Popular Bible Verses from Yaburina 143

Share

N xaran i sagoon ligan ma, bayo n ma Ala nan i ra. I ya Nii faɲin xa n xali bɔxɔ faɲini.

Benun xɔtɔnni, i xa n yabi i ya hinanni. Amasɔtɔ n na n yigi saxi i tan nin. A yita n na n lan n xa sigan ti kiraan naxan xɔn. Amasɔtɔ n na n niin taxuxi i tan nan na.

Alatala, n xunba n yaxune yii. N na n luxunxi i tan nan fɛma.

Alatala siimayaan fi n ma i xinla fe ra. I xa n ba tɔrɔni i ya tinxinni.

Alatala, n ma maxandi xuiin namɛ! I tuli mati n xuiin na. N yabi i ya tinxinna nun i ya hinanna nin.

Alatala, n yabi iki sa! N niin ɲanmatɔɔn na a ra. I nama i yɛtagin luxun n ma. Xanamu n sama faxa muxune fari nɛn.

N na n mirima waxati danguxine ma. I feen naxanye birin nabaxi, n na n mirima ne ma, n na n mirima i kɛwanle ma.