San. 4
4
Ju̱ nuṉkanam írunna nu aneashtin
1¿Urukamtaitsuk tuke kajernaikiarum tí manaisrum pujarum. Mesetnumsha urukamtai wéarum? Jú̱nisaiti, atumín yajauch enentái katsuntrachmin útsutmakrumin tuke mániarme. 2Wakerarmena nu takustin wakerarme tura nu wakeramu takustin jeachkuram juruktiaj tusam nérentin maarme. Chíkich takakna nuja̱i̱ itit enentáimtuniarme tura ata̱i̱tin tujintkiam máiniaitrume. Wakerarmena nusha Yus seachu asarum wáintsurme. 3Tura seakrumsha yajauch searme. Atumí péṉkeri̱ji̱a̱i̱ warastin enentáimiu asarum searmena nusha wáintsurme. 4Jú̱ nuṉkanmaya̱ wakerakum Yusa nemasri̱ji̱a̱i̱ tsanirma áintsaṉketrume. Atumsha nékatsrumek. Jú̱ nuṉkanmaya̱ṉ wakerakrikia Yusa nemasri̱ntji. Shuar ju̱ nuṉkanmaya̱ṉ wakerakka Yusa nemasri̱ ajawai. 5Yus Chicham ju̱na tawai “Yus ni Wakaní̱ ii enentái̱n apujturmasuitji. Nu Wakan iin anenma asa ti akasmatramaji” tawai.Jiin. 34:14 Tura nuna ¿ántraṉkeash taa? 6Tura anenma asa ti yáintmaji. Tuma asamtai Yus Chicham tawai “Kajemtinian Yus íistatui tura péejchachin Yus nin aneak ti shiir yáiṉtatui” tawai.Neka. 3:34
7Yusai̱ ikiumastarum tura íwianch taritratarum. Túrakrumin íwianch ikiurmáktiatui. 8Yusai̱ni̱ weamkata tura Ni atumín wearmáktatrume. Tunáa shuartiram Kristu numpe̱ja̱i̱ nijiamartarum. Tura átum, Yussha tura ju̱ nuṉkanmaya̱sha mái̱ metek wakerarmena nu, atumí enentái̱ naka eseeratarum. 9Atumí tunaarí̱ enentáimsarum kúntuts enentáimpratarum. Nu kúntutsja̱i̱ ti úttiarum. Nuik shiir enentáimprarum wishikmiarumna nuka iniaisarum kúntuts enentáimprarum úttiarum. 10Yusja̱i̱ péejchach ajasta túrakmin shiir awajtámsattawai.
“Yajauchitme” tunaichatin
11Yatsuru, yajauch áujmatnaisairap. Yus shuar ni yachi̱n yajauch áujmatas tura yachí̱ tunaarí̱ tuke áujmatuk Yus ashí anenaitiarum tana nuna umichuiti. Antsu umichu asa “nú akupkámu ántraiti, umirkashtiniaiti” tawai nu shuar. Nuja̱i̱ nu shuar umirtsuk Yus akupkámu naṉkaamas enentáimtumawai. 12Yus Niṉki akupkámu najana asa Niṉki nu akupkámu umirkamun nekas nekaamniaiti tunaashit tusa. Níṉkiti uwemtikratniun tura emesratniunam akupkatin jea nu. Amesha yáitiam chikicha tunaarí̱ íistincha.
Kashin átatna nuna Yusak nékawai
13Wátsek, átum áujmateakrum “Arumsha kashincha nu péprunam weri nui̱ chikichik uwí takasar kuit achiktatji” tíchattarpash. 14Ishichkisha peṉké nékatsrume kashin átatna nu. Ju̱ nuṉkanam ii iwiaakmari̱ wárik amúatsuk. Yuraṉkim utsanar tura nantu sukuam mash wárik meṉkaatsuk. Núnisketji. 15Antsu jú̱nis tíminiaitrume “Yus wakerakuiṉkia iwiaaku pujakrikia nusha túrattaji” titiarum. 16Túrachkurmeka átumka Yusja̱i̱ naṉkamantu enentáimprume. Tura ashí nu enentáikia yajauchiti. 17Shuar péṉker túratniun nékayat, túrachkuiṉkia, nuka tunaiti.
Currently Selected:
San. 4: jiv
Highlight
Share
Copy
Want to have your highlights saved across all your devices? Sign up or sign in
©2009 Avant Ministries in cooperation with Wycliffe Bible Translators, Inc. All rights reserved.