2. Mose 11
11
De tieende Ploag
1De Har haud Moses jesajcht: Eene Ploag woa ekj noch opp däm Kjennich un opp Ägipten komen loten. No däm, woat hee junt gonen loten. Hee woat junt aula rutjoagen. 2Un saj daut Volkj, daut de Mana un de Frues sellen no äare ägiptische Nobasch gonen, un no selwane un goldne Sachen froagen. #2Mo 3,21-22 3De Har muak daut, daut daut Volkj goot aunjeseenen wia ver de Ägipta, un Moses selfst wia sea huach aunjeschräwen en Ägipten, un uk bie däm Kjennich siene Rejierungs Mana un bie daut Volkj em grooten gaunzen.
4Moses säd to däm Kjennich: De Har sajcht soo to die: Opp Meddanacht woa ekj derch Ägipten gonen, 5un aul de ieeschtjebuarne en Ägipten woaren stoawen, von dän ieeschtjebuarnen von däm Kjennich, dee oppem Troon sett, bat däm ieeschtjebuarnen von de Sklowenmejal, dee doa aun de Hauntmäl sett. Un uk aul daut Ieeschtjebuarne vom Vee. #2Mo 4,23 6Daut woat een sea grootet hielen en daut gaunze Launt sennen, soont aus doa noch niemols jewast es, un uk niemols wada sennen woat. 7Oba mank de Israeliten woat kjeen Hunt soo väl aus siene Tän wiesen to een Mensch ooda to Vee, daut jie weeten woaren, daut de Har een Unjascheet moakt tweschen Ägipten un Israel. #2Mo 9,4 8Un aul diene Rejierungs Mana woaren no mie komen, un woaren sikj ver mie kjneeen, un woaren mie prachren, daut ekj un mien Volkj veloten woaren. Dan ieescht emol, woa ekj gonen. Moses wia heet oppjeräacht, aus hee vom Kjennich wajchjinkj. 9De Har haud Moses jesajcht: De Kjennich woat noch nich enweljen, soo daut miene Wunda en Ägipten kjennen soo väl jrata sennen. 10Un Moses un Aaron deeden aul dise Wunda ver däm Kjennich, oba de Har muak däm Kjennich hoat enjestalt un vebettat, un hee leet de Israeliten nich ut Ägipten rutgonen. #2Mo 4,21
Currently Selected:
2. Mose 11: PB
Highlight
Share
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
