1 VATESALONIKA 3
3
Timotiya a rhumiwa eTesalonika.
1Kwalaho, ndzi tsandzekile ku yimela swin'wana, kambe hi tihlawulele ku tshikiwa hi ri sweru eAtena, 2kutani hi rhumile Timotiya, makwerhu, nandza wa Xikwembu eEvhangelini ya Kriste, leswaku a ta mi tiyisa ni ku mi khongotela hikwalaho ka ku pfumela ka n'wina; 3ku nga tsekatsekisiwi ni un'we hi ku xanisiwa kuloko; kasi ma tiva leswaku hi averiwe swona. 4Hikuva ni loko ha ha ri na n'wina, hi tshama hi mi byela leswaku swa hi fanela ku xanisiwa hilaha swi humeleleke, na n'wina ma swi tiva. 5Ndzi ri, hikwalaho ka ku hluriwa hi ku navela, ndzi rhumile Timotiya, a ta tiva timhaka ta ku pfumela ka n'wina; hi ku chava leswaku kumbe muringi u mi ringile, kutani mitirho ya hina yi hundzuke swahava.
Ku vuya ka Timotiya.
6Kambe loko Timotiya a vuyile eka hina, a pfa hi le ka n'wina, u hi hlavutele timhaka leto nandziha ta ku pfumela ka n'wina, ni ta rirhandzu ra n'wina, a ku: Ma ha hi anakanya hi masiku, mi navela ku hi vona tanihi leswi na hina hi navelaka ku mi vona. 7Kunene vamakwerhu, hi chaveleriwile hi n'wina hi ku pfumela ka n'wina emaxangwini hinkwawo ya hina, ni le makhombyeni ya hina. 8Hikuva sweswi, hi hanya hi leswi mi tiyeke eHosini. 9Hi nga khensa Xikwembu hikwalaho ka n'wina, ni ku tsaka hinkwako loku hi tsakaka hakona emahlweni ka Xikwembu xa hina. 10Ha xi khongela nhlekanhi ni vusiku hi ku tlurisisa leswaku hi ta tiva ku mi vona, hi ta engetela leswi pfumariwaka eku pfumeleni ka n'wina.
11Kambe Xikwembu, Tata wa hina, ni Hosi ya hina Yesu Kriste, a va hi lunghisele ndlela ya ku ta eka n'wina! 12Kutani Hosi a yi mi kurise, yi mi tatisela rirhandzu ro rhandzana ni ro rhandza hinkwavo, tanihi leswi hi mi rhandzaka hakona na hina, 13yi va yi tiyisa timbilu ta n'wina, leswaku ti pfumala xisandzu eku kwetsimeni, emahlweni ka Xikwembu, Tata wa hina, eku humeleleni ka Hosi ya hina, Yesu Kriste, ni vakwetsimi va yena hinkwavo.
Currently Selected:
1 VATESALONIKA 3: TSO29
Highlight
Share
Copy
Want to have your highlights saved across all your devices? Sign up or sign in
Bible in Xitsonga 1929/2012 © Bible Society of South Africa 2012. Digital Version © Bible Society of South Africa 2012. All rights reserved. www.biblesa.co.za.
