Mga Salmo 72
72
Pag-ampo alang sa Hari#ANG ULOHAN SA HEBREO: Salmo alang kang Solomon.
1O Dios, tudloi ang hari sa paghukom pinaagi sa imong hustisya;
hatagi siya#72:1 siya: Sa Hebreo, ang harianong anak. sa imong pagkamakiangayon,
2aron maghari siya sa imong katawhan pinaagi sa kaangayan,
ug mandoan niya ang mga kabos pinaagi sa hustisya.
3Makapahimulos unta sa kaayohan
ug makasinatig katarong ang yuta.
4Maghukom unta ang hari sa mga kabos uban sa kaangayan;
tabangan unta niya ang mga timawa
ug buntogon ang madaugdaugon!
5Magtahod unta kanimo
ang imong katawhan#72:5 Magtahod unta…katawhan: Ang ubang karaang sinulat nag-ingon, Mabuhi unta ang hari. samtang nagdan-ag pa ang adlaw
ug ang bulan naghatag pag kahayag sa tanang panahon.
6Mahisama unta ang hari sa ulan alang sa kaumahan
ug sa mga taligsik nga naghumod sa yuta.
7Molambo unta ang pagkamatarong sa tibuok niyang kinabuhi,
ug molungtad ang kaayohan#72:7 kaayohan: o kalinaw o pakigdait. samtang nagdan-ag pa ang bulan.
8Ang#Zac. 9:10; Sir. 44:21. iyang gingharian motadlas unta gikan sa usa ka dagat ngadto sa laing dagat,
gikan sa Suba sa Eufrates ngadto sa tibuok kalibotan.
9Ang mga tawo sa kamingawan moyukbo unta sa iyang atubangan
ug ang iyang mga kaaway malukapa sa yuta.
10Ang mga hari sa Tarsis#72:10 TARSIS: Gituohan nga nahimutang sa Espanya. ug sa kapuloan maghalad unta kaniyag mga gasa,
ug ang mga hari sa Sheba#72:10 SHEBA: Gituohan nga nahimutang sa habagatan sa Arabia. ug sa Seba#72:10 SEBA: Gituohan nga nahimutang sa Etiopia. magdala unta ug mga halad.
11Ang tanang hari moyukbo unta kaniya;
ang tanang kanasoran mag-alagad kaniya!
12Nagluwas siya sa mga kabos,
sa mga timawa ug sa mga sinalikway nga nagsangpit kaniya.
13Maluoy siya sa huyang ug kabos,
ug luwason niya ang nagkinahanglan.
14Giluwas niya sila gikan sa pangdaugdaog ug panghasi
kay bililhon alang kaniya ang ilang kinabuhi.
15Mabuhi ang hari!
Hatagan unta siyag bulawan gikan sa Sheba;
mag-ampo unta ang katawhan alang kaniya sa tanang panahon,
ug kanunay untang mag-uban kaniya ang mga panalangin sa Dios!
16Modaghan unta ang trigo sa yuta;
mapuno unta sa bunga ang kabungtoran
ug magmabungahon sama sa Lebanon.
Mapuno unta sa katawhan ang mga siyudad
sama sa balili nga nagtubo sa kapatagan.
17Dili unta gayod kalimtan ang ngalan sa hari
ug molungtad unta ang iyang kabantog sama sa adlaw.
Daygon unta siya sa tanang nasod,
ug hinaot nga ang tanang katawhan mag-ampo sa Dios nga panalanginan sila
sama sa iyang pagpanalangin sa hari.#72:17 sama sa…hari: o ug manghinaot unta silag kalipay sa hari.
18Dayga ang Ginoo, ang Dios sa Israel!
Siya lamang ang nagbuhat niining katingalahang mga butang!
19Dayga ang iyang mahimayaong ngalan hangtod sa kahangtoran
ug mapuno unta ang yuta sa iyang himaya!
Amen! Amen!
20Mao kini ang kataposan sa mga pag-ampo ni David nga anak ni Jesse.
Currently Selected:
Mga Salmo 72: RCPV
Highlight
Share
Copy
Want to have your highlights saved across all your devices? Sign up or sign in
© 1999 Philippine Bible Society
