Oseas 11
11
Gugma sa Dios alang sa Masupilon Niyang Katawhan
1Ang#Exo. 4:22; Mat. 2:15. Ginoo miingon,
“Gihigugma ko ang Israel sa bata pa siya;
gikan sa Ehipto gitawag ko siya ingon nga akong anak.
2Sa nagsigi akog#11:2 akog: Sa Hebreo, silag. sangpit kanila,
nag-anam hinuon silag palayo kanako.#11:2 kanako: Sa Hebreo, kanila.
Nagpadayon sila sa pagsimba kang Baal
ug sa pagsunog ug insenso alang sa ilang diosdios.
3Akoy#11:3 Akoy: Sa Hebreo, Siyay. nagtudlo sa Efraim sa paglakaw;
akoy nagkugos sa akong katawhan,
apan wala sila moila nga akoy nag-amoma kanila.
4Gihigtan ko sila sa mga pisi sa kaluoy
ug sa lig-ong higot sa gugma,
ug nahimo ako nga ilang magtatabang sa pagpagaan sa ilang yugo,
ug miduko ako aron sa pagpakaon kanila.
5“Mamalik sila sa Ehipto,
ug#11:5 Mamalik sila sa Ehipto, ug: Sa Hebreo, Dili sila mamalik sa Ehipto apan. ang Asiria maoy maghari kanila,
kay midumili man sila sa pagbalik kanako.
6Mahitabo ang gubat diha sa ilang mga siyudad;
maguba ang mga ganghaan niini;
mangamatay sila tungod kay nagtuman man sila sa ilang gusto.
7Mobiya gayod kanako ang akong katawhan,
busa ang yugo gitagana alang kanila
ug walay makatangtang niini.
8“Unsaon#Deut. 29:23. ko man sa pagbiya kanimo, O Efraim?
Unsaon ko man sa pagtugyan kanimo ngadto sa laing kamot, O Israel?
Unsaon ko man sa paghimo kanimo nga sama sa Adma?
Unsaon ko man sa paghimo kanimo nga sama sa Zeboim?
Dili motugot ang akong kasingkasing niana,
kay mipasulabi man ang akong gugma ug kaluoy kanimo.
9Dili ko ipadayon ang pintas kong kasuko;
dili ko gub-on pag-usab ang Efraim
kay ako Dios man ug dili tawo.
Ako ang Balaan nga uban kaninyo
ug dili ako moanha kaninyo nga may kasilag.
10“Mosunod kanako ang akong katawhan
sa dihang mongulob ako sama sa liyon batok sa ilang mga kaaway.
Modali sila pagduol kanako gikan sa kasadpan.
11Moduol sila nga maglupad daw langgam gikan sa Ehipto,
ug daw mga salampati gikan sa Asiria,
ug ibalik ko sila sa ilang puloy-anan.
Ako, ang Ginoo, maoy nagsulti niini.”
Israel ug Juda Gihukman
12Ang Ginoo miingon,
“Napuno ako sa pagpamakak sa Efraim
ug sa pagpanglimbong sa katawhan sa Israel.
Apan dili ingon kanila ang Juda
kay siya wala man mobiya sa balaang Dios.#11:12 Apan dili…Dios: o Ang Juda mirebelde kanako, ang Balaang Dios nga uban kanunay kanila.
Currently Selected:
Oseas 11: RCPV
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
© 1999 Philippine Bible Society