Sams 148
148
Evrisamting mas preisim God
(Toktok go long olketa pipol, wetem olketa narafala samting.)
1!Yumi preisim Yawe!
!Preisim hem, yufala evriwan hu i stap long heven!
2!Preisim hem, yufala evri enjel blong hem!
!Preisim hem, yufala evriwan long ami blong heven!
3!Preisim hem, yutufala san an mun!
!Preisim hem, yufala olketa sta!
4!Preisim hem, yu skae antap!
!Preisim hem, yu wata wea yu stap antap moa long skae ya!#Jenesis 1:6-7.
5Ya, yufala evriwan mas preisim nem blong Yawe,
bikos taem hemi tok nomoa, evrisamting ya i stap nao.
6Hemi talem olketa samting ya fo stap long ples blong olketa olowe nao,
an olketa mas falom toktok ya nao.
7!Preisim hem, yufala evrisamting wea i stap long disfala wol!
Ya, yufala evri bikfala si snek,
an evri dipsi wetem evrisamting wea hemi stap long hem,
yufala mas preisim hem.
8Yufala laetning an olketa ston long aes,
snou an olketa klaod, yufala mas preisim hem.
Ya, yu saekloun wea yu obeim toktok blong hem, yu mas preisim hem.
9Yufala evri maonten an evri hil, yufala mas preisim hem.
Ya, yufala evri tri wea yufala garem frut an evri tri long bus, yufala mas preisim hem.
10Yufala evri animol long vilij,
an evri animol long bus,
yufala mas preisim hem.
Ya, yufala evri snek an evri lisad,
an evri smolfala animol an evri bed,
yufala mas preisim hem.
11Yufala evri king an evri pipol long evri ples,
yufala evri bikman an evri lida,
yufala mas preisim hem.
12Yufala evri yang gele an evri yang boe,
yufala evri olo an evri pikinini tu,
yufala mas preisim hem.
13Ya, yumi evriwan mas preisim nem blong Yawe.
bikos nem blong hem nao hemi hae winim evri narafala nem,
an hem seleva nao hemi hae winim evrisamting long heven an long disfala wol.
14Hemi mekem yumi olketa pipol blong hem fo kamap strong
Hemi haemapem yumi evriwan hu i tinghevi long hem
an hemi lavem yumi olketa pipol blong Israel.
!Yumi preisim Yawe!
Currently Selected:
Sams 148: SIPB
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.
