Salmos 13
13
Iquenquetsacairi Tasorentsi iramitacoteri
(Ivampoyeane David)
1Notasorentsite, ¿irosatimpa pimpeacotena?
¿Pincanteanimpa pimpeacotena?
¿Irosatimpa pimanapitsatena?
2¿Irosatimpa noncanteani ompomerentsitimotena nashinoncayea,
noashiretea maaroni quitaiteripeequi?
¿Irosatimpa incantea imperanajeitena quisajeitanari?
3¡Tasorentsi, avirotaque Notasorentsite,
pamenena, pamitacotena!
¡Piveshireacaajena, eiro imatanteetanatsi iroyeetena!
4¡Eiro icantantatsi quisajeitanari: “Nanaacotaqueri”!
¡Eiroquea iquimoshirejeitantatsi nashinoncaaquearica!
5Noshiretasanotimpi; tempa pinintasanotana.
Nonquimoshiretasanotanaque;
tempa poavisaacotaquena.
6¡Nompampoyeacoventeri Tasorentsi;
tempa icavintsaaquena!
Currently Selected:
Salmos 13: cni
Highlight
Share
Copy
Want to have your highlights saved across all your devices? Sign up or sign in
© 2008, 2015, Wycliffe Bible Translators, Inc. All rights reserved.
