JOSUA 15
15
Na agua iana na varo ninuni iana o Juta
1Ga haganahunira na hagosi ninuni tenia na varo ninuni iana o Juta renia na agua ikê: na agua iata ki râ ki tariha igê na pereperegana i bêhetanga henia i Etome henirerua na bagamasusu raha i Sini me Negeve. 2Na pereperegana ki haganega igê na Asime, 3tanga na teha i Akarabimi, tanga i Sini, tanga i Katesi Baranea, tanga i Geserone, tanga i Atare, ki arigu tanga i Karaka, 4ki râ tanga i Asamone ma ki usugenia na kere ve igê na pereperegana i Esipito, tanga na asi ma ki hato igê. Ngaia nga ka na pereperegana na apanena iana o Juta i bêhetanga henirerua i Esipito me Etome.
5Na pereperegana bêkê ka na Asime, ki râ ki tariha igê na matahana na ve i Jotano.
Na pereperegana bêkê ki haganega i ngekana 6ma ki râ tanga i Bete Gogola, tanga na tarahane i Bete Araba ma tanga ne hê na hungana Bohane. O Bohane ka na hitangita o karena o Rubeni. 7Tenia i ngekana ngaia ki râ suria na maruguna i Agore tanga i Tebiri, ki arigu tanga i Gilegale i maatia akê na teha i Atumimi igê na apanena tarê na kere ve i ngekana. Tenia i ngekana ngaia ki râ tangagi na ve banga i Enesemesi, tanga i Enerogele, 8ma ki râ suria na maruguna i Beni Hinome tanga i Jerusaleme igê na hungana iata na Jebusita. Tenia i ngekana na pereperegana ki aharêngia na hungana i na akerena na maruguna i Beni Hinome, ki râ tanga na maruguna i Repaimi, 9tangagi na ve banga i Menepetoaga ma tangagi na hinua hagarangia na hungana i Eperone. Tenia i ngekana ngaia ki arigu tanga i Bala, ga hêtana nikâ vi Kiriata Jearimi. 10I ngekana ngaia ki arigu bêso tangagi na hungani i Seiri, ki nihatenia na hungana i Jearimi, ga hêtana nikâ vi i Kesalone, tanga i Bete Semesi ma ki ritenia i Timina. 11Tenia i ngekana ngaia ki nihatenia na hungana i Ekerone, ki arigu tanga i Sikarone, ki ritenia na hungana i Bala ma ki râ ki tariha i Jabanele ma ki hato i asi 12na pereperegana bêso.
Ngaia nga ka na apanena iata na hagosi ninuni tenia na varo ninuni iana o Juta.
O Kalebe ki henahuraurerua i Heberone me Tebiri
(Mane ni hagaotonga 1.11-15)
13Suria na Araha ki haribona vikana, o Josua ki haganahunia o Kalebe karena o Jepune tenia na varo ninuni iana o Juta renia ta apanena na agua iana na varo ninuni iana o Juta. Ngaia ki haganahunia renia i Heberone na hinua iana o Abara o vaemana o Enaka. 14O Kalebe ki tarigenira hura na raraha iana o Enaka tenia na hinua: ngaira ka na hagosi ninuni iata hehegitigi o Sesai, o Agimane mo Talamai. 15Hato vikana, ngaia ki taharira na ai ni Tebiri. I nago ka hêtana na hinua ngekana vi Kiriata Sepere. 16O Kalebe ki vi: “Inê be hagauragingenia ka Akasa ka kareku henia na mane i henahuraua i Kiriata Sepere.” 17O Otoniele karena o Kenase, o vesina o Kalebe kani henahuraua na hinua. Vikana o Kalebe ki hagauragingenia ka Akasa ka karena henia. 18Igê na tangiana ni hagataku o Otoniele ki nungia nga kaniana, hanana vi nungia o vaemana renia ta agua na mako. Ka Akasa ki vato tenia na tonki iana ma o Kalebe ki hagatea, vi na ta kani obania. 19Ka Akasa ki arami ki vi: “Inê kê obania na agua na mako i oga igê na ve, suria na mako go bani vateê renia ki mareha rârâ ta na ve igê.” Vikana o Kalebe ki haganahunia renigi na ve banga tani kere tagere râ ma tani kere vato.
Na hinua iana na varo ninuni iana o Juta
20-32Na hagosi ninuni tenia na varo ninuni iana o Juta ka nahunigi na hinua raha igê i rarona na agua iata. Igê na bagamasusu raha i Negeve hagarangia na pereperegana i bêhetanga henia i Etome ka na hinua igê: i Kabasele, i Etere, i Jagure, i Kina, i Timona, i Atata, i Ketesi, i Hasore, i Itinane, i Sipi, i Teleme, i Bealote, i Gasore Gatata, i Keriote Geserone, ga hêtana nikâ vi Hasore, i Amama, i Sema, i Molata, i Gasare Gata, i Gesemone, i Betepeleti, i Gasare Suale, i Bereseba henigi na hinua sisite, i Bala, i Imi, i Eseme, i Eletolata, i Kesile, i Goroma, i Sikilaga, i Matamana, i Sanasana, i Lebaote, i Siligimi, i Aini, me Rimone. Ngaigi hato haku na hinua raha ngegana ka 29 henigi na hinua sisite hagarangigi.
33-36Na hinua raha igê na hurapere na hungani kani igê: i Esataole, i Sora, i Asana, i Sanoaga, i Enganimi, i Tapuaga, i Enama, i Jaramuti, i Atulama, i Soko, i Aseka, i Saraimi, i Atitaimi, i Getera me Geterotaimi. Ngaigi hato haku na hinua raha ngegana ka 14 henigi na hinua sisite hagarangigi.
37-41Nikâ i Senane, i Gatasa, i Migitalagata, i Tilane, i Misipe, i Jokotele, i Kakisi, i Bosokata, i Egelone, i Kabone, i Lagamasa, i Kitilisi, i Geterote, i Betetagone, i Nama me Maketa. Ngaigi hato haku na hinua raha ngegana ka 16 henigi na hinua sisite hagarangigi.
42-44Nikâ i Libina, i Etere, i Asane, i Ipitaga, i Asana, i Nesibe, i Keila, i Akasibe me Maresa. Ngaigi hato haku na hinua raha ngegana ka 9 henigi na hinua sisite hagarangigi.
45-46Nikâ i Ekerone henigi na hinua igê, na ani raha ma na ani sisite, ma nikâ na hinua hato, na ani raha ma na ani sisite, hagarangia i Asetote, tenia i Ekerone tanga na asi.
47Nikâ i Asetote me Gasa henigi na hinua raha ma na hinua sisite hagarangirerua igê na tarasini ki râ ki tariha igê na ve, na pereperegana i bêhetanga henia i Esipito.
48-51Igê na hungani na hinua raha igê: i Samiri, i Jatiri, i Soko, i Tana, i Kiriata Sana, ga hêtana nikâ vi i Tebiri, i Anaba, i Esetemo, i Animi, i Gosene, i Golone me Gilo. Ngaigi hato haku na hinua raha ngegana ka 11 henigi na hinua sisite hagarangigi.
52-54Nikâ i Araba, i Tuma, i Esane, i Janumi, i Bete Tapuaga, i Apeka, i Gumuta, i Kiriata Araba, ga hêtana nikâ vi i Heberone me Sore. Ngaigi hato haku na hinua raha ngegana ka 9 henigi na hinua sisite hagarangigi.
55-57Nikâ i Maone, i Karamele, i Sipi, i Juta, i Jiserele, i Jokoteama, i Sanoaga, i Kaini, i Gibea me Timina. Ngaigi hato haku na hinua raha ngegana ka 10 henigi na hinua sisite hagarangigi.
58-59Nikâ i Galagule, i Betesure, i Getore, i Marata, i Betanote me Eletekone. Ngaigi hato haku na hinua raha ngegana ka 6 henigi na hinua sisite hagarangigi.
60Nikâ i Kiriata Bala, ga hêtana nikâ vi Kiriata Jearimi, me Raba. Ngairerua ka na hinua raha gi rua henigi na hinua sisite hagarangirerua.
61-62Igê na bagamasusu raha na hinua igê i Bete Araba, i Mitini, i Sekaka, i Nibisane, i Ire Hamelaga me Engeti. Ngaigi hato haku na hinua raha ngegana ka 6 henigi na hinua sisite hagarangigi.
63Na raraha iana o Juta ki bara tangara vige tarigenira hura na Jebusita tenia i Jerusaleme. Mataro me i ngekê na Jebusita ka gâga mêngara igê henira na raraha iana o Juta.
Currently Selected:
JOSUA 15: KCB
Highlight
Share
Copy
Want to have your highlights saved across all your devices? Sign up or sign in
© 2011 Bible Society of the South Pacific
