Yaburina 143
143
Ala maxandina malina fe ra
1Dawudaa bɛtina.
Alatala, n ma maxandi xuiin namɛ!
I tuli mati n xuiin na.
N yabi i ya tinxinna nun i ya hinanna nin.
2I nama n tan i ya walikɛɛn makiti,
bayo muxu yo mi tinxin i tan yɛtagi.
3N yaxuna n sagatanma,
a yi n nabira bɔxɔni,
a yi n lu dimini
alo muxu singe faxaxine.
4Wɛkilɛn bata ɲan n yi,
n sɛnbɛ mi fa na sɔnɔn.
5N na n mirima waxati danguxine ma.
I feen naxanye birin nabaxi,
n na n mirima ne ma,
n na n mirima i kɛwanle ma.
6N na n yiine tima i tan nan xa.
N niin xaraxi i yɛtagi
alo bɔxɔ xarena.
Bɛti xuini te.
7Alatala, n yabi iki sa!
N niin ɲanmatɔɔn na a ra.
I nama i yɛtagin luxun n ma.
Xanamu n sama faxa muxune fari nɛn.
8Benun xɔtɔnni,
i xa n yabi i ya hinanni.
Amasɔtɔ n na n yigi saxi i tan nin.
A yita n na
n lan n xa sigan ti
kiraan naxan xɔn.
Amasɔtɔ n na n niin taxuxi i tan nan na.
9Alatala, n xunba n yaxune yii.
N na n luxunxi i tan nan fɛma.
10N xaran i sagoon ligan ma,
bayo n ma Ala nan i ra.
I ya Nii faɲin xa n xali bɔxɔ faɲini.
11Alatala siimayaan fi n ma i xinla fe ra.
I xa n ba tɔrɔni i ya tinxinni.
12N yaxune dɛ xidi i ya hinanni.
N yɛngɛfane halagi,
amasɔtɔ i ya walikɛɛn nan n na.
Currently Selected:
Yaburina 143: Kitabuna
Highlight
Share
Copy
Want to have your highlights saved across all your devices? Sign up or sign in
© 2012 Traducteurs Pionniers de la Bible
© 2012 Pioneer Bible Translators
This work is licensed under the Creative Commons Attribution ShareAlike 4.0 license
