Shukulu Kalunga valyendekesele umo na mukwavo, co Shukulu Kalunga wavatolililile nakuziva vije vivendekele. Co vasonekele vaje vakomokele Shukulu Kalunga nakumusingimika mu livulu lya canukiso ku mesho endi. 17Shukulu Kalunga Muka-nzili yoshe nendeka ngwendi, “Vakapwa vanu vange. A litangwa lije omo njikalinga, vakevo vakapwa vanu vange. Njikavazivila mema ku mbunge ngwe cisemi azivila mema ku mbunge munendi uje amupangela. 18Asinoni mukamona kwangunuka akati ka vaka-vushunga na vaka-vuvi, na akati ka vaje vaka-kupangela Njambi na vaje kuvesi kumupangela.”
Currently Selected:
Malakiya 3: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
