Salāmo 95
95
O le Apoapoa‘iga ‘ia Fa‘afetaia le Atua
1Ō mai ia, ‘ia tatou ‘alalaga fiafia i le ALI‘I;#Galu 4.25-26; 2 No 2.5
‘ia tatou ‘alalaga i le papa o lo tatou olataga.
2‘Ia tatou ō atu i ona luma ma le vi‘iga;
‘ia tatou ‘alalaga ‘iā te ia i pese.
3Auā o le ALI‘I o le Atua sili lea,
o le Tupu tele lava o ia e sili i atua uma lava.
4O lo‘o i lona ‘a‘ao o mea loloto o i le lalolagi;
e ‘ona fo‘i mauga maualuluga.
5E ona le sami, na faia lava e ia;
na faia fo‘i le lau‘ele‘ele i ona ‘a‘ao.
6Ō mai ia, ‘ia tatou ifo, ma ‘ia tatou punonou;
‘ia tatou to‘otuli i luma o le ALI‘I o lē na faia i tatou.
7Auā o lo tatou Atua lava ia;#Epe 3.15; 4.7; Sala 48.14; 74.1 #Epe 3.7-11
o i tatou fo‘i o le nu‘u ‘ua fagaina e ia,
ma le lafu mamoe o i lona ‘a‘ao.
O le aso nei ‘āfai tou te fa‘alogo ai i lona si‘ufofoga:
8‘Aua ne‘i fa‘ama‘a‘a o ‘outou loto e pei ‘ona faia i Meripa,#Eso 17.1-7; Nume 20.2-13; 1 Samu 6.6
e pei ‘ona faia i le aso na i Mase i le vao.
9Na fa‘aosooso mai ai ‘iā te a‘u o ‘outou tamā,
na latou tofotofoina a‘u, a o latou iloa atu la‘u galuega.
10E fagafulu tausaga na ‘ou ‘ino‘ino ai i lea tupulaga,#Teu 9.7; Galu 13.18; Epe 3.17
ma a‘u fai ane, “O le nu‘u lenei e sesē i o latou lava loto,
e le‘i iloa fo‘i e i latou o‘u ala.”
11Na ‘ou tautō ai i lo‘u ita,#Nume 14.20-23; Teu 1.34-36; 12.9-10; Epe 4.3-5
“Latou te lē sao atu lava i lo‘u mālōlōga.”
Currently Selected:
Salāmo 95: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
