Matäus 27

Jesus woat aun Pilatus äwajäft

(Mrk 15,1; Luk 23,1-2; Joh 18,28-32)

1Dan zemorjes wieren aule Huagepriestasch un Eltestasch utem Volkj toop un beschlooten, daut Jesus sull dootjemoakt woaren. #Apost 20,7; 1Kor 16,2; Opb 1,10 2Un see bungen am, leiden am wajch un äwajeewen am aun dän Laundeskommandaunt Pilatus.

Judas deit daut leet un henjt sikj

(Apost 1,16-20)

3Aus Judas, dee Jesus veroden haud, sach daut Jesus toom Doot veuadeelt wia, deed am daut leet, waut hee jedonen haud, un brocht dee 30 Selwastekja trigj no de Huagepriestasch un Eltestasch #Mat 17,2; Apost 1,10 4un säd: Ekj hab jesindicht, en däm daut ekj oschuldjet Bloot veroden hab. See säden to am: Waut jeit ons daut aun? Doamet motst du die selfst weeten. 5Hee schmeet de Selwastekja em Tempel han, jinkj wajch un honk sikj selfst. 6De Huagepriestasch hoowen daut Jelt opp un säden: Daut jeit nich daut wie daut Jelt en de Gotteskaus lajen, wiels daut es Blootjelt. #Mat 12,40; 16,21; 17,23; 20,19 7Dan beschlooten see doamet dän Toppstrikja Aka to kjeepen, aus een Bejrafnisplauz fa Utlenda. #Mat 26,32 8Doawäajen heet daut Stekj Launt bat vondoag dän Dach, Blootaka. 9Dan erfeld sikj, waut derch däm Profeet Jeremia jesajcht wia: “See neemen dee 30 Selwastekja, dän Pries dän daut Volkj Israel äwa am bestemt haud, 10un koften een Stekj Launt vom Toppstrikja, soo aus de Har mie befolen haft”. #Jer 32,9; Sach 11,12-13; Heb 2,11

Jesus ver Pilatus em Vehia

(Mrk 15,2-5; Luk 23,3-5; Joh 18,33-38)

11Un Jesus stunt ver dän Laundeskommandaunt; un dee fruach am: Best du de Juden äa Kjennich? Jesus säd to am: Du sajcht soo. 12Oba aus hee von de Huagepriestasch un Eltestasch beschulcht wort, jeef hee kjeene Auntwuat. 13Dan säd Pilatus to am: Hieescht du nich, woo hoat see die vekloagen? #Mat 27,64 14Oba hee jeef an nich eene eensje Auntwuat, soo daut de Laundeskommandaunt sikj doch sea wundad.

Jesus toom Doot veuadeelt

(Mrk 15,6-15; Luk 23,13-25; Joh 18,39—19,16)

15De Laundeskommandaunt haud de Jewanheit, daut hee daut Volkj een Jefangnen loosjeef, wan see äa Fast hauden, un dän kunnen see sikj wälen. 16See hauden dan jrod eenen bekaunden Vebräakja faust, dee heet Barabas. #27,16 Eenje oole Schreften sajen Jesus Barabas. 17Aus see dan aula toopwieren, säd Pilatus to an: Wäm well jie, daut ekj junt loosjäwen saul, Barabas #27,17 Eenje oole Schreften sajen Jesus Barabas. ooda Jesus, dee Christus jenant woat? 18Hee wist goot, daut see Jesus jebrocht hauden, wiels see am aufjenstich wieren. #Mat 11,27; Efs 1,20-22 19Un aus hee opp sien Rechtastool saut, leet siene Fru am sajen: Hab nuscht met dän jerajchten Maun to doonen; ekj hab em Droom vondoag must väl uthoolen wäajen am. #Mat 24,14; Mrk 16,15-16; 2Kor 5,20 20Oba de Huagepriestasch un Eltestasch beräden daut Volkj, daut see om Barabas bedden sullen, un Jesus loten doot moaken. #Mat 18,20 21De Laundeskommandaunt fruach an: Woonen von dee twee well jie, daut ekj junt loosjäwen saul? Un see säden: Barabas! 22Pilatus säd to an: Waut saul ekj dan met Jesus doonen, dee doa Christus jenant woat? See säden aula: Lot am kjriezjen! 23Un hee säd to an: Wuarom? Waut haft hee schlajchtet jedonen? Oba see schrieejen bloos noch dolla: Lot am jekjriezicht woaren! 24Aus Pilatus sach, daut hee nuscht aunfangen kunn, oba daut et een Opprua jeef, neem hee Wota un wosch sikj de Henj doa ver aule Menschen un säd: Ekj sie nich Schult aun disen Mensch #27,24 Eenje oole Schreften sajen jerajchten Mensch. sien Bloot. #27,24 Eenje oole Schreften sajen jerajchtet Bloot. Doa seet junt selfst väa! 25Oba de Menschen säden aula: Sien Bloot saul äwa ons un onse Kjinja komen! 26Dan jeef hee an Barabas loos, oba Jesus leet hee utpitschen, un jeef am han, daut see am kjriezjen kunnen.

De Soldoten vespotten Jesus

(Mrk 15,16-20; Joh 19,2-3)

27Dan neemen dän Laundeskommandaunt siene Soldoten Jesus em Rechthus nenn un saumelden de gaunze Aufdeelunk von Soldoten om am. 28See trocken am de Kjleeda vom Liew un neemen am een blootrooden Mauntel om. 29Dan flochten see eene Stachelkroon un saden am dee oppem Kopp un jeewen am een Ruastock en de rajchte Haunt. See buagen äare Kjneeen ver am un säden spottent to am: Lot die jreessen, Judenkjennich. 30Dan spieejen see no am un neemen dän Stock un schluagen am doamet äwa sien Kopp.

31Un aus see am vespott hauden, neemen see am dän Mauntel auf un trocken am wada siene Kjleeda aun un jinjen met am wajch, daut hee jekjriezicht wort.

Jesus aum Kjriez

(Mrk 15,21-32; Luk 23,25-43; Joh 19,17-27)

32Un aus see rut marschieeden, troffen see Simon, een Maun von Kiereen. Dän bedwungen see, Jesus sien Kjriez to droagen.

33Un aus see bat Golgata kjeemen, daut meent: een Schädelplauz, 34jeewen see am Wien to drinkjen, dee met Gaulsua toopjerieet wia. Oba aus hee daut schmakjt, wull hee daut nich drinkjen. 35Un aus see am jekjriezicht hauden, trocken see Lessa un deelden sikj siene Kjleeda en, daut sikj erfeld waut derch de Profeeten jesajcht wia. 36Un dan saden see sikj dol un woakten äwa am. 37Un bowen äwa sien Kopp, schreewen see han wuamet hee beschulcht wort: Dit es Jesus, de Juden äa Kjennich.

38Doa worden uk twee Reiba met am tojlikj jekjriezicht, eena aun de rajchte Sied un eena aun de linkje. 39Un dee, dee bie am vebie jinjen, scheddaden met de Kjap un lastaden äwa am 40un säden: Du, dee du dän Tempel dolbräakjen un en dree Doag oppbuen wust, nu rad die selfst! Wan du Gott sien Sän best, dan komm vom Kjriez rauf! 41Soo muaken daut uk de Huagepriestasch un Schreftjelieede un Eltestasch, dee deeden am spotten un säden: 42Aundre haft hee jeholpen, sikj selfst oba kaun hee nich halpen. Wan hee Israel äa Kjennich es, dan lot am vom Kjriez rauf komen. Dan woa wie aun am jleewen. 43Hee haft Gott vetrut; dan lot Gott am nu halpen, wan dee am haben well; wiels hee haft jesajcht: Ekj sie Gott sien Sän. 44Un jrod soo deeden uk de Reiba äwa am spotten, dee met am toop jekjriezicht wieren.

Jesus stoaft

(Mrk 15,33-41; Luk 23,44-49; Joh 19,28-30)

45Dan wort daut von Klock 12 opp Meddach bat Klock dree no Meddach äwa daut gaunze Launt diesta. 46Ojjefäa Klock dree no Meddach schrieech Jesus lud: Eli, Eli, sabachtani? Daut meent: Mien Gott, mien Gott, wuarom hast du mie veloten? 47Un eenje, dee sikj doa romstunden un daut hieeden, säden: Dee roopt Elia. 48Fuaz doano rand eena un hold een Schwom un leet daut voll Ädikj trakjen, stuak daut opp een Stock un jeef am to drinkjen. 49Oba de aundre säden: Wacht, well wie mol seenen, auf Elia am woat halpen komen. #27,49 Eenje oole Schreften sajen noch Noch een aundra neem een Schwieet un stuak am daut enne Sied, un Wota un Bloot rand doa rut. 50Un Jesus schrieech noch eemol lud un jeef sienen Jeist opp.

51Un weet jie, de Gardien em Tempel reet von bowen bat unjen uteneen. De Ieed scheddad un de Steena spoolden. 52Doa muaken sikj uk väl Jräwa op, un väle von de heilje, dee aul jestorwen wieren, stunden opp 53un kjeemen ut de Jräwa rut, aus Jesus ieescht vom Doot oppjestonen wia. Dee jinjen en de heilje Staut nenn un bejäajenden väle. 54Aus de Kommandaunt un de Soldoten, dee äwa Jesus woakten, daut Ieedbäben, un waut doa noch aules passieed, sagen, wort an doch jaumalich angst un säden: Secha es dit doch Gott sien Sän jewast! 55Doa wieren uk väl Frues, dee von wieda auf oppausten, dee von Galiläa jekomen wieren un am jedeent hauden. 56Mank dee wia Maria Magdalena un Maria, Jakobus un Josef äare Mutta, un de Mutta von Zebedäus siene Säns.

Jesus woat em Grauf jelajcht

(Mrk 15,42-47; Luk 23,50-56; Joh 19,38-42)

57Aus daut ieescht Owent wort, kjeem Josef, een rikja Maun von Arimatäa, dee uk eena von Jesus siene Jinja wia. 58Dee jinkj no Pilatus un fruach, auf hee Jesus sienen Kjarpa haben kunn. Dan befool Pilatus, daut see am dän jäwen sullen. 59Un Josef neem dän Kjarpa un wekjeld dän en een reinet lienzeichnet Loaken en 60un läd dän en sien ieejnet nieet Grauf, daut hee haud en een Steen nenhaken loten, un rold een grooten Steen ver de Däa un jinkj doavon. 61Maria Magdalena un de aundre Maria hauden sikj beid bie daut Grauf jäajenäwa doljesat.

De Wajchta biem Grauf

62Dän näakjsten Morjen, daut es, aus de ieeschte Fastdach äwa wia, saumelden sikj de Farisäa un Huagepriestasch ver Pilatus 63un säden: Ons es jrod biejefollen daut dis Schwindla säd, aus hee noch läwd, daut hee om dree Doag vom Doot oppstonen wudd. 64Dan jeff Aunordnunk, de ieeschte dree Doag strenj äwa daut Grauf to woaken, daut siene Jinja nich kjennen komen un am wajch stälen un to de Menschen sajen: Hee es vom Doot oppjestonen; daut de Menschen nu tolatst nich oaja aunjeschmäat woaren aus ieescht. 65Pilatus säd to an: Doa hab jie Soldoten. Got un moakt daut soo secha aus jie kjennen. 66Un see jinjen un vesechaden daut Grauf doamet, daut see dän Steen vesäajelden un Soldoten aunstalden to woaken.

Currently Selected:

Matäus 27: PB

Highlight

Copy