Oseas 12
12
1“Sa tibuok adlaw ang tanang gibuhat sa katawhan sa Israel
walay kapuslanan ug makadaot lamang.
Gipilopilo nila ang bakak ug ang mga buhat nga mapintas;
nakigkombuya sila sa Asiria sa pagpamaligyag lana ngadto sa Ehipto.”
2Ang Ginoo may isudya batok sa Juda,
ug silotan niya si Jacob sumala sa binuhatan sa iyang katawhan,
ug paninglan sila sumala sa ilang nahimo.
3Nakigbisog#Gen. 25:26. #Gen. 32:24-26. si Jacob sa iyang igsoon nga si Esau
sa didto pa sila sa tiyan sa ilang inahan,
ug sa dako na siya nakiglayog siya sa Dios.
4Nakiglayog#Gen. 28:10-22. siya sa anghel ug nagmadaugon siya;
mihilak siya ug nangayo sa iyang panalangin.
Gikahibalag niya ang Dios didto sa Betel
ug didto nakigsulti kaniya#12:4 kaniya: Sa Hebreo, kanato. ang Dios—
5ang Ginoo nga Dios, ang Labing Gamhanan;
si Yahweh ang iyang ngalan.
6Busa karon, mga kaliwat ni Jacob,
salig sa inyong Dios ug balik kaniya.
Pagmaunongon ug pagmatarong kamo
ug uban ang pailob paabota ang inyong Dios.
Dugang mga Pulong sa Paghukom
7Ang Ginoo miingon, “Ang negosyante nga kanunayng naggamit ug timbangan nga dili husto,
gusto kaayong manglimbong sa uban.
8Nag-ingon ang katawhan sa Efraim,
‘Dato kita kay daghan na kitag bahandi.
Walay makaingon nga nadato kita tungod sa pagpanikas.’
9Ako,#Lev. 23:42-43. ang Ginoo nga inyong Dios,
maoy nagpagawas kaninyo gikan sa yuta sa Ehipto.
Papuy-on ko kamo pag-usab diha sa mga tolda,
sama sa inyong paghimo sa kasaulogan sa balongbalong.
10“Nakigsulti ako sa mga propeta,
ug ako kadto ang mihatag kaninyog daghang panan-awon ug mga sambingay pinaagi kanila.
11Kon magpakasala ang taga-Gilead,
dili sila molampos;
kon maghalad silag mga torong baka didto sa Gilgal,
tumpagon ang ilang mga halaran diha sa mga tudling sa kaumahan.”
12Mikagiw#Gen. 29:1-20. si Jacob ngadto sa Siria,#12:12 Siria: o Aram.
ug didto nangalagad siya ingon nga tigbantay ug mga karnero aron makaasawa.#12:12 Ang bersikulo 12 dili haom niining bahina. Adto unta kini uban sa mga bersikulo 4-6.
13Pinaagi#Exo. 12:50-51. sa usa ka propeta,
gikuha sa Ginoo ang Israel gikan sa Ehipto ug giluwas.
14Daghag nahimo ang Efraim nga nakapasilaob sa kasuko sa Ginoo,
busa silotan gayod sila sa Ginoo tungod sa ilang pagkamamumuno,
ug pahiagomon sila sa kaulawan.
Currently Selected:
Oseas 12: RCPV
Highlight
Share
Copy
Want to have your highlights saved across all your devices? Sign up or sign in
© 1999 Philippine Bible Society
