Sacharja 6
6
8 De vea Kjrichswoages
1Noch eemol aus ekj nopp kjikjt, sach ekj doa vea Kjrichswoages von tweschen de twee Boaj komen. De Boaj wieren von Koppa. #(1-8) Opb 6,1-8; Sach 1,8 2De ieeschta Woagen haud roode Pieed, de tweeda schwoate, 3de dredda witte un de vieeda schemmelje Pieed. Un daut wieren aules stoakje Pieed. 4Un ekj säd to däm Enjel, dee sikj met mie aufjeef: Waut bedieden dise, mien Har? 5Un de Enjel säd to mie: Dit sent de vea Wind unjarem Himmel. Dee sent ver däm Harn von de gaunze Ieed jewast, un gonen nu en äare Rechtungen. #Sach 4,14 6De Woagen met de schwoate Pieed jeit nom Nuaden, dee met de witte Pieed jeit nom Wasten, un dee met de Schemmels nom Sieden. 7Aus de Pieed ver ons kjeemen, wieren daut stoakje, un dee wieren iewrich äwa de Ieed to foaren. Un hee säd: Got, un seet no oppe Ieed. Un see jinjen. #Sach 1,10 8Un hee säd to mie: Moakj die dit: Dee waut nom Nuaden gonen, haben mienen Jeist tofräd jestalt em Nuaden.
De Kroon fa däm Priesta
9Dan jeef de Har mie dise Norecht: 10Go no Heldai, Tobija un Jedaja, dee von de veschlapte von Babel, trigjekomen sent, un nemm waut see jebrocht haben no Joschija, Zefanja sien Sän. 11Nemm daut Selwa un Golt, waut de Mana von Babel jebrocht haben, un moak doa Kroonen von. Dan sat dän Huagenpriesta, Jeschua, Jozadak sien Sän, dee opp. #(11 un 12) Sach 3,8 12Dan saj to am: De Har, dee aules rejieet, sajcht: Horch emol, eena dee doa “De niea Aust” heet, woat opp siene Städ waussen, un woat däm Harn sien Tempel buen. 13Hee woat dän Tempel fa däm Harn häastalen, un woat een jeieeda Kjennich sennen, un opp sienen Troon setten un rejieren. Un doa woat een Huagapriesta opp sienen Troon setten, un de twee woaren frädlich toopschaufen. #Psa 110,4 14De Kroonen woaren en däm Harn sien Tempel bliewen, aus een Aundenkjen aun Heldai, Tobija, Jedaja un Josia, Zefanja sien Sän. 15Doa woaren eenje von wiet auf komen un halpen däm Tempel fa däm Harn to buen. Wan daut passieet, dan woa jie weeten daut ekj von däm Harn, dee aules rejieet, jeschekjt sie. Dit woat aula woaren, wan jie däm Harn, jun Gott, siene Stemm jehorchen woaren. #Jes 60,10
Currently Selected:
Sacharja 6: PB
Highlight
Share
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
