2 Samuelu 4
4
O le Fasiga o Isoposeta
1‘Ua fa‘alogo le atali‘i o Saulo ‘ua oti Apineru i Heperona, ‘ona fa‘avaivai ai lea o ia, ‘atoa ma Isaraelu uma sa latou atuatuvale ai.#Isai 13.7; Iere 6.24 2Sa i ai i le atali‘i o Saulo tagata e to‘alua o ē pule i ‘au, o le igoa o le tasi o Paana, o le igoa o le tasi o Rakapa, o atali‘i o Rimoni le Perota, ai le fānauga a Peniamina; auā sa nofo itū‘āiga Perota ‘iā Peniamina. 3Na sōsōla atu tagata o Perota i Kitaima, ‘ua āumau ai, ‘ua o‘o lava i nei ona po.
4O Ionatana le atali‘i o Saulo, sa ‘iā te ia lona atali‘i ‘ua pipili i ona vae; sa lima ona tausaga ‘ina ‘ua o‘o atu ai le logo ‘iā Saulo ma Ionatana nai Isereelu; ‘ona ‘ava‘e lea ‘iā te ia e lē na tausi ‘iā te ia, ‘ua sola; ‘ua o‘o ‘ina fa‘ata‘alise ‘ona sola, ‘ona pa‘ū ai lea o le tama, ‘ona pipili ai lea o ia; o lona igoa o Mefiposeta.#2 Samu 9.3
5‘Ua ō atu atali‘i o Rimoni le Perota, o Rakapa ma Paana, ‘ua la o‘o atu i le fale o Isoposeta i le itū aso o vevela ai le la; sa ta‘oto o ia i lona moega i le tutonu o le la. 6‘Ua ō atu i lā‘ua i totonu o le fale e la‘u saito, ‘ua la tutu‘i ‘iā te ia i le manava; ‘ona sōsōla ai lea o Rakapa ma Paana lona uso; 7auā ‘ua la ulu atu i le fale, a o ia, sa ta‘oto i lona moega i lona afeafe e ta‘oto ai o ia, ‘ua la fasi, ma fa‘aoti ‘iā te ia, ma vavae ‘ese lona ao; ‘ona la ‘ave lea o lona ao; ‘ua ‘atoa le po ‘ua la ui atu ai i le ala i le ‘ele‘ele laugatasi.#2 Samu 2.23 8‘Ua la ‘aumaia le ao o Isoposeta ‘iā Tavita i Heperona; ‘ona la fai mai lea i le tupu, “Fa‘auta i le ulu o Isoposeta le atali‘i o Saulo, na fai oe mōna fili, o lē na sā‘ili e fasioti ‘iā te oe, ‘ua taui atu e le ALI‘I ‘ona o oe le ali‘i le tupu, i lenei aso ‘iā Saulo ma lana fānau.”
9‘Ona tali atu lea o Tavita ‘iā Rakapa ma Paana lona uso, o atali‘i o Rimoni le Perota, ‘ua fai atu ‘iā te i lā‘ua, “O lo‘o soifua le ALI‘I, o lē na lavea‘i mai ‘iā te a‘u i puapuagā uma lava,#Ruta 3.13; 1 Tu 1.29 10na ta‘u mai se tasi ‘iā te a‘u, o lo‘o fa‘apea mai, ‘Fa‘auta, ‘ua oti Saulo;’ na manatu o ia, na ia ‘aumai le tala lelei, ‘ona ‘ou pu‘e ai lea ‘iā te ia ma fasioti ‘iā te ia i Sekeleka, a o ia na manatu#4.10 manatu: O le fa‘aliliuga tuai; fa te ia. ‘ou te avatu se taui o lana tala. 11A o lenei, o tagata amio leaga ‘ua la fasioti le tagata amiotonu i lona fale i luga o lona moega, ‘ou te lē taui atu ‘ea i lona toto ‘iā te ‘oulua, ma ‘ou fa‘aumatia ‘oulua i le nu‘u nei?”#Kene 9.5-6 12‘Ona fai atu lea o Tavita i taulele‘a, ‘ona latou fasioti ai lea ‘iā te i lā‘ua, ma ‘ua vavae ‘ese o la lima ma o la vae, ma tautauina i luga o le vailepa i Heperona; a o le ao o Isoposeta na latou ‘ave ia, ma tanu i le tu‘ugamau o Apineru i Heperona.#2 Samu 3.32
Currently Selected:
2 Samuelu 4: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
