Johanes 7

Jesus un siene Breeda

1Nohäa jinkj Jesus en Galiläa rom. Hee wull sikj nich lenja en Judäa opphoolen, wiels de Juden am doa nom Läwen stunden. #Joh 4,43 2Nu wia de Juden äa Loofboodenfast dicht bie. #3Mo 23,34-36 3Dan säden siene Breeda to am: Moak die reed un go no Judäa, daut diene Jinja uk de Woakjen seenen, dee du deist. #Mat 12,46; Joh 2,12; Apost 1,14 4Wäa doa well bekaunt woaren, blift met siene Woakjen nich em Jeheemen. Wan du soowaut deist, dan lot die von de Welt seenen. 5Siene Breeda jleewden noch nich aun am. 6Dan säd Jesus to an: Miene Tiet es noch nich jekomen, oba june Tiet es emma reed. #Joh 2,4 7Jie kjennen de Welt nich towadren sennen. Mie oba kaun see nich lieden, wiels ekj an daut väahool, daut äare Woakjen vom beesen staumen. #Joh 15,18 8Got jie nom Fast! Ekj well noch nich #7,8 Eenje oole Schreften sajen ekj well nich. nom Fast gonen, miene Tiet es noch nich hia. 9Un aus hee an dit jesajcht haud, bleef hee en Galiläa.

Jesus en Jerusalem

10Oba aus siene Breeda ieescht hanjegonen wieren, jinkj hee uk nom Fast, nich openboa. Hee hilt sikj trigj. #Joh 2,13 11De Juden sochten opp däm Fast no am un fruagen, wua hee wia. 12Doa wort mank daut Volkj äwa am väl jerät. Eenje säden: Hee es fromm un goot. Aundre oba säden: Nä, hee veleit daut Volkj. 13Oba kjeena räd frie von am ut Forcht fa de Juden. #Joh 9,22; 12,42; 19,38

14Oba medden em Fast jinkj Jesus em Tempel nenn un funk aun to lieren. 15Un de Juden vewundaden sikj un säden: Woo kjant disa de Schreft, wan hee dee niemols jelieet haft? #Mat 13,56 16Jesus auntwuad an un säd: Miene Lia es nich miene, oba däm siene, dee mie jeschekjt haft. 17Un wäa däm sienen Wellen doonen well, woat boolt utfinjen, auf dise Lia von Gott es, ooda auf ekj von mie selfst räd. 18Wäa von sikj selfst rät, sieekjt siene ieejne Iea. Wäa oba däm siene Iea sieekjt, dee am jeschekjt haft, dee es woarhauftich, un en däm es kjeene Ojjerajchtichkjeit. #Joh 5,41.44

19Haft Moses junt nich daut Jesaz jejäft? Un kjeena von junt helt daut Jesaz. Wuarom vesieekj jie mie dan doot to moaken? #Joh 5,16.18; Reema 2,17-24 20Daut Volkj auntwuad un säd: Du hast eenen beesen Jeist. Wäa vesieekjt die doot to moaken? #Joh 10,20 21Jesus auntwuad un säd to an: Ekj hab eene eensje Sach jedonen, un jie wundren junt aula. #Joh 5,16 22Moses jeef junt de Beschniedunk (nich daut dee von Moses kjeem, oba von de Vodasch), un jie beschnieden een Mensch aum Sabat. #1Mo 17,10-12; 3Mo 12,3 23Wan een Maun aum Sabat de Beschniedunk kjricht, om Moses sien Jesaz nich to bräakjen, wuarom oajat junt daut dan, wan ekj dän Mensch gaunz un goa aum Sabat jesunt moak? 24Recht nich no Uagenschien, oba lot jun Uadeel een jerajchtet sennen.

Kunn dit de vesproakna Rada sennen?

25Dan säden eenje von dee von Jerusalem: Es dit nich dee, dän see vesieekjen doot to moaken? 26Oba kjikjt, hee rät gaunz frie, un dee sajen nuscht to am. Sent onse Väajesate sikj nu secha, daut hee werkjlich de Christus es? 27Wie weeten, wua disa häa es. Oba wan de Christus komen woat, dan woat kjeena weeten, von wua dee kjemt. #Heb 7,3 28Aus Jesus em Tempel lieed, deed hee daut gaunz lud, un säd: Jo, jie kjanen mie un weeten, wua ekj häa sie. Oba ekj sie nich ut mie selfst jekomen, mie haft een Woarhauftja jeschekjt, dän jie nich kjanen. 29Ekj oba kjan am, wiels ekj sie von am, un hee haft mie jeschekjt. #Mat 11,27 30Dan vesochten see am faust to nämen. Oba kjeena läd de Haunt aun am, wiels siene Tiet wia noch nich jekomen. #Luk 22,53; Joh 8,20 31Oba väle vom Volkj jleewden aun am un säden: Wan de Christus komen woat, woat dee noch mea Tieekjens doonen aus disa jedonen haft?

Jesus jeft sien Aufscheeden bekaunt

32De Farisäa hieeden daut Volkj äa Jefuschel äwa Jesus. Dan schekjten de Farisäa un Huagepriesta Tempelwajchta han, am faust to nämen. 33Jesus säd to an: Ekj woa hia aul mau eene korte Tiet sennen, dan go ekj no däm, dee mie jeschekjt haft. #Joh 13,33 34Jie woaren no mie sieekjen un mie nich finjen, un wua ekj sie, kjenn jie nich hankomen. #Joh 8,21 35Dan fruagen de Juden sikj unjarenaunda: Wua räakjent hee hantogonen, daut wie am nich finjen sellen? Well hee no de vestreide Juden mank de Griechen gonen, un de Griechen lieren?

36Waut meent hee doamet, wan hee sajcht: Jie woaren no mie sieekjen, oba woaren mie nich finjen, un wua ekj sie, kjenn jie nich hankomen?

Läwendjet Wota woat ranen

37Aum latsten un jratsten Dach opp däm Fast stunt Jesus opp un roopt lud: Wäa darschtich es, dän lod ekj en, no mie to komen un to drinkjen! 38Wäa aun mie jleeft, #7,38 Enne Städ Wäa aun mie jleeft haben eenje oole Schreften Lot däm no mie komen, un lot däm dee aun mie jleeft, drinkjen. soo aus de Schreft sajcht, ut däm sien bennaschtet woaren läwendje Wotastreem ranen. #Jes 58,11 39Hee died doamet opp dän Jeist han, dän dee, dee aun am jleewden, nohäa kjrieen sullen. Wiels de Heilja Jeist wia noch nich doa, wiels Jesus noch nich veharlicht worden wia. #Joh 16,7

Veschiedne Meeninjen

40Aus see dit hieeden, säden väle utem Volkj: Dis Maun es werkjlich de Profeet. 41Aundre säden: Dit es de Christus. Oba eenje säden: Woat de Christus von Galiläa komen? #Joh 1,46 42Steit nich jeschräwen, daut de Christus von David siene Nokomenschoft un von de Staut Betlehem komen saul, wua David wond? #Micha 5,1; Mat 2,5-6; 22,42 43Un soo worden de Menschen sikj wäajen am oneenich. #Joh 9,16 44Doa wieren don soone, dee wullen am faust nämen. Oba kjeena läd de Henj aun am.

De väaschte jleewen nich aun Jesus

45Tolatst jinjen de Tempelwajchta trigj no de Huagepriesta un Farisäa. Un dee fruagen an: Wuarom hab jie am nich jebrocht? 46See säden to an: Soo aus dis Mensch rät, haft noch niemols een Mensch jerät. #Mat 7,28-29 47Dan säden de Farisäa to an: Sent jie uk aul veleit worden? 48Jleeft irjent een väaschta ooda Farisäa aun am? 49Nä. Bloos dit Volkj, daut nuscht von Moses sien Jesaz weet, es veflucht! 50Dan fruach Nikodemus, eena von an, dee de Nacht no Jesus jegonen wia: #Joh 3,1-2 51Deit ons Jesaz eenen Maun vedaumen onen am verhäa aunjehieet to haben, om uttofinjen, waut hee deit? #5Mo 1,16 52See säden: Best du uk von Galiläa? Forsch un see, von Galiläa kjemt kjeen Profeet.

53Un see jinjen aula wada no Hus.

Currently Selected:

Johanes 7: PB

Highlight

Copy