Oseas 10
10
1Ang Israel sama sa paras nga himunga.
Sa dihang midaghan ang bunga niini,
midugang usab siya pagpamuhat ug mga halaran;
sa pag-uswag sa iyang nasod,
gipanindotan usab niya ang iyang mga haliging sagrado.
2Malimbongon ang ilang kasingkasing;
kinahanglang antuson nila ang silot tungod sa ilang sala,
kay dugmokon sa Dios ang ilang mga halaran
ug ang ilang mga haliging sagrado.
3Unya makaingon sila,
“Kami walay hari kay wala man namo kahadloki ang Ginoo.
Unsa man say kapuslanan sa hari alang kanato?”
4Mga pulong lamang nga walay unod ang ilang gilitok;
ug wala nila hatagig bili ang ilang mga panaad;
busa ang kastigo miabot kanila,
sama sa makahilong sagbot nga nanurok sa tudling sa kaumahan.
5Nangurog ang mga tawo sa Samaria,
tungod kay gikuha ang bulawang baka#10:5 baka: Sa Hebreo, mga baka. gikan sa Bet-aben.#10:5 BET-ABEN: Kining ngalana nagkahulogan ug balay sa daotan o balay sa pagsimbag diosdios. Niining bersikuloha ang gipasabot mao ang Betel nga nagkahulogan ug balay sa Dios apan gigamit na sa pagsimbag diosdios. (Tan-awa usab sa bersikulo 8 ug sa 4:15 ug 5:8.)
Tungod niini, maghilak ang iyang katawhan,
ug hilakan usab kini sa mga pari sa mga diosdios;
hilakan nila ang himaya niini nga nawala.
6Ang maong baka sa Bet-aben dad-on ngadto sa Asiria,
ingon nga gasa alang sa gamhanang hari.
Maulawan ang Israel tungod sa tambag nga iyang gisunod.
7Mahanaw ang hari sa Samaria,
daw sinapsap sa kahoy nga naglutaw sa tubig.
8Gun-obon#Luc. 23:30; Gipa. 6:16. ang mga halaran sa Aben,
nga maoy nakaangin sa Israel sa pagpakasala.
Sa ilang mga halaran manubo ang mga tunok ug mga sagbot,
ug unya moingon sila sa mga bukid, “Taboni kami,”
ug ngadto sa kabungtoran moingon, “Tumpagi kami.”
Gipahayag sa Ginoo ang Silot sa Israel
9Ang#Mag. 19:1-30. Ginoo miingon,
“Nakasala ang katawhan sa Israel sukad pa sa Gibeah,
ug nagpadayon sila sa pagpakasala.
Busa maabtan gayod silag gubat didto sa Gibeah.
10Sulongon ko sila aron silotan tungod sa ilang mga sala;
pasulongon ko ang kanasoran batok kanila,
ug kastigohon ko sila tungod sa hilabihan nilang pagpakasala.
11“Ang Efraim kaniadto sama sa usa ka dumagang baka nga gibansay sa paggiok,
ug wala ko sangonig yugo ang iyang nindot nga liog,
apan karon sangonan ko siyag yugo.
Padarohon ko ang Juda
ug si Jacob maoy mobungkag sa tibugol nga dinaro.
12Sultihan#Jer. 4:3. ko sila, ‘Daroha ang inyong uma,
ug ipugas ang binhi sa katarong,
aron maani ninyo ang bunga sa gugma nga walay paglubad.
Panahon na nga pangitaon ninyo ako, ang Ginoo,
aron ipaulan ko kaninyo ang kaluwasan.’
13Gipugas ninyo ang kangil-ad
busa inyong naani ang pagdaugdaog
ug ang bunga sa mga bakak
maoy inyong nakaon!
“Kay nagsalig man kamo sa mga karwahi#10:13 mga karwahi: Sa Hebreo, inyong pamaagi.
ug sa kadaghan sa inyong mga sundalo,
14moabot kaninyo ang kasamok sa gubat,
ug panlumpagon ang inyong mga kota.
Mahisama unya kini sa pagguba ni Salman sa Bet-arbel panahon sa gubat,
diin ang mga inahan gipangwataswatas ingon man ang ilang mga anak.
15Mahitabo usab kini kanimo, O Betel,
tungod sa imong pagkadaotan.
Sa pagsugod gayod sa gubat ang hari sa Israel mamatay.”
Currently Selected:
Oseas 10: RCPV
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
© 1999 Philippine Bible Society