1. Johanes 4

De woara un de faulscha Jeist

1Leewe Frind, jleeft nich jiedrem Jeist, oba prooft de Jeista ut, auf dee von Gott sent. Doa sent väl faulsche Profeeten en dise Welt jekomen. #Mat 7,15 2Dit es wuaraun jie weeten kjennen, auf dee Jeist von Gott es: Jieda Jeist, dee doa bekjant, daut Jesus Christus aus Mensch von Fleesch un Bloot en dise Welt jekomen es, es von Gott. 3Un jieda Jeist, dee daut nich bekjant, daut Jesus em Fleesch jekomen es, es nich von Gott. Dit es de Jeist, dee jäajen Christus es, von däm jie jehieet haben, daut dee komen woat un nu aul enne Welt es. 4Leewe Kjinja, jie sent von Gott un haft dee aul besiecht. Dee Jeist, dee en junt es, es jrata aus dee, dee en de Welt es. 5Dee waut von dise Welt sent, räden uk von dise Welt, un daut es wuarom de Welt no an horcht. #Joh 15,19 6Wie sent von Gott, un wäa Gott kjant, horcht no ons. Un wäa Gott nich kjant, well von ons nuscht hieren. Doaraun kjenn wie weeten, auf een Jeist von de Woarheit staumt ooda vom däm faulschen es. #Joh 8,47; 1Kor 14,37

Gott es Leew

7Leewe Frind, well wie ons unjarenaunda goot sennen, wiels Leew staumt von Gott. Wäa doa Leew haft, es von Gott jebuaren un kjant Gott. 8Wäa nich Leew haft, kjant Gott nich, wiels Gott es ons goot. 9Gott wees ons woo goot hee ons wia aus hee sienen eensjen Sän en de Welt schekjen deed, daut wie derch am läwen sellen. #Joh 3,16 10Derch dit see wie, waut Leew werkjlich es. Daut wia nich onse Leew fa Gott. Daut wia siene Leew fa ons, daut hee ons sienen Sän schekjt, ons de Sinden auftonämen.

11Leewe Frind, wan Gott ons soo goot es, dan sull wie ons uk unjarenaunda goot sennen.

12Kjeen Mensch haft Gott jeseenen. Wan wie ons unjarenaunda goot sent, blift Gott en ons, un dan es siene Leew volkomen. #Joh 1,18 13Gott haft ons von sienen ieejnen Jeist jejäft, un doawäajen weet wie, daut wie en am bliewen, un hee en ons. #1Joh 3,24 14Un wie haben daut jeseenen un räden doavon, daut Gott sienen Sän jeschekjt haft, de Welt äa Heilant to sennen. #Joh 3,17 15Wäa daut bekjant, daut Jesus Gott sien Sän es, en däm blift Gott un hee en Gott. #1Joh 5,5 16Wie haben daut enjeseenen un jleewen daut, daut Gott ons goot es. Gott es leeftolich, un wäa en dise Leew läft, läft en Gott, un en däm blift Gott. 17Daut Gott siene Leew bie ons gaunz aunjekomen es, wiest sikj doarenn, daut de Jerechtsdach ons kjeene Sorjen mea moakt, wiels soo aus hee wia soo läw wie uk en dise Welt. #1Joh 2,28 18Wie brucken ons nich ferchten fa eenen, dee ons werkjlich goot es. Soo aus hee ons rein goot es, moakt aule Angst en ons onneedich. Wäa sikj noch ferchten deit, en däm es dee Leew noch nich tussich jeworden, wiels ferchten deit eena sikj fa Strof. 19Lot ons unjarenaunda goot sennen, wiels hee ons aul verhäa siene Leew jeschonken haft. 20Wan wäa sajcht, hee haft Leew fa Gott, un es sienen Brooda oba fientlich jesonnen, dee licht. Wäa sienen Brooda nich goot es, dän hee sitt, dee kaun Gott nich goot sennen, #4,20 Eenje oole Schreften sajen woo kaun dee Gott goot sennen. dän hee nich sitt. #1Joh 3,17 21Dit es waut hee ons jesajcht haft: Wäa Gott goot es, woat uk sienen Brooda goot sennen. #Mrk 12,29-31

Currently Selected:

1. Johanes 4: PB

Highlight

Copy