Popular Bible Verses from Salāmo 107

Share

Vivi‘i atu ia ‘outou i le ALI‘I, auā e lelei lava o ia, auā e fa‘avavau lava lona alofa.

‘Ua ia ‘auina atu lana afioga ma fa‘amālōlō ‘iā i latou ma lavea‘iina ai nai lo latou malaia.

‘Ia vivi‘i atu i latou i le ALI‘I ‘ona o lona alofa, ma ona vāvega na fai i le fānau a tagata. Auā ‘ua na fa‘amalie i le tagata fia inu, o le tagata matelaina fo‘i ‘ua mā‘ona mai ‘iā te ia i le mea lelei.

‘Ona latou ‘alalaga atu lea i le ALI‘I i lo latou puapuagā; ‘ua ia ‘aumaia i latou nai o latou tigā. ‘Ua liua e ia le afā i le malū, ‘ua ta‘oto ‘iā te ia le au peau.

‘Ona ‘alalaga lea o i latou i le ALI‘I i lo latou puapuagā; na ia lavea‘i ‘iā te i latou nai o latou tigā.

‘Ona ‘alalaga lea o i latou i le ALI‘I i lo latou puapuagā; na ia fa‘aolaina i latou nai o latou tigā.

‘Ona latou ‘alalaga atu lea i le ALI‘I i le latou puapuagā; na ia fa‘aolaina i latou nai o latou tigā.