2 Tesalonika 2
2
Muka-vuvi
1 #
1 Tes 4:15-17
Ngwe akwija kwa Mwene yetu Yesu Kilistu naakukunguluka kwetu amolika na ikeye, njilinakumilomba, vasamba vange ngwange, 2kesi mukale na citanga vwasi-vwasi mu viyongola vyeni nambe cishota-mbunge ngweni Litangwa lya Mwene linete. Amo vayongola ngeci twendekele eci omo twambulwile vuka-kwimanena nambe omo twambulwile lijwi, nambe amo twasonekele eci mu mukanda. 3Kesi mutave umo amikwise mu ngila yeka lalo embwe. Omwo Litangwa lije kulikaija ngoco kuvanga noo Kutengulukila kwa mamaneselo kunaija na uje Muka-vuvi nasholoka, uje vemikila kuya ku Mbulu ya tuhya. 4#Ndan 11:36; Ezek 28:2 Ikeye akalwisa vyuma vyoshe vije vilitumbula ngwavyo vinjambi na cuma coshe-icoshe civakalemesa, akalyaka akamwa yavyo vyoshe. Co lalo akakovela nakutumbama mu Njuvo ya Shukulu Kalunga nakulitumbula ikeye vavenya ngwendi Njambi.
5Kuma kumwasa kwanuka ndi? Njamilekele vyoshe evi omo njakele amo neni. 6Oloni kucili cuma cimo cilinakuvindika evi vyuma ngeci kesi vilingiwe ololo, co yeni mwazivuka cinapu cuma cika. Ngecivene, omo simbu ikapwamo, co uje Muka-vuvi akasholoka. 7Vuvi Vwakukomokesa manene vwakushwekesa vulinakulingiwa ololo, oloni vije vilinakulingiwa kuvikalingiwa kuvanga noo uje muka-kuvuvindika vanamutundisa. 8#Isa 11:4 Asinoni uje Muka-vuvi akasholoka, oloni omo Mwene Yesu akaija, akamutsiya na muku wakutunda mu kanwa kendi nakumunyongesa na vumpau vwendi. 9#Mat 24:24 Uje Muka-vuvi akaija na nzili ya Satana nakulinga vizivukiso na vikomokeso vya makuli vya miyati yoshe, 10co akapangesa miyati yoshe ya kupenga-penga ya makuli ali vaje vakanyonga. Vakevo vakanyonga omwo kuvatambwile nakuzema vushunga ngeci vovoke. 11Ngecivene, Njambi natumu nzili yakuvasevwisa mukupanga muli vakevo ngeci vakulaele vije vinapu vya makuli, 12ngeci voshe vaje kuvakulaelele vushunga, oloni vanaungama lika mu vuvi, vakanyonga.
Vanamyangwila kukwamena
13Tunapande kukandelela kuli Njambi simbu yoshe ali yeni, vakwetu, yeni vaje vaazema Mwene. Omwo Njambi wamyangwile kupwa vakulivanga#2:13 WAMYANGWILE KUPWA VAKULIVANGA: Kunungulula kumo ngwavo, wamyangwile ku vushangumukilo. kukwamena a nzili ya Munzinzime nakumipwisa vanu vendi vakujela, na akukulaela kweni mu vushunga. 14Njambi wamisanene ngeci mulinge cuma eci a Vin̄anda Vyavivwa vije vitwambulwile kuli yeni, wamisanene ngeci mukafuke mutambela weni wa vumpau vwa Mwene yetu Yesu Kilistu. 15Ngecivene, vakwetu, imaneni mbe nakukakateya ku vushunga vuje vutwamilongesele, mukwambulula kwetu na mu mukanda wetu.
16Mwene yetu Yesu kilistu vavenya, na Njambi Tatetu, uje watuzemene na mu kutetela kwendi watwanene kutakama kuje kukwesi kutenguluka na cinyangavili cakukola, 17amitakamesa nakumikolesa mukulinga nakwendeka vije vinapu vyavivwa simbu yoshe.
Currently Selected:
2 Tesalonika 2: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006