Salmos 12
12
Iquenquetsatacairi Tasorentsi, icantiri iramitacoteri
(Ivampoyeane David)
1Notasorentsite, poavisaacotena;
aca quipatsiqui te intimeji quemisantasanotempine;
te aneajeri atiri cameetsashiretatsiri.
2Itseeyacotavacaayeta, ineanatashiyetaro amatavitantsi.
3Notasorentsite, pintsoncasanotajeri maaroni amatavitavacaayetachari
neanatantashiyetarori paitapeerica,
4Icantajeiti: “Timatsi aneane arori
amatantarori paitapeerica acoayetiri.
¿Jaanica canteeneri antantayetearori paitapeerica?”
5Icanti Tasorentsi:
“Yora coiteaveetatsiri aisati caari yojocaacoventeeti,
oshequi iperanayetari aisati yoashinonqueeyetiri.
Irotaque meeca noavisaacotanteariri;
tempa oshequi yoyeacotaquena.”
6Ocameetsatasanotaque catsini icashiacaaqueeri Tasorentsi.
¡Oquempevetacari plata ioshitachari,
itaapiniyeetiri paamariqui ocarati 7!
7Notasorentsite, aitaque pinquempoyeacoventaquena.
¡Pincanteani pinticaacoventena,
eiro yoashinoncantanatsi atiripee!
8Yora caari cameetsajeitatsi
icantani iquenaquenayeti jaocapeerica,
Maaroni atiri iquimoshireventajeitiro caari cameetsatatsi.
Currently Selected:
Salmos 12: cni
Highlight
Share
Copy
Want to have your highlights saved across all your devices? Sign up or sign in
© 2008, 2015, Wycliffe Bible Translators, Inc. All rights reserved.
