JOSUA 16
16
Na apanena iana na varo ninuni iana o Josepo
1Na pereperegana na apanena iana na varo ninuni iana o Josepo ki haganega i ve i Jotano hagarangia i Jeriko, ki râ i na apanena bêkê na ve banga i Jeriko ma ki râ ki banu igê na bagamasusu raha. Ngaia ki haganega i Jeriko, ki tagere igê na hungani ma râ tariha i Betele. 2Tenia i Betele ngaia ki râ tanga i Lusi, ki aharêvoro igê na mako iata na Araita, tanga i Atarote. 3Tenia i ngekana ngaia ki arigu bêso tanga na mako iata na Japalita, ki râ ki tariha i Bete Gorone igê na bena ma tenia i ngekana tanga i Gesere ma ki hato i asi.
4Ngaia nga ka na apanena iana na varo ninuni iana o Josepo ga nahunia. Ngaira ka na varo ninuni iaterua hegitigi o Eparaimi mo Manase, i vi na apapana na varo ninuni iana o Manase i oga i na apanena bêso na ve i Jotano.
Na apanena iana na varo ninuni iana o Eparaimi
5Ga haganahunira na hagosi ninuni tenia na varo ninuni iana o Eparami renia na agua ikê. Na pereperegana na apanena iata ki haganega i Atarote Atare, ki bêkê tanga i Bete Gorone i haha 6ma tenia i ngekana ngaia ki bêso tanga na asi. Na pereperegana bêkê ki haganega i Mikimeta, ki arigu tanga i Tanata Silo, 7ki ri i na apanena bêkê i Janoaga tangarerua i Atarote ma i Narata ma ki râ tanga i Jeriko ma ki tariha i ve i Jotano. 8Ta pereperegana nikâ ki haganega i Tapuaga, ki bêso tanga na ve i Kana ma ki hato i asi. Ngaia nga ka na agua ga haganahunira na hagosi ninuni tenia na varo ninuni iana o Eparaimi renia 9henigi tani na hinua raha ma na hinua sisite, ga oga i rarona na apanena iana na varo ninuni iana o Manase ma ka haganahunia na varo ninuni iana o Eparaimi renigi. 10Ngaira ka pe tarigenira hura na Kananita, ga ogasia i Gesere. Ma ki tariha me i ngekê na Kananita ka oga i berarogata na raraha iana o Eparaimi, ga hagatagarahira raha tangara mangara na kare rakuraku iata.
Currently Selected:
JOSUA 16: KCB
Highlight
Share
Copy
Want to have your highlights saved across all your devices? Sign up or sign in
© 2011 Bible Society of the South Pacific
