Salāmo 107
107
TUSI 5
(Salāmo 107—150)
O le Alofa ma le Agalelei o le Atua i Tagata
1Vivi‘i atu ia ‘outou i le ALI‘I, auā e lelei lava o ia,#1 No 16.34; 2 No 5.13; 7.3; Esera 3.11; Sala 100.5; 106.1; 118.1; 136.1; Iere 33.11
auā e fa‘avavau lava lona alofa.
2‘Ia fa‘apea lava o ē ‘ua fa‘aolaina e le ALI‘I,
o i latou na ia fa‘aolaina nai le lima o lē fa‘asauā,
3ma ‘ua fa‘apotopotoina i latou mai nu‘u,#Sala 106.47; Isai 43.5-6; 49.12; Iere 29.14; Eseki 39.27
mai sasa‘e ma sisifo,
mai le itū i matū ma le itū i saute.
4Na fesēa‘i i latou i le vao, i le ala e le‘i uia;
e le‘i maua e i latou se ‘a‘ai e nonofo ai.
5Sa matelaina i latou ma fia inu,
na lailoa o latou loto i totonu ‘iā i latou.
6‘Ona ‘alalaga lea o i latou i le ALI‘I i lo latou puapuagā;
na ia lavea‘i ‘iā te i latou nai o latou tigā.
7Na ia ta‘ita‘iina fo‘i i latou i le ala tonu,#Esera 8.21
‘ina ‘ia latou ō atu ai i se ‘a‘ai e nonofo ai.
8‘Ia vivi‘i atu i latou i le ALI‘I ‘ona o lona alofa,
ma ona vāvega na fai i le fānau a tagata.
9Auā ‘ua na fa‘amalie i le tagata fia inu,#Sala 34.10; Luka 1.53
o le tagata matelaina fo‘i ‘ua mā‘ona mai ‘iā te ia i le mea lelei.
10O ē nonofo i le pouliuli ma le ata o le oti,
ē ‘ua noanoatia i le tigā ma le u‘amea;
11auā na latou fouvale i afioga a le Atua,#Sala 78.40; Fa‘ata 1.30; Luka 7.30
ma latou ‘ino‘ino i le pule a lē Silisili‘ese.
12O le mea lea na ia fa‘amaulaloina ai o latou loto i le galuega mamafa;
na pa‘u‘ū i latou, a o leai se fesoasoani.
13‘Ona latou ‘alalaga atu lea i le ALI‘I i le latou puapuagā;
na ia fa‘aolaina i latou nai o latou tigā.
14Na ia ‘aumaia i latou nai le pouliuli ma le ata o le oti,#Sala 107.10; Isai 49.9
‘ua na motusia fo‘i o latou noanoaga.
15‘Ia vivi‘i atu i latou i le ALI‘I ‘ona o lona alofa,
ma ona vāvega na fai i le fānau a tagata.
16Auā na ia lepeti i puipui ‘apamemea,#Isai 45.2
ma ‘ua vavaeina fa‘amau u‘amea.
17O tagata valea ‘ona o lo latou solitulafono,
ma la latou amio leaga, ‘ua fa‘atigāina ai i latou;
18‘ua ‘ino‘ino i latou i mea e ‘ai uma lava,#Iopu 33.20, 22
‘ua fa‘alatalata fo‘i i latou i faitoto‘a o le oti.
19‘Ona ‘alalaga lea o i latou i le ALI‘I i lo latou puapuagā;
na ia fa‘aolaina i latou nai o latou tigā.
20‘Ua ia ‘auina atu lana afioga ma fa‘amālōlō ‘iā i latou#2 Tu 20.5; Sala 103.3-4; Mata 8.8
ma lavea‘iina ai nai lo latou malaia.
21‘Ia vivi‘i atu i latou i le ALI‘I ‘ona o lona alofa,
ma ona vāvega na fai i le fānau a tagata.
22‘Ia latou fai taulaga fo‘i i taulaga o le vi‘iga,#Sala 9.11; Epe 13.15
ma ta‘u atu ma le ‘oli‘oli ana galuega.
23O i latou o ē folau i va‘a i le sami,
o ē fai galuega i le vasa tele.
24O i latou ia latou te va‘aia galuega a le ALI‘I,
ma ona vāvega e fai i le moana.
25Auā ‘ua fetalai ane ia ma fa‘atupuina le afā,#Iona 1.4
‘ua laga ai ona peau.
26E ō a‘e i latou i le lagi, e toe ō ifo lalo,
‘ua liu suāvai ai o latou loto i le atuatuvale.
27E tautevateva i latou ma tausuai pei o le tagata ‘onā,#Iopu 12.25
‘ua fa‘aumatia fo‘i o latou atamamai uma lava.
28‘Ona latou ‘alalaga atu lea i le ALI‘I i lo latou puapuagā;
‘ua ia ‘aumaia i latou nai o latou tigā.
29‘Ua liua e ia le afā i le malū,#Sala 65.7; Mata 8.26; Mare 4.39
‘ua ta‘oto ‘iā te ia le au peau.
30‘Ona latou fiafia lea, auā ‘ua malū,
‘ua ia ta‘ita‘iina fo‘i i latou i le taulaga na latou loto i ai.
31‘Ia vivi‘i atu i latou i le ALI‘I ‘ona o lona alofa,
ma ona vāvega na fai i le fānau a tagata.
32‘Ia latou fa‘ane‘ene‘e ‘iā te ia i le fa‘apotopotoga o le nu‘u,
ma ‘ia vivi‘i atu ‘iā te ia i le saofa‘iga a toeaina.
33E liua e ia o vaitafe e fai ma vao,#Isai 42.15; 50.2; Nau 1.4
o vaipuna fo‘i e fai ma fanua naumati.
34O le fanua lafulemū e fai ma mea lafulafuā
‘ona o le amio leaga a ē nonofo ai.
35E liua e ia le vao e fai ma vailepa,#Iopu 38.26-27; Isai 35.7; 41.18
o le fanua naumati fo‘i e fai ma vaipuna.
36Na te fa‘anofo ai fo‘i ē ‘ua matelaina;
e sauniuni ai fo‘i e i latou o le ‘a‘ai e nonofo ai;
37ma latou lūlū ai saito i fanua,
ma totō ai tōvine, e fua mai ai ona fua e tele.
38E fa‘amanuia fo‘i e ia i latou,#Kene 12.2
e matuā fa‘ato‘ateleina fo‘i i latou;
e le fa‘aitiitia fo‘i e ia a latou manu.
39‘Ua fa‘ato‘aitiitia fo‘i i latou ma fa‘amaulaloina,
‘ona o le fa‘asauā ma le agaleagaina ma le fa‘anoanoa.
40E fa‘a‘inosia e ia o ali‘i,#Iosu 10.24-26; Iopu 12.21, 24
ma fa‘asesēina i latou i le mea gaogao, e lē o i ai se ala.
41‘Ae fa‘aeaina e ia o lē ‘ua mativa nai le puapuagā,#1 Samu 2.8; Iopu 21.11; Sala 113.7
ma tu‘uina atu o ‘āiga ma ia, e pei o se lafu mamoe.
42E iloa atu ē ‘ua amiotonu ma latou ‘oli‘oli ai;
a o ē amio leaga uma lava e mapuni ai o latou gutu.
43O lē ‘ua poto na te tausia nei mea;#Iere 9.12; Tani 12.10; Hose 14.9
e iloa e i latou o mea alofa a le ALI‘I.
Currently Selected:
Salāmo 107: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
