San. 3
3
Ii iniái̱
1Átum untsurí jintinkiartin ajastin wakerukairap. Yus iin, jintinkiartin ájinia núnaka, naṉkaamas neka asakrin awajiakriṉkia núna naṉkaamas Yus iin seatmattaji. 2Iis, ashí mash ti awajiatsjik. Tura shuar chichaak, aya péṉkernak chichaakka nu shuar tuke eseer enentáimniuiti. Tura aya̱shí̱i̱sha tuke péṉker ana nuna túriniaiti. 3Kawaisha enentáimpratai. Jiru wenuchiniam ikiursam ni aya̱shi̱ ashí ayantátsuk. 4Kanusha ti úuntaitiat tura kakaram wéayat ishitiápach wiantaiji̱a̱i̱ shuar wakera nui̱ ayantárminiaiti. 5Núniskete ii iniái̱. Timiá ishitiápchitiat awakmáktinia tímianu chichaatsuk. Ji ishichik kapa̱a̱ja̱i̱ ashí numi tsaruaku ekemákchamniakait. 6Ii iniai̱sha jiji̱a̱i̱ métekete. Ashí tunáa piákuiti. Tura ii aya̱shí̱i̱n tunáa túratniun útsutmaji. Túṉkuruanmaya̱ jiji̱a̱i̱ ikiapármaiti tura ashí ii wekaajnia nui̱ émeseawai. 7Shuar ashí yajasman nawamkamin áiniawai. Ashí kajen írunna nunasha, nanamtinniasha, napincha tura entsaya̱ncha ashí nawamkaruiti. 8Tura iniai̱kia peṉké nawamkachminiaiti. Ti yajauch asa peṉké nupetkachminiaiti. Iniai̱kia ti tará tseasaiti. 9Nu iniai̱ji̱a̱i̱ Yus Apa shiir awajeaji tura nu iniai̱ji̱a̱i̱ṉ aentsti yajauch chicharnaiyaji. Aentsun Yus Niji̱a̱i̱ métek taku najanamaitiatar yajauch chicharnaiyaji. 10Nu iniai̱ji̱a̱i̱ṉ péṉkersha tura yajauchisha chichaaji. Yatsuru, nuka peṉké atsutniuiti. 11¿Púkuninmaya̱ entsa sáawiji̱a̱i̱ kusuku jiinkimniakait? 12Yatsuru, ¿kushiṉkiap shuinian nereawak. Munchisha kushiṉkiapen nerektatuak? Núnisaṉ púkuninmaya̱ entsa sáawiji̱a̱i̱ kusuku jíinkichminiaiti. Ii iniai̱ji̱a̱i̱ núnisaṉ aya péṉkera nu chichastiniaitji.
Yusa nekatairi̱
13Shuar ti neka enentái takakna nu, péṉker túrattawai. Nekas nékaitkiuṉka péejchachia núnis tuke péṉker ana nuna túrattawai. 14Antsu atumí enentáiji̱a̱i̱ peṉké yajauch enentáimtunairum tura atumek péṉker pujustin enentáimtumarum nékaitiatam péṉker túrachiatam “péṉkeraitjiai” tiip. Nuka wáitrame. Nekaska núchaiti. 15Nú enentáikia Yusai̱ya̱nchuiti. Antsu ju̱ nuṉkanmaya̱iti, shuara enentái̱ya̱iti núnisaṉ nú enentáikia iwianchniumia̱iti. 16Shuarsha yajauch enentáimtunairar tura niṉki enentáimtumainiakui nuja̱i̱ ashí meseawai tura ashí yajauch ti awai. 17Antsu Yusai̱ya̱ enentáin takakua nuka jú̱nisaiti, ashí naṉkaamas emka eseeratin nuyá̱ nawamkartin, shiir ajá, péṉker anturnain, waitneṉkratin, ashí métek enentáimias yáiṉtin tura anaṉkartutsuk naka chichamtin. 18Eseera enentáimsatniusha shiir takaawai ashí shuar péṉker ana nuna túrawarti tusa.
Currently Selected:
San. 3: jiv
Highlight
Share
Copy
Want to have your highlights saved across all your devices? Sign up or sign in
©2009 Avant Ministries in cooperation with Wycliffe Bible Translators, Inc. All rights reserved.