1. Chronik 9
9
De Enwona von Jerusalem no de Vebaununk
(Neh 11,3-19)
1Soo wort gaunz Israel no äare Volkjsgruppen jeordnet un en daut kjennichliche Rejista oppjeschräwen. Wiels de Enwona von daut Kjennichrikj Juda sikj oba von Gott wajchjedreit hauden, worden see aus Jefangne no Babel jebrocht. #2Kjen 24,15-16
2De ieeschte, waut von dort trigjkjeemen un wada en äare Heimat Juda aunsiedelden, wieren Priesta, Leviten, Tempeldeena un aundre Israeliten. #Jos 9,23.27; Esra 8,20
3Dee waut don en Jerusalem aunsiedelden wieren von de Stam: Juda, Benjamin, Efraim un Manasse. #(3-16) Neh 11,3-19 4Von däm Staum Juda: Utai, Amihud sien Sän, dee Omri sien Sän wia, dee Imri sien Sän wia, dee Bani sien Sän wia, un dee een Nokomen von Juda sienen Sän Perez wia. 5Von Juda sienen Sän Schela siene Nokomen wieren: Asaja, de ieeschtjebuarna Sän, un siene Säns. 6Von Juda sienen Sän Serach siene Nokomen: Jeuel un siene Breeda. Aules toop wieren von Juda 690 Mana.
7Ut däm Staum Benjamin: Salu, Meschullam sien Sän, dee Hodawja sien Sän wia, dee Senua sien Sän wia; 8un Jibneja, Jeroham sien Sän, un Ela, Usi sien Sän un Michri sien Grootsän; un Meschullam, Schefatja sien Sän, dee Reguel sien Sän wia, un dee wia Jibnija sien Sän. 9Dit wieren de leidende Mana, dee äare Volkjsgruppen aunleiden. Met äare Breeda, un dee äare Volkjsgruppen toop, wieren daut 956.
10Von de Priesta oba wieren: Jedaja, Jojarib, Jachin 11un Asarja, de väaschta em Tempel, Hilkija sien Sän. Hilkija wia Meschullam sien Sän, Meschullam wia Zadok sien Sän, dee wia Merajot sien Sän, un dee wia Ahitub sien Sän. #1Chr 5,38-39 12Un Adaja, Jeroham sien Sän, Jeroham wia Paschhur sien Sän, un dee wia Malkija sien Sän. Un Masai, Adiel sien Sän, Adiel wia Jachsera sien Sän, dee wia Meschullam sien Sän, dee wia Meschillemot sien Sän, un dee wia Immer sien Sän. 13Met äare Breeda toop wieren see 1.760 Leida en äare Volkjsgruppen, waut aula fäich wieren toom Deenst em Gotteshus.
14Von de Leviten oba, von Merari siene Nokomen, wieren: Schemaja, Haschub sien Sän, dee Asrikam sien Sän wia, un dee wia Haschabja sien Sän; 15Un Bakbukja, Heresch, Galal un Matanja, Micha sien Sän un Sichri sien Grootsän, een Nokomen von Asaf. 16Un Abda, Schamua sien Sän, un Galal sien Grootsän, een Nokomen von Jedutun. Un Berechja, Asa sien Sän un Elkana sien Grootsän, dee frieejoa en de Siedlungen von Netofa wond. #1Chr 2,54
De Leviten äare Amta
17De Puatenwajchta wieren: Schalum, Akub, Talmon un Ahikam; un äa väaschta wia Schalum. 18Siene Grupp bewoakt bat disen Dach däm Kjennich sien Puat aun de oostne Sied. See wieren de Wajchta en de Leviten äa Loaga. 19Uk däm Deenst aus Wajchta aum Engank von daut Vesaumlungszelt verecht Schalum un de Mana von siene Grupp, aules Nokomen von Korach; Schalum staumd äwa Kore un Abiasaf von Korach auf. Äare Vodasch hauden en de Wiltnis däm Engank von däm Harn sien Loaga bewoakt. #2Chr 34,9 20Pinhas, Eleasar sien Sän, wia äa väaschta jewast, de Har es met am! #4Mo 25,7-13 21Secharja, Meschelemja sien Sän wia de Wajchta aum Engank von daut Vesaumlungszelt. 22Aules toop wieren daut 212, waut to Puatenwajchta wieren utjesocht worden. Dise wieren en daut Jeschlajchtsrejista en äare Darpa enjeschräwen; David un de Profeet Samuel hauden dee en äa Aumt enjesat, #1Sam 9,8-11 23daut see un äare Säns de Puaten aun daut Vesaumlungszelt, un nohäa aun däm Harn sien Hus bewoaken sullen. 24De Wajchta wieren no de vea Himmelsrechtungen oppjestalt, nom Oosten, nom Wasten, nom Nuaden un nom Sieden. 25De Mana wonden en äare Darpa un musten jiedatsmol fa säwen Doag toom Deenst komen, wan de Tiet bat an wia. 26Bloos de väaschte vea Puatenwajchta stunden bestendich em Aumt. Un eenje von de Leviten wieren äwa de Stowen aum Gotteshus, wua Väarot un Jelt jeloagat wort, aunjestalt. 27See bleewen uk äwa Nacht bie daut Gotteshus, wiels see musten woaken un jieda zemorjes de Puaten opschluten. 28Un eenje von de Leviten wieren aunjestalt äwa daut Jereetschoft, waut biem väajeschräwnen Deenst jebrukt wort. See musten daut aufjetalt rut un nenn droagen, wan daut jebrukt wort. 29Wada aundre wieren aunjestalt äwa daut Jereetschoft, daut heilje Jescher, un uk äwa daut Mäl, dän Wien, de Olieweneelj, dän Weiruak un de scheenrikjende Sachen, waut fa de Saulweelj jebrukt worden. 30De Saulweelj toopstalen oba wia de Priesta äare Oppgow. #2Mo 30,23-25 31Un Matitja, de Levit, däm ieeschtjebuarnen Sän von Korach sienen Nokomen Schalum, wia de Oabeit met de Paunen aunvetrut. 32Von Kehat siene Nokomen wieren eenje aunjestalt daut jeweide Broot reedtomoaken, un to jieda Sabat opp dän Desch to lajen. #3Mo 24,5-8
33De levitische Gruppen, waut fa daut Jesank biem Tempel veauntwuatlich wieren, wonden en de Stowen aum Tempel, un wieren von de aundre Oabeit frie, wiels see aum Dach uk de Nacht fa äaren Deenst reed sennen musten. 34Aul dise jenande Leida von äare Volkjsgruppen, dee no äare Aufstaumunk to de Leviten jehieeden, wonden don en Jerusalem.
De Vodasch un de Nokomen vom Kjennich Saul
(1Chr 8,29-38)
35En Gibeon wond Jeiel, de Staumvoda von dise Staut. Un siene Fru heet Maacha, 36un sien ieeschtjebuarna Sän wia Abdon; un de aundre Säns wieren: Zur, Kisch, Baal, Ner, Nadab, 37Gedor, Achjo, Secher un Miklot. 38Miklot sien Sän wia Schima. Un see wonden met äare Staumbreeda toop en Jerusalem.
39Ner sien Sän wia Kisch, un Kisch sien Sän wia Saul. Saul siene Säns wieren: Jonatan, Malkischua, Abinadab un Eschbaal. 40Jonatan sien Sän wia Merib Baal, un däm sien Sän wia Micha. 41Micha siene Säns wieren: Piton, Melech, Tachrea un Ahas. 42Ahas sien Sän heet Joada, un däm siene Säns wieren: Alemet, Asmawet un Simri. Un Simri sien Sän wia Moza, 43un Moza sien Sän wia Bina, un däm sien Sän wia Refaja. Refaja sien Sän wia Elasa, un däm sien Sän wia Azel. 44Un Azel haud sas Säns; dee heeten: Asrikam, Bochru, Jischmael, Schearja, Obadja un Hanan.
Currently Selected:
1. Chronik 9: PB
Highlight
Share
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
