1. Chronik 8
8
Eene wiedre List von Benjamin siene Nokomen
1Benjamin siene Säns wieren, Bela, sien ieeschtjebuarna Sän, Aschbel de tweeda, Achrach de dredda, #1Mo 46,21 2Noha de vieeda, un Rafa de fefta. 3Bela siene Säns wieren: Ard, Gera, Abihud, 4Abischua, Naaman, Ahoach, 5Gera, Schefufan un Huram. 6Ehud siene Säns, wieren de Leida von de Volkjsgruppen waut en Geba wonden, un waut von doa no Manahat veschlapt worden; 7daut wieren: Naaman, Ahija un Gera. Un Gera wia daut, waut an doahan veschlapt. De Säns von Bela sienen Sän Gera wieren Usa un Ahihud. 8Schaharajim wond opp daut huage Launt en Moab, un hee haud Säns aus hee siene Frues Huschim un Baara ieescht haud loten wajchgonen, 9un sikj Hodesch jefriet haud. Met Hodesch toop haud hee de Säns Jobab, Zibja, Mescha, Malkam, 10Jeuz, Sacheja un Mirma. Dise Säns wieren Leida en äare Volkjsgruppen. 11Von Huschim, de Fru waut hee ieescht jehaut haud, staumden de Säns Abitub un Elpaal. 12Elpaal siene Säns wieren: Eber, Mischam un Schemed. Disa bud Ono un Lod un de Siedlungen waut doatoo jehieeden. 13De Breeda Beria un Schema wieren de Leida von de Volkjsgruppen, waut en Ajalon wonden. See vedreewen de Enwona von Gat. 14Un äare Breeda wieren: Elpaal, Schaschak Jeremot, 15Sebadja, Arad, Eder, 16Michael, Jischpa un Joha; aules Beria siene Säns. 17Elpaal siene Säns wieren: Sebadja, Meschullam, Hiski, Heber, 18Jischmerai, Jislia un Jobab. 19Schimi siene Säns wieren: Jakim, Sichri, Sabdi, 20Elienai, Zilletai, Eliel, 21Adaja, Beraja un Schimrat. 22Schaschak siene Säns wieren: Jischpan, Eber, Eliel, 23Abdon, Sichri, Hanan, 24Hananja, Elam, Antotija, 25Jifdeja un Pnuel. 26Jeroham siene Säns wieren: Schamscherai, Scheharja, Atalja, 27Jaareschja, Elia un Sichri. 28See wieren de Leida en äare Volkjsgruppen, waut en Jerusalem wonden. 29Un en Gibeon wond Jeiel, de Staumvoda von dise Staut; un siene Fru heet Maacha. #(29-38) 1Chr 9,35-44 30Un sien ieeschtjebuarna Sän wia Abdon, un wieda wieren doa: Zur, Kisch, Baal, Ner, Nadab, 31Gedor, Achjo, Secher un Miklot. 32Miklot haud eenen Sän dee heet Schima. Un uk see wonden met äare Staumbreeda toop en Jerusalem.
33Ner sien Sän wia Kisch, un Kisch sien Sän wia Saul. Saul siene Säns wieren: Jonatan, Malkischua, Abinadab un Eschbaal. #1Sam 14,51; 2Sam 2,8 34Jonatan sien Sän wia Merib Baal. Un Merib Baal sien Sän wia Micha. 35Micha siene Säns wieren: Piton, Melech, Tachrea un Ahas. 36Ahas sien Sän wia Joada. Un Joada siene Säns wieren: Alemet, Asmawet un Simri. Simri sien Sän wia Moza, 37Moza sien Sän wia Bina, Bina sien Sän wia Refaja, Refaja sien Sän wia Elasa, un däm sien Sän wia Azel. 38Azel haud sas Säns: Asrikam, Bochru, Jischmael, Schearja, Obadja un Hanan. 39Sien Brooda Eschek siene Säns wieren: Ulam, de ieeschtjebuarna Sän, Jeusch, de tweeda, un Elifelet, de dredda. 40Ulam siene Säns wieren stoakje Kjrieja, waut met Flizboages un Feilen bewaufnet wieren. See hauden väl Säns un Grootsäns, aules toop 150 Mana. Dise jehieeden aula to de Nokomen von Benjamin.
Currently Selected:
1. Chronik 8: PB
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.