Salāmo 94
94
O le Tagi i le Atua ‘ina ‘ua Tigāina
1Le ALI‘I e, le Atua o lē taui ma sui,#Teu 32.35; Isai 35.4; Roma 12.19
le Atua e o lē taui ma sui,
‘ia e fa‘aali mai lou pupula.
2‘Ia e tula‘i mai,
o oe le fa‘amasino o le lalolagi;
‘ia e tu‘u atu le taui i ē ‘ua fa‘asausili.
3Le ALI‘I e,#Iopu 20.5; Fa‘aa 6.10
e mitamita se‘ia afea o ē amio leaga;
e mitamita o ē amio leaga se‘ia afea?
4‘Ua latou so‘ona tautala i ‘upu fa‘amaualuga,
‘ua mitamita vale o i latou uma o ē fai amio leaga.
5Le ALI‘I e,#Isai 3.15
‘ua latou tu‘imomomoina lou nu‘u,
‘ua latou fa‘atigāina fo‘i lou tofi.
6O le fafine ‘ua oti lana tane ‘atoa ma le tagata ‘ese, ‘ua latou fasiotia,
‘ua latou fasiotia fo‘i ma ē mātuaoti;
7ma ‘ua fa‘apea a latou,#Iopu 22.13
“E lē silasila mai le ALI‘I,
e lē manatua fo‘i e le Atua o Iakopo.”
8‘Ia ‘outou iloa, ‘outou ē vālelea i le nu‘u;
o ‘outou vale fo‘i, tou te popoto afea?
9O lē na faia le taliga, e lē lagona ‘ea e ia?#Eso 4.11; Fa‘ata 20.12
o lē na faia le mata, e lē silasila atu ‘ea o ia.
10O lē sasa i nu‘u ‘ese, e lē a‘oa‘i atu ‘ea e ia?
O lē a‘oa‘o i tagata ‘ia popoto.
11O lo‘o silafia e le ALI‘I o mafaufau o tagata,#1 Kori 3.20
e fa‘atauva‘a lava ia.
12Le ALI‘I e, ‘amu‘ia le tagata ‘ua e a‘oa‘iina;
ma e a‘oa‘oina o ia i lau tulafono.
13‘Ina ‘ia e tu‘uina atu se mapu ‘iā te ia i ona po ‘ua puapuagā ai,#Iopu 34.29
se‘ia ‘elia le lua mo lē ‘ua amio leaga.
14Auā e lē tu‘una e le ALI‘I lona nu‘u,#Teu 32.9; 1 Samu 12.22; 1 Tu 6.13; Iere 31.37; Roma 11.2
na te lē tu‘ulafoa‘iina fo‘i lona tofi.
15Auā e toe fo‘i atu le fa‘amasinoga i le amiotonu;#1 Tu 14.8
e mulimuli atu fo‘i i ai o i latou uma ‘ua loto fa‘amaoni.
16O ai sē tula‘i mai mo a‘u e tete‘e i ē ‘ua amio leaga?
O ai sē tū atu mo a‘u e tete‘e i ē ‘ua fai mea leaga?
17‘Ana le fesoasoani mai ‘iā te a‘u o le ALI‘I,
po ‘ua toe itiiti ‘ona nofo lea o lo‘u agaga i le mea ta‘aligoligoa.
18Na ‘ou fai ane, “O lo‘o mapeva lo‘u vae;”
‘ona tāofi a‘e lea o a‘u e lou alofa, le ALI‘I e.
19O le tele o mānatunatu i lo‘u loto
‘ua fiafia ai lo‘u agaga ‘ona o fa‘amafanafanaga mai ‘iā te oe.
20E fa‘atasi ‘ea ma oe le nofoāli‘i o i ai amio leaga,#Isai 10.1; 2 Kori 6.14
o lē ‘ua fai ma tulafono le fa‘atigā?
21‘Ua latou feosofi mai i le agaga o le amiotonu;#Eso 23.7; Fa‘ata 17.15
‘ua latou fa‘asalaina le tagata e leai sana agasala.
22‘Ae fai le ALI‘I mo‘u ‘olo maualuga;
o lo‘u Atua fo‘i o le papa lea ‘ou te malu ai.
23E taui atu fo‘i e ia ‘iā te i latou a latou agasala,#Sala 7.16
na te fa‘aumatia fo‘i i latou ‘iā latou amio leaga;
o le ALI‘I lo matou Atua na te fa‘aumatia i latou.
Currently Selected:
Salāmo 94: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
