Sal 149
149
A Qman Dyos B'inchalte tkyaqil ex a Nimaqkawil
1¡Ajwalinjtzxwit Qman Dyos!
Kyb'itzanxe' jun ak'a'j b'itz te Qman Dyos;
kyajwali'nktze' kyxolju' tnik'alkyi'j.
2Che tzalajxe' aj Israel, toju' tnam Syon,
qu'n a Dyos ch'isalkyeye' ex kynimaqkawile'.
3Che b'ixinqe'ye' te ajwalb'ilte tb'i,
che b'itzan qe'ye' te tuk'i'l chnab' arpa ex txijtxij.
4Qu'n intzalajte Qman Dyos kyi'ju' ttanam;
inxitq'o'n kyoklenju' me's tu'n kykanb'a'n.
5Che tzalajxe' aye'ye' njapun tyol kyu'ne' tu'nju' kanb'ab'l,
b'a'nqa kuẍliqe'tle', che b'itzan qe'ye' tuk'i'l tzalajb'il.
6Che b'itzan qe'ye' te Qman Dyos,
ex ktzyume' jun k'uẍtx'e'nb'il te kab'e' plaj twitzte
7tu'ntzun toktq'o'n tu'me'l t-xel kye ma' witzleb'il,
tu'n tkub' ttz'e'ysa'n kywitzju' nimaqtnam,
8tu'n kyb'ajkub' k'letju' nimaqkawil ex xjal nim kyoklen
kyu'n xpatx'k'uxb'il alqe'xi'x,
9tu'ntzun tjapunju' tz'e'ysb'il witzb'aj tz'ib'a'ntl.
¡Jun ninb'ilte' kye kykyaqilju' tnik'alkyi'j!
¡Ajwalinjtzxwit Qman Dyos! Chiju' b'itzal.
Currently Selected:
Sal 149: MAMO
Highlight
Share
Copy
Want to have your highlights saved across all your devices? Sign up or sign in
Biblia Mam Ostuncalco © Sociedad Bíblica de Guatemala 1999
