Éxodo Introducción
Introducción
Jaꞌ an libro Éxodo tiꞌ, jix tzꞌibꞌelecan an yet abꞌil 1445-1405 a.C. Jaꞌ Naj Moisés jix tzꞌibꞌencanoj. Jix tzꞌibꞌele an bꞌey conobꞌ Egipto masantaꞌcꞌal yet jix apni oc ebꞌ bꞌey wonan Sinaí. Jaꞌ jun libro tiꞌ ey oxebꞌ tujan yeocoj. Jaꞌ jun bꞌabꞌel chi yaltej tzet jix yun yeltej ebꞌ conobꞌ Israel yet eyoc ebꞌ yin yakꞌomaloj servil bꞌey txꞌotxꞌ Egipto, masantaꞌcꞌal yet jix apni oc ebꞌ bꞌey wonan Sinaí. Chi el yich bꞌey capítulo 1, chi apni oc bꞌey capítulo 18. Jaꞌ tzet chi yal yet scaabꞌ tujan, jaꞌton jun swa kꞌane Dios jix swaꞌne yetoj ebꞌ sconobꞌ, chi yalon pax tej sleyalil tzet chi yun yiꞌon bꞌey sbꞌa ebꞌ ánima yetoj junjun tujan cuybꞌanile. Chi yaltej bꞌey capítulo 19, chi apni oc bꞌey capítulo 24. Jal junxa yet yox tujan xin, chi yaltej tzet jix yun swaꞌnele a jun scalubꞌal Jehová bꞌey sowalil chi oc ebꞌ conobꞌ Israel yin eyilal tet Dios, ey pax sleyalil yet ebꞌ yakꞌomal xaambꞌal, yetoj cꞌal tzet chi yun yoc ebꞌ ánima yin eyilal tet Dios.
Chi yaltej yul jun libro tiꞌ tzet jix yun scol-le eltej ebꞌ ánima yu Dios. Jix yalon Dios tol jaꞌ jun conobꞌ tuꞌ, sowalil chi sjije chejbꞌanile chi yalaꞌ. Ey jun ẍejabꞌ Dios caw miman chi bꞌina yul jun libro tiꞌ, jaꞌton naj Moisés. Jaꞌ naj jix kꞌanbꞌalnele yu Dios yet jix eltej ebꞌ sconobꞌ Dios bꞌey txꞌotxꞌ Egipto. Ey pax jun tujan cuybꞌanile caw otajbꞌil, tzꞌibꞌebꞌil ey yul jun libro tiꞌ, jaꞌton wan laonebꞌ chejbꞌanile tzꞌibꞌebꞌilcan bꞌey capítulo 20.
Currently Selected:
Éxodo Introducción: knj
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.