Oseas 13
13
Kataposang Paghukom sa Israel
1Kaniadto, sa dihang mosulti ang banay ni Efraim,
ang ubang mga banay sa Israel mangurog.
Taas ang ilang pagtan-aw sa mga taga-Efraim.
Apan ang katawhan nakasala kay gisimba man nila si Baal,
ug tungod niini mamatay sila.
2Ug karon ang katawhan nagpadayon sa pagpakasala.
Nagbuhat silag mga hinulmang larawan,
mga diosdios nga hinimo sa plata ug binuhat lamang sa tawo.
Nag-ingon sila, “Paghalad kamo niini.”
Ug nanghalok sa mga bulawang baka ang mga tawo!#13:2 Sa Hebreo dili klaro.
3Busa mahisama sila sa gabon sa kabuntagon,
o sa yamog nga dali rang mahanaw,
o uhot nga ipalid gikan sa giukanan,
o aso nga moutbo gikan sa panghaw.
4Ang Ginoo miingon, “Ako, ang Ginoo nga inyong Dios,
ang nagpagawas kaninyo gikan sa Ehipto.
Wala kamoy laing giila nga Dios gawas kanako
ug walay laing makaluwas kaninyo gawas kanako.
5Ako#Deut. 8:11-17. ang nag-uban kaninyo didto sa kamingawan,
sa yuta nga kanunay lamang nga uga.
6Apan sa pagsulod ninyo sa maayong yuta,
nangabusog ug nangatagbaw kamo.
Nahimo kamong garboso ug nalimot kanako.
7Busa sama sa liyon ug liyopardo,
atangan ko kamo sa dalan.
8Sama sa oso nga giilogag anak,
dasmagan ko kamo ug ablihan ang inyong dughan.
Ug sama sa usa ka liyon ug sa pintas nga mananap,
wataswatason ko kamo.
9“Laglagon ko kamo, O katawhan sa Israel,
ug wala gayoy makatabang kaninyo.
10Kamong#1 Sam. 8:5-6. nag-ingon, ‘Hatagi kamig hari ug mga pangulo,’
hain na man karon ang hari nga moluwas kaninyo,
ug ang mga kadagkoan nga manalipod kaninyo?#13:10 Sa Hebreo dili klaro.
11Tungod#1 Sam. 10:17-24; 1 Sam. 15:26. sa akong kasuko
gihatagan ko kamog mga hari,
ug sa akong kapungot gikuha ko sila.
12“Gisulat diha sa talaan ang mga kalapasan sa Efraim
ug kining tanan gitipigan.
13May kahigayonan unta siya nga mabuhi,
apan buangbuang siya kaayo kay wala kini niya pahimusli.
Sama siya sa usa ka bata nga hapit na unta nga mahimugso,
apan nagdumili sa paggula gikan sa tagoangkan.
14Dili#1 Cor. 15:55. ko sila luwason gikan sa gahom sa Seol.
Dili ko sila ilikay gikan sa gahom sa kamatayon.
O kamatayon, ipadangat ang imong kalala!
O Seol, ipadala#13:14 ipadangat…ipadala: Sa Hebreo, ako mao…ako mao. ang imong gahom sa paglaglag!
Dili ako maluoy kanila.
15Bisag molambo pa siya sama sa bugang,#13:15 sama sa bugang: Sa Hebreo, taliwala sa kaigsoonan.
ipadala ko gayod ang timog nga hangin nga gikan sa kamingawan,
ug mohubas ang mga tinubdan sa tubig,
ug hutdog kuha niini ang tanang butang nga bililhon.
16Mag-antos ang Samaria sa silot sa iyang sala,
kay misupil man siya sa iyang Dios;
mapukan siya pinaagi sa espada,
ug ang iyang kabataan wataswatason ug yasyason ang tiyan sa mga mabdos.”
Currently Selected:
Oseas 13: RCPV
Highlight
Share
Copy
Want to have your highlights saved across all your devices? Sign up or sign in
© 1999 Philippine Bible Society
